തിരുവനന്തപുരം: അഹമ്മദാബദിലെ എയർ ഇന്ത്യ171 ഡ്രീംലൈനർ 787-8   വിമാനാപകടം രാജ്യത്തിന് തീരാവേദനയാകുമ്പോൾ അഞ്ചു പതിറ്റാണ്ട്  മുമ്പത്തെ  ഇന്ത്യൻ എയർലൈൻസ് 171 വിമാനാപകടം വീണ്ടും ചർച്ചയാകുന്നു. രണ്ട് വിമാനങ്ങളുടെയും നമ്പർ 171 എന്നതാണ്  പുതിയ ചര്‍ച്ചകള്‍ക്ക് തിരികൊളുത്തുന്നത്. 1976 ഒക്ടോബർ 12 നായിരുന്നു, ആദ്യ മിസ് കേരളയും നടിയുമായ റാണിചന്ദ്ര അടക്കം 95 പേർ കൊല്ലപ്പെട്ട മുംബൈ- മദ്രാസ് ഇന്ത്യൻ എയർലൈൻസ് വിമാനാപകടം. 

മുംബൈയില്‍ നിന്ന് മദ്രാസിലേക്ക് മടങ്ങുകയായിരുന്നു റാണിയും അമ്മയും മൂന്ന് സഹോദരിമാരും. വിമാനം മുംബൈ സാന്താക്രൂസ് വിമാനത്താവളത്തിൽ നിന്ന് പറന്നുയർന്ന ഉടൻ കാരവല്‍ വിമാനത്തിൻ്റെ എൻജിന് തീ പിടിക്കുകയായിരുന്നു. അപകടത്തിൽ റാണിചന്ദ്രയും റാണിയുടെ ഡാന്‍സ് ട്രൂപ്പ് അംഗങ്ങളും ഉൾപ്പടെയുള്ള 89 യാത്രക്കാരും ആറു ജീവനക്കാരും കൊല്ലപ്പെട്ടു.

റാണിചന്ദ്രയുടെ വിയോഗത്തെച്ചൊല്ലി ഏറെ വിവാദങ്ങളും ഉയർന്നിരുന്നു. ദുബൈ അടക്കം അഞ്ചു രാജ്യങ്ങളിലെ നൃത്ത പരിപാടികള്‍ക്ക് ശേഷമായിരുന്നു റാണിചന്ദ്ര മുംബൈയിലെത്തിയത്. പരിപാടികളെല്ലാം സംഘടിപ്പിച്ചത് കൊല്ലം ശാസ്താംകോട്ട കാരാളിമുക്ക് സ്വദേശി സജാദ് തങ്ങളായിരുന്നു. ചില തിരക്കുകൾ കാരണം സംഘാടകനായ സജാദിന് വിമാനത്തിൽ റാണി ചന്ദ്രയ്ക്കൊപ്പം യാത്ര ചെയ്യാൻ കഴിഞ്ഞില്ല. എന്നാൽ, തന്നിലേക്ക് അന്വേഷണം വരുമോയെന്ന് ഭയന്ന സജാദ് നാട്ടിലേക്ക് മടങ്ങിയതുമില്ല. അപകടത്തിൽ സജാദും കൊല്ലപ്പെട്ടെന്നായിരുന്നു വീട്ടുകാരും സുഹൃത്തുക്കളും ധരിച്ചത്. ഇതിനിടെ, നാലു പതിറ്റാണ്ടുകള്‍ക്ക് ശേഷം 2021ലാണ് സജാദ് തിരികെ കേരളത്തിലെത്തിയത്. ഒരു കാലത്ത് മലയാള സിനിമയിൽ വൻ താരമൂല്യമുള്ള നായികയായിരുന്നു റാണി ചന്ദ്ര.  27ാം വയസിലാണ് റാണിചന്ദ്ര ലോകത്തോട് വിട പറഞ്ഞത്.

കൊച്ചിയിലെ കോഞ്ചേരിൽ കുടുംബാംഗമായിരുന്ന ചന്ദ്രൻ്റെയും -കാന്തിമതിയുടെയും ഏഴ് മക്കളിൽ രണ്ടാമത്തെ മകളായി ആലപ്പുഴയിലാണ് റാണിചന്ദ്രയുടെ ജനനം.  തുടർന്ന് ഫോർട്ട് കൊച്ചിയിലേക്കു താമസം മാറുകയായിരുന്നു.

The aircraft involved in the recent Ahmedabad incident (VT-EFJ) was also part of a fatal 1976 crash that claimed the life of Malayalam actress Rani Chandra. The eerie coincidence has sparked fresh discussions about aviation safety and aircraft lifespans in India. Investigators are now examining maintenance records and operational history. #AviationMystery #HistoricCrashes