മസ്‌കത്ത്: ഇറാൻ - ഇസ്റാഈൽ സംഘർഷത്തെ തുടർന്ന് ഒമാനിലെ അമ്മാൻ റൂട്ടിലെ വിമാന സർവീസുകൾ നിർത്തിവച്ചു ഒമാൻ എയർ.  ജൂൺ 21 വരെയാണ് സർവിസ് നിർത്തിവച്ചത്.  

സാഹചര്യങ്ങൾ അനുകൂലമായാൽ ഉടൻ സാധാരണ പ്രവർത്തനങ്ങൾ പുനരാരംഭിക്കുമെന്ന് ദേശീയ വിമാനക്കമ്പനി പുറത്തിറക്കിയ യാത്രാ മുന്നറിയിപ്പിൽ പറഞ്ഞു. ഔദ്യോഗിക ആശയവിനിമയ ചാനലുകൾ വഴി നിർദേശങ്ങൾ ശ്രദ്ധിക്കണമെന്ന് കമ്പനി അറിയിച്ചു.

മേഖലയിലെ സംഘർഷങ്ങൾ തുടരുന്ന സാഹചര്യത്തിൽ, യാത്രക്കാരുടെയും ജീവനക്കാരുടെയും സുരക്ഷയ്ക്കായി സലാംഎയറും ഒമാൻ എയറും നിരവധി അന്താരാഷ്ട്ര വിമാന സർവീസുകൾ ആണ് നേരത്തേ നിർത്തിവച്ചത്. ഇറാൻ, ഇറാഖ്, അസർബൈജാൻ എന്നിവിടങ്ങളിലേക്കും തിരിച്ചുമുള്ള എല്ലാ വിമാന സർവീസുകളും  ജൂൺ 20 വരെ സലാംഎയർ താൽക്കാലികമായി നിർത്തിവച്ചു. മൂന്ന് രാജ്യങ്ങളിൽ ഏതെങ്കിലുമൊന്നിലേക്കുള്ള  മസ്‌കറ്റ് അന്താരാഷ്ട്ര വിമാനത്താവളം വഴിയുള്ള ട്രാൻസിറ്റ് യാത്രക്കാരെ ഇനിയൊരു അറിയിപ്പ് ഉണ്ടാകുന്നതുവരെ അവരുടെ യഥാർത്ഥ പുറപ്പെടൽ പോയിന്റുകളിൽ നിന്ന് യാത്ര ചെയ്യാൻ അനുവദിക്കില്ലെന്നും എയർലൈൻ സ്ഥിരീകരിച്ചു. സമയബന്ധിതമായ ഫ്ലൈറ്റ് അപ്‌ഡേറ്റുകൾ ലഭിക്കുന്നതിന് SalamAir.com ലെ “മാനേജ് ബുക്കിംഗ്” പോർട്ടൽ വഴി യാത്രക്കാർ അവരുടെ കോൺടാക്റ്റ് വിശദാംശങ്ങൾ തത്സമയം അറിയണമെന്ന് കമ്പനികൾ  അഭ്യർത്ഥിക്കുന്നു. എയർലൈൻ സ്ഥിതിഗതികൾ സൂക്ഷ്മമായി നിരീക്ഷിക്കുകയും സാഹചര്യങ്ങൾ അനുവദിക്കുന്ന മുറയ്ക്ക് സർവീസുകൾ പുനരാരംഭിക്കുകയും ചെയ്യും.

+968 2427 2222 എന്ന നമ്പറിൽ സലാംഎയറിന്റെ കസ്റ്റമർ കെയറിൽ ബന്ധപ്പെടാം.

Oman Air extends suspension of Amman flights until June 21