മസ്‌കത്ത്: രാജ്യത്തെ എല്ലാ നികുതിദായകരും ആദായ നികുതി റിട്ടേണുകൾ (Income tax returns) സമർപ്പിക്കുമ്പോൾ ഫിനാൻഷ്യൽ സർവീസസ് അതോറിറ്റി (OmanFinancial Services Authority) യുടെ ലൈസൻസ് ഉള്ള ഓഡിറ്റർ അംഗീകരിക്കണമെന്ന് ഒമാൻ നികുതി അതോറിറ്റി അറിയിച്ചു. സാമ്പത്തിക റിപ്പോർട്ടിങിലെ അനുസരണം, സുതാര്യത, കൃത്യത എന്നിവ വർധിപ്പിക്കുക എന്ന ലക്ഷ്യത്തോടെ, ആദായനികുതി നിയമ നമ്പർ (28/2009) ലെ വ്യവസ്ഥകൾക്ക് അനുസൃതമായാണ് പുതിയ നിർദേശമെന്നു അധികൃതർ അറിയിച്ചു. ഓഡിറ്റ് ചെയ്യാത്ത അക്കൗണ്ടുകൾ സമർപ്പിക്കുന്നത് നിയമപരമായ പ്രത്യാഘാതങ്ങൾക്ക് ഇടയാക്കുമെന്ന് അതോറിറ്റി മുന്നറിയിപ്പ് നൽകി. നികുതി റിട്ടേണുകൾ സമർപ്പിക്കുന്നത് സംബന്ധിച്ച കൂടുതൽ വിശദാംശങ്ങൾക്കും അംഗീകൃത ഓഡിറ്റർമാരെ അറിയുന്നതിനും വേണ്ടി നികുതിദായകർക്ക് ഒമാൻ്റെ ഫിനാൻഷ്യൽ സർവീസസ് അതോറിറ്റി പോർട്ടൽ www.fsa.gov.om സന്ദർശിക്കാവുന്നതാണെന്നു അറിയിപ്പിൽ പറയുന്നു. 

Oman Tax Authority mandates audited accounts for income tax returns