മുക്കം: നായര്‍കുഴി ഗവ.ഹയര്‍ സെക്കന്‍ഡറി സ്‌കൂള്‍ നവതി ആഘോഷ പരിപാടികള്‍ക്ക് നേതൃത്വം നല്‍കുന്നതിനുള്ള സ്വാഗത സംഘം നിലവില്‍ വന്നു.
 ആറു മാസം നീളുന്ന ആഘോഷ പരിപാടികളുടെ നടത്തിപ്പിനുള്ള സ്വാഗത സംഘ രൂപീകരണ യോഗം ചാത്തമംഗലം പഞ്ചായത്ത് പ്രസിഡന്റ് കെ.എസ് ബീന ഉദ്ഘാടനം ചെയ്തു. പി.ടി.എ പ്രസിഡന്റ് കളരിക്കല്‍ അഹമ്മദുകുട്ടി അധ്യക്ഷനായി. പഞ്ചായത്തംഗം കെ.പി സുകുമാരന്‍, സ്‌കൂള്‍ പ്രിന്‍സിപ്പല്‍ കെ. അഹമ്മദ് ഇക്ബാല്‍, പ്രധാനാധ്യാപകന്‍ കെ ബാലകൃഷ്ണന്‍, പഞ്ചായത്തംഗങ്ങളായ എന്‍.പി.കമല, എ. പ്രസാദ്, പൊതുപ്രവര്‍ത്തകനായ അഡ്വ. പി ചാത്തുക്കുട്ടി, സി. ചോയി, പി.കെ രാധാകൃഷ്ണന്‍, ഓളിക്കല്‍ ഗഫൂര്‍, എം.സി സുബ്ഹാന്‍ ബാബു, ടി.കെ.നാസര്‍, എം. പ്രകാശന്‍, കെ.എം.അബ്ദുസ്സലാം  സംസാരിച്ചു.പഞ്ചായത്തംഗം കെ.പി.സുകുമാരന്‍ ചെയര്‍മാനുംപ്രിന്‍സിപ്പല്‍ കെ.അഹമ്മദ് ഇക്ബാല്‍ ജന.കണ്‍വീനറുമായി 101 അംഗ സ്വാഗത സംഘം രൂപീകരിച്ചു.എന്‍.പി.കമലം,
കളരിക്കല്‍ അഹമ്മദുകുട്ടി, ബാബുരാജ് അമ്മാംകുഴി (വൈസ് ചെയര്‍മാന്‍മാര്‍) കെ.ബാലകൃഷ്ണന്‍ (കണ്‍വീനര്‍) സി.മുഹമ്മദ് ബഷീര്‍, ജോര്‍ജ് എന്‍. മാമ്മന്‍(ജോയന്റ് കണ്‍വീനര്‍മാര്‍) ഇ.കെ.റഷീദ് (ട്രഷറര്‍) എന്നിവരാണ് മറ്റു ഭാരവാഹികള്‍. വിവിധ സബ് കമ്മിറ്റികളും രൂപികരിച്ചു.