വീടിന്റെ ബാല്‍ക്കണിയെ മനോഹരമാക്കുന്നതിനൊപ്പം തന്നെ ഉപയോഗപ്രദമായ പല കാര്യങ്ങളും ചെയ്യാന്‍ സാധിക്കും. അധിക ആളുകളും ബാല്‍ക്കണിയില്‍ ചെടികളോ പച്ചക്കറികളോ ഒക്കെ നട്ടുവളര്‍ത്താറുണ്ട്. ഇനി ചെടികള്‍ക്ക് പകരം പഴങ്ങള്‍ നട്ടുവളര്‍ത്തി നോക്കൂ, നിങ്ങള്‍ക്ക് ഫ്രഷായ പഴങ്ങള്‍ കഴിക്കാന്‍ സാധിക്കും. സ്‌ട്രോബെറി, ചെറി ടൊമാറ്റോ, നാരങ്ങ തുടങ്ങിയ ചെറിയ പഴങ്ങള്‍ ബാല്‍ക്കണിയില്‍ എളുപ്പത്തില്‍ തന്നെ വളര്‍ത്താന്‍ സാധിക്കുന്നവയാണ്. എങ്ങനെയെന്ന് വളര്‍ത്തേണ്ടതെന്ന് നോക്കാം. 

സ്‌ട്രോബെറി 

വളര്‍ത്താന്‍ വളരെ എളുപ്പമുള്ള പഴമാണ് സ്‌ട്രോബറി. സ്‌ട്രോബെറിക്ക് വളരെ ചെറിയ തോതില്‍ മാത്രമേ സൂര്യപ്രകാശം ആവശ്യമായി വരുന്നുള്ളൂ. അവയ്ക്ക് വളരെ ചെറുതും വളരാന്‍ കൂടുതല്‍ സ്ഥലവും ആവശ്യമില്ല. ചെടിച്ചട്ടിയിലാണ് വളര്‍ത്തുന്നതെങ്കില്‍ വലിയ ചട്ടിയുടെ ആവശ്യവും ഇല്ല. സ്‌ട്രോബെറിയുടെ തൈ വാങ്ങിയതിന് ശേഷം വലിയ ചെടിച്ചട്ടിയില്‍ നടാവുന്നതാണ്. പോഷക ഗുണങ്ങളുള്ള മണ്ണിലാവണം ചെടി നടേണ്ടതെന്നേ ഉള്ളൂ. ദിവസവും കുറഞ്ഞത് 5 മണിക്കൂറെങ്കിലും സൂര്യപ്രകാശം ലഭിക്കേണ്ടതുണ്ട്. 

ചെറി ടൊമാറ്റോ 

ചെറി ടൊമാറ്റോയെ കണ്ടാല്‍ പച്ചക്കറിയാണെന്നോ തോന്നു. എന്നാല്‍ ഇതും പഴവര്‍ഗത്തില്‍പ്പെട്ട ചെടിയാണ്. ഇവ എളുപ്പത്തില്‍ വളരുകയും ചെയ്യും. വളരെ ചെറിയ രീതിയിലുള്ള പരിപാലനം മാത്രമേ ഈ ചെടിക്ക് ആവശ്യമായി വരുന്നുള്ളൂ. വിത്ത് നടുമ്പോള്‍ അതില്‍ നിന്നു വളര്‍ന്ന് പൊങ്ങും. ഇതിന് പടര്‍ന്നു കയറാനുള്ള സാഹചര്യം ഉണ്ടെന്ന് ഉറപ്പ് വരുത്തുക. ചെറി ടൊമാറ്റോയുടെ വിത്തുകള്‍ വാങ്ങിയതിന് ശേഷം കൊക്കോപീറ്റ് കൊണ്ട് സമ്പുഷ്ടമായ മണ്ണില്‍ വേണം നട്ടുപിടിപ്പിക്കാന്‍. കൂടാതെ, നല്ല വളമുള്ള മണ്ണുമായിരിക്കണം.

നാരങ്ങ 

എളുപ്പത്തില്‍ വളര്‍ത്താന്‍ സാധിക്കുന്ന ഒരു ചെടിയാണ് നാരങ്ങ. നാരങ്ങയുടെ തൈ വാങ്ങിയതിന് ശേഷം ചെടിച്ചട്ടിയില്‍ നടാവുന്നതാണ്. നാരങ്ങക്ക് നല്ല രീതിയിലുള്ള പരിപാലനവും ആവശ്യമാണ്. അതുകൊണ്ട് തന്നെ കൃത്യമായ സമയങ്ങളില്‍ കേടുവന്നതും പഴുത്തതുമായ ഇലകള്‍ വെട്ടി മാറ്റുകയും സൂര്യപ്രകാശം കൊള്ളുന്നുണ്ടെന്ന് ഉറപ്പു വരുത്തുകയും ചെയ്യേണ്ടതാണ്.