കോട്ടയം: സുഹൃത്തുക്കൾ കംപ്രസർ ഉപയോഗിച്ച് സ്വകാര്യ ഭാഗത്ത് കാറ്റടിച്ചതിനെ തുടർന്ന് ഗുരുതര പരുക്കേറ്റ അതിഥിത്തൊഴിലാളിയെ ആശുപത്രിയിൽ പ്രവേശിപ്പിച്ചു. ഒഡീഷ സ്വദേശിയായ സന്തോഷ് നായിക്കിനാണു (27) പരുക്കേറ്റത്. കുടൽ പൊട്ടിയ നിലയിൽ സന്തോഷ് നായിക്കിനെ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. പ്ലൈവുഡ് കമ്പനിയിൽ കൂടെ ജോലി ചെയ്യുന്ന സുഹൃത്തുക്കളാണ് പരുക്കേൽപ്പിച്ചത്. 

ബുധനാഴ്ച കുറുപ്പംപടി ഓടക്കാലിയിലെ സ്മാർട് ടെക് പ്ലൈവുഡ് കമ്പനിയിലാണ് സംഭവം. പ്ലൈവുഡ് മുറിക്കുമ്പോഴും മറ്റും ഇതിന്റെ പൊടി ശരീരത്തിൽ ആകാറുണ്ട്. ഈ പൊടി പണി കഴിഞ്ഞ് പോകുമ്പോൾ കംപ്രസർ ഉപയോഗിച്ച് കളയുന്നത് ഇത്തരം ജോലിക്കാർക്കിടയിൽ പതിവാണ്. ഇത് ചെയ്യുന്നതിനിടയിലാണ് സഹ തൊഴിലാളികളായ പ്രശാന്ത് ബഹ്‌റ (47), ബയാഗ് സിങ് (19) എന്നിവർ തമാശയ്ക്കു വേണ്ടിയാണ് സന്തോഷ് നായിക്കിന്റെ സ്വകാര്യ ഭാഗത്ത് കാറ്റടിച്ചത്. എന്നാൽ സംഭവം കൈവിട്ടുപോവുകയായിരുന്നു. 

ശക്തമായ കാറ്റ് ശരീരത്തിനകത്ത് കയറി സന്തോഷിന്റെ കുടലിന് പരുക്കേൽക്കുകയായിരുന്നു. വൈകാതെ ഇയാളെ കോട്ടയം മെഡിക്കൽ കോളജ് ആശുപത്രിയിൽ എത്തിച്ചു. ചികിത്സ തുടരുകയാണ്. സംഭവത്തിൽ കുറുപ്പംപടി പൊലിസ് കേസെടുത്തു.

A young man was hospitalized with serious injuries after his friends used an air compressor to blow air into his private parts. The injured person has been identified as Santosh Nayik (27), a native of Odisha. He was admitted to Kottayam Medical College Hospital with a ruptured intestine. The injury was inflicted by his coworkers at a plywood company.