ഏതാണ്ട് ഏതു കാലാവസ്ഥയിലും നമ്മള്‍ സോക്‌സുകള്‍ ധരിക്കാറുണ്ട്. ചൂടായാലും തണുപ്പായാലുമൊക്കെ
സോക്‌സുകള്‍ ഉപയോഗിക്കാറുണ്ട്. ഇതിനാണെങ്കില്‍ വലിയ വിലയുമില്ല. അതുകൊണ്ട് തന്നെ ആളുകള്‍ അവ കീറുമ്പോള്‍ വലിച്ചെറിയുകയാണ് പതിവ്. എന്നാല്‍ അവ വീണ്ടും ഉപയോഗിച്ച് നമുക്ക് ചെറിയ പണികളൊക്കെ ചെയ്യാം. അതിങ്ങനെ പുനരുപയോഗിക്കുകയും ചെയ്യാം. 

ദൈനംദിന ജീവിതത്തിന്റെ ഭാഗമായ സോക്‌സുകള്‍ കാലക്രമേണ കീറുകയോ മറ്റോ ചെയ്യുമ്പോള്‍ മിക്ക ആളുകളും അവ വലിച്ചെറിയുന്നു. എന്നാല്‍ ഈ സോക്‌സുകള്‍ കീറിയതിനു ശേഷവും നിങ്ങള്‍ക്ക് വളരെ ഉപയോഗപ്രദമാക്കാന്‍ കഴിയുന്നതാണ്. പഴയ സോക്‌സുകള്‍ ശരിയായി ഉപയോഗിച്ചാല്‍ ആളുകള്‍ നിങ്ങളെ കുറിച്ചു പ്രശംസിക്കും. അതുകൊണ്ട് സോക്‌സുകള്‍ വീണ്ടും ഉപയോഗിക്കാനുള്ള ഈ വഴികള്‍ എന്താണെന്നു നോക്കാം.

കുപ്പിയുടെ കവര്‍

കുട്ടികളുടെ കൈയിലുള്ള വെള്ളക്കുപ്പികളോ പാല്‍ക്കുപ്പികളോ പെട്ടെന്ന് ചൂടാകുന്നത് നിങ്ങളുടെ ശ്രദ്ധയില്‍ പെട്ടിട്ടുണ്ടാവാം. ചൂടുള്ള കുപ്പി അവരുടെ കൈയില്‍ പിടിക്കാന്‍ കഴിയാതെ വരുമ്പോള്‍ അതിനായി നമുക്കീ സോക്‌സുകള്‍ ഉപയോഗിക്കാവുന്നതാണ്. പഴയ സോക്‌സുകള്‍ ഉപയോഗിച്ച് കുപ്പികള്‍ക്ക് ഭംഗിയുള്ളതും മനോഹരവുമായ കവറുകള്‍ ഉണ്ടാക്കാവുന്നതാണ്. ഇങ്ങനെ കുപ്പിയുടെ മുകളില്‍ സോക്‌സുകളിട്ടു കൊടുത്താല്‍ കാണാന്‍ മനോഹരവും കുട്ടികളുടെ കൈ പൊള്ളുകയുമില്ല. അവര്‍ക്ക് പെട്ടെന്നു തന്നെ ഇഷ്ടപ്പെടുകയും ചെയ്യും.

ഐസ്പാക്ക് കവര്‍

പഴയ സോക്‌സുകള്‍ ഉപയോഗിച്ച് നിങ്ങള്‍ക്ക് ഐസ് പായ്ക്കിനുള്ള കവര്‍ ഉണ്ടാക്കാവുന്നതാണ്. ഐസ് പായ്ക്ക് ഇല്ലെങ്കില്‍ ഫ്രീസറില്‍ നിന്ന് കുറച്ച് ഐസ് ക്യൂബുകള്‍ എടുത്ത് ഒരു സോക്‌സില്‍ ഇട്ട് ഉപയോഗിക്കാവുന്നതാണ്. ഇത് വളരെ എളുപ്പമായ ഒരു രീതിയാണ്.

നീ ഗാര്‍ഡ്

കൊച്ചുകുട്ടികള്‍ മുട്ടുകുത്തി നടക്കാന്‍ തുടങ്ങുന്നത് കണ്ടിട്ടില്ലേ.  അത്തരം സാഹചര്യങ്ങളില്‍ ചിലപ്പോള്‍ അവര്‍ക്ക് പരിക്കേല്‍ക്കുന്നതും കാണാം. അതിനായി മികച്ച പരിഹാരം നമുക്കീ സോക്‌സുകള്‍ ഉപയോഗിച്ച് ഉണ്ടാക്കാം.  നീ ഗാര്‍ഡുകളാണ് ഉണ്ടാക്കേണ്ടത്. പഴയ സോക്‌സുകളുടെ മുന്‍ഭാഗം മുറിച്ച് കുട്ടികളുടെ മുട്ടില്‍ ധരിപ്പിച്ചാല്‍ മതി.

ഉള്ളി  ഹാംഗര്‍
ഉള്ളി സൂക്ഷിക്കാനായി ഒരു മെഷ് ബാഗില്‍ തൂക്കിയിടുന്നതാണ് നല്ലത്. അത്തരമൊരു സാഹചര്യത്തില്‍, പഴയ സോക്‌സുകളുടെ സഹായത്തോടെ നിങ്ങള്‍ക്ക് ഉള്ളി വളരെക്കാലം പുതുമയോടെ തന്നെ സൂക്ഷിക്കാന്‍ കഴിയും. ഉള്ളി ഓരോന്നായി സോക്‌സില്‍ ഇട്ട് അടുക്കളയില്‍ ഒരു കൊളുത്തില്‍ തൂക്കിയിട്ടേച്ചാല്‍ മതി.

ഷൂ കവറുകള്‍

നിങ്ങളുടെ ഷൂസിനെ പൊടിയില്‍ നിന്നും അഴുക്കില്‍ നിന്നും സംരക്ഷിക്കാനായി നിങ്ങള്‍ക്ക് പഴയ സോക്‌സുകള്‍ ഉപയോഗിക്കാവുന്നതാണ്. ഇതിനായി, നിങ്ങളുടെ ഷൂസില്‍ വലിയ സോക്‌സുകള്‍ ഇട്ട് നന്നായി പൊതിഞ്ഞു വയ്ക്കുക. ഉയര്‍ന്ന ഹീലുള്ളവയാണെങ്കില്‍, ചെരുപ്പുകള്‍ക്ക് ഒരു കവര്‍ നിര്‍മ്മിക്കണമെങ്കില്‍, ഒരു ദ്വാരം ഉണ്ടാക്കിയാല്‍ മതിയാവും.