ഹൈദരാബാദ്: ഓൺലൈൻ ബെറ്റിങ്(വാതുവെപ്പ്) ആപ്പ് കേസിൽ പ്രമുഖ ക്രിക്കറ്റ്,സിനിമാ താരങ്ങളെ എൻഫോഴ്‌സ്‌മെന്റ് ഡയറക്ട്രേറ്റ്(ഇ.ഡി) ചോദ്യം ചെയ്തു. മുൻ ഇന്ത്യൻ ടീം അംഗങ്ങളായ ഹർബജൻ സിങ്, യുവ് രാജ് സിങ്, സുരേഷ് റെയ്‌ന, സിനിമാ താരങ്ങളായ സോനു സൂദ്, ഉർവശി റൗട്ടേല തുടങ്ങിയവരെയാണ് ഇ.ഡി ചോദ്യം ചെയ്തത്. നിയമവിരുദ്ധമായി പ്രവർത്തിക്കുന്ന ഓൺലൈൻ വാതുവെപ്പ് ആപ്പുകളുമായി താരങ്ങൾക്കുള്ള ബന്ധത്തെ കുറിച്ചാണ് ഇ.ഡി അന്വേഷിക്കുന്നത്.

നിയമവിരുദ്ധമായ പ്രവർത്തിക്കുന്ന ഓൺലൈൻ വാതുവെപ്പ് ആപ്പുകളുമായി ക്രിക്കറ്റ് താരങ്ങൾ, സിനിമാ താരങ്ങൾ, സമൂഹമാധ്യമങ്ങളിൽ സ്വാധീനമുള്ളവർ എന്നിവർക്ക് ബന്ധമുണ്ടെന്നാണ് ഇ.ഡി പറയുന്നത്. നേരത്തെ നിയമവിരുദ്ധ ആപ്പുകളുടെ പരസ്യങ്ങളിൽ പങ്കാളികളായി എന്നതിന്റെ പേരിൽ തെന്നിന്ത്യൻ സിനിമാ താരങ്ങളായ റാണ ദഗ്ഗുബെട്ടി, പ്രകാശ് രാജ്, വിജയ് ദേവരകൊണ്ട, മഞ്ചു ലക്ഷ്മി തുടങ്ങി 25 ഓളം സിനിമാ താരങ്ങൾക്കെതിരെ തെലങ്കാനയിൽ കേസെടുത്തിരുന്നു. ഇതിനു പിന്നാലെയാണ് ഓൺലൈൻ വാതുവെപ്പ് ആപ്പുകൾ കള്ളപ്പണം വെളുപ്പിക്കുന്നതായും വിദേശ നാണയ വിനിമയ ചട്ടം ലംഘിക്കുന്നതായും ആരോപിച്ച് ഇ.ഡി കേസെടുത്തത്.

In a major development, the Enforcement Directorate has questioned several well-known cricketers in connection with an online betting app case linked to money laundering allegations.