ജിദ്ദ: മലയാളിയായ പ്രവാസി യുവാവ് ഹൃദയാഘാതം മൂലം സഊദി അറേബ്യയിലെ ജിദ്ദയിൽ മരിച്ചു. മലപ്പുറം കൂട്ടിലങ്ങാടി പെരിന്താറ്റി സ്വദേശി ചുള്ളിയിൽ അബ്ദുൽ അസീസ് (47) ആണ് ഹൃദയാഘാതം മൂലം മരിച്ചത്. ദേഹാസ്വാസ്ഥ്യത്തെ തുടർന്ന് ജിദ്ദ ഖുലൈസ് ആശുപത്രിയിൽ എത്തിച്ചെങ്കിലും മരണം സംഭവിച്ചു. ഖുലൈസിൽ ഡ്രൈവറായി ജോലി ചെയ്തു വരികയായിരുന്നു.

നിലവിൽ ഖുലൈസ് ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം വീട്ടുകാരുടെ അനുമതിയോടെ ജിദ്ദയിൽ തന്നെ മരവുചെയ്യും. നിയമനടപടികൾ പൂർത്തീകരിക്കാൻ ജിദ്ദ കെഎംസിസി വെൽഫയർ വിങും ഖുലൈസ് ഏരിയാ കെഎംസിസി പ്രവർത്തകരും ആണ് രംഗത്തുള്ളത്.

young expatriate Malayali man died of a heart attack in Jeddah