ക്രിസ്റ്റ്യാനോ റൊണാൾഡോ, ലയണൽ മെസി ഇവരിൽ ആരാണ് ഏറ്റവും മികച്ച താരം എന്നത് ഫുട്ബോൾ ലോകത്ത് രണ്ട് പതിറ്റാണ്ടുകളായി സജീവമായി നിലനിൽക്കുന്ന ചർച്ചാവിഷയമാണ്. ഇപ്പോൾ റൊണാൾഡോയുടെയും മെസിയുടെയും പ്രകടനങ്ങളെക്കുറിച്ച് സംസാരിക്കുകയാണ് മുൻ പോർച്ചുഗീസ് താരം നാനി. 

"ഇപ്പോൾ ആളുകൾ റൊണാൾഡോയെയും മെസിയെയും കുറിച്ച് സംസാരിക്കുമ്പോൾ കഴിഞ്ഞ അഞ്ചു വർഷത്തെ ഇരുവരുടെയും പ്രകടനങ്ങൾ മാത്രം നോക്കിയാണ് പറയുന്നത്. എന്നാൽ റൊണാൾഡോയെയും മെസിയെയും കുറിച്ച് സംസാരിക്കണമെങ്കിൽ ഇരുവരും ചെറുപ്പകാലത്ത് എന്തെല്ലാം ചെയ്തു എന്നാണ് നമ്മൾ നോക്കേണ്ടത്. ആദ്യകാലങ്ങളിലെ അവരുടെ കഴിവുകൾ, കളിക്കളത്തിലെ അവരുടെ വേഗത, കാര്യങ്ങൾ കൈകാര്യം ചെയ്ത രീതികൾ എന്നിവയിൽ കുറിച്ചാണ് നമ്മൾ സംസാരിക്കേണ്ടത്" നാനി ഒബി വൺ പോഡ്ഡ്കാസ്റ്റിലൂടെ പറഞ്ഞു.

അമേരിക്കൻ ക്ലബ് ഇന്റർ മയമിക്ക് വേണ്ടിയാണ് മെസി കളിക്കുന്നത്. മയാമിക്കൊപ്പം മിന്നും പ്രകടനമാണ് മെസി നടത്തിക്കൊണ്ടിരിക്കുന്നത്. മെസിയുടെ വരവോടെ ഇന്റർ മയാമി ലീഗിൽ മിന്നും പ്രകടനമായിരുന്നു നടത്തിയിരുന്നത്. ക്ലബ്ബിന്റെ ചരിത്രത്തിൽ ഇതുവരെ ഇല്ലാതിരുന്ന ലീഗ്‌സ് കപ്പ് കിരീടവും മെസിയുടെ നേതൃത്വത്തിൽ ആണ് മയാമി സ്വന്തമാക്കിയത്. ഈ വർഷം ഡിസംബർ വരെയാണ് ഇന്റർ മയാമിക്കൊപ്പമുള്ള മെസിയുടെ കരാർ അവസാനിക്കുന്നത്.

അതേസമയം റൊണാൾഡോ സഊദി പ്രൊ ലീഗ് ക്ലബായ അൽ നസറിന്റെ താരവുമാണ്. റൊണാൾഡോയുടെ വരവിന് പിന്നാലെ സഊദി ഫുട്ബോളിന് ലോക ഫുട്ബോളിൽ കൃത്യമായ ഒരു മേൽവിലാസം സൃഷ്ടിച്ചെടുക്കാൻ സാധിച്ചിരുന്നു. അൽ നസറിന് വേണ്ടി ഇതുവരെ തകർപ്പൻ പ്രകടനങ്ങളാണ് റൊണാൾഡോ നടത്തിക്കൊണ്ടിരിക്കുന്നത്. അൽ നസറിനായി 99 ഗോളുകളാണ് റൊണാൾഡോ നേടിയിട്ടുള്ളത്. 

Former Portuguese star Nani is talking about the performances of Ronaldo and Messi