പാണ്ടിക്കാട്: കാറുകള്‍ കൂട്ടിമുട്ടുന്നതിനിടെ സ്‌കൂട്ടര്‍ അതിനിടയില്‍പെട്ടു രണ്ടു പേര്‍ക്കു പരുക്കേറ്റു. ചൂരക്കാവ് ഇറക്കം അവസാനിക്കുന്നടത്ത് സുല്‍ത്താനിയ ഗ്രൗണ്ടിനു സമീപം ഇന്നലെ വൈകിട്ട് അഞ്ചരോടെയായിരുന്നു അപകടം. കൊടശ്ശേരി മരനാട്ടുപടിയില്‍നിന്നു പെരിന്തല്‍മണ്ണയിലേക്ക് പോകുകയായിരുന്ന കാറും എതിരേ പാണ്ടിക്കാട്ടേക്കു വന്ന കാറും കൂട്ടിയിടിക്കുകയും പാണ്ടിക്കാട്ടുനിന്ന് ഒറവംപുറത്തെ ബൈക്ക് ഷോറൂമിലേക്കു വരികയായിരുന്ന ബൈക്കിലെ ജീവനക്കാരന്‍ കാറുകള്‍ക്കിടയില്‍ കുരുങ്ങുകയുമായിരുന്നു.
സ്‌കൂട്ടര്‍ യാത്രക്കാരന്‍ വണ്ടൂര്‍ സ്വദേശി അഭിലാഷ് (32), കാറില്‍ യാത്ര ചെയ്തിരുന്ന ചെമ്പ്രശ്ശേരി എ.യു.പി സ്‌കൂള്‍ അധ്യപിക എ.എം സീമ (44) എന്നിവരെ പരുക്കുകളോടെ പെരിന്തല്‍മണ്ണയിലെ സ്വകാര്യ ആശുപത്രയില്‍പ്രവേശിപ്പിച്ചു. മൂന്ന്ു വാഹനങ്ങക്കും സാരമായ കേടുപടുകള്‍ സംഭവിച്ചു.