കോഴിക്കോട്: വാഹന പരിശോധനക്കിടെ പിടിയിലായ യുവാവിനെ സ്റ്റേഷനില്‍ വെച്ച് ക്രൂരമായി മര്‍ദ്ദിച്ചെന്ന പരാതിയില്‍ ആരോപണ വിധേയനായ എസ് ഐക്ക് സ്ഥലം മാറ്റം. ബേപ്പൂര്‍ സ്റ്റേഷനിലെ പ്രൊബേഷന്‍ എസ് ഐ ധനീഷിനെയാണ് ജില്ല സായുധ ആസ്ഥാനത്തേക്ക് മാറ്റിയത്. 

ധനീഷ് ഉള്‍പ്പെടെ നാലുപേര്‍ ചേര്‍ന്ന് മര്‍ദിച്ചെന്നായിരുന്നു യുവാവിന്റെ പരാതി. ഇരുചക്രവാഹനത്തില്‍ മൂന്നുപേര്‍ സഞ്ചരിച്ചതിനാണ് പരാതിക്കാരനായ അനന്ദുവിനെ സ്റ്റേഷനിലെത്തിച്ചത്. തുടര്‍ന്ന് പട്ടിക ഉപയോഗിച്ച് നിരവധി തവണ അടിച്ചെന്നാണ് ആരോപണം. 

അതിനിടെ കഞ്ചാവ് കൈവശം വെച്ചെന്ന് ആരോപിച്ച് ബേപ്പൂര്‍ പൊലിസ് അനന്ദുവിനെതിരെ കേസ് രജിസ്റ്റര്‍ ചെയ്തിരുന്നു. ഇത് കള്ളക്കേസാണെന്നും, കഞ്ചാവ് ഉപയോഗിച്ചിട്ടില്ലെന്നുമാണ് അനന്ദു പറഞ്ഞത്.

ALSO READ: കെഎസ്ആർടിസിയിൽ പുതിയ മാറ്റങ്ങൾ: എഐ സോഫ്റ്റ്‌വെയറും പുതുക്കിയ സ്റ്റുഡന്റ് കൺസെഷൻ കാർഡും 

ബേപ്പൂര്‍ സ്വദേശിയാ അനന്തുവും സുഹൃത്തുക്കളും ബൈക്കില്‍ യാത്ര ചെയ്യവേയാണ് പൊലിസ് പിടികൂടിയത്. ബൈക്കില്‍ മൂന്നുപേര്‍ യാത്ര ചെയ്ത സംഭവത്തിലാണ് ഇവരെ സ്റ്റേഷനിലെത്തിച്ചത്. തുടര്‍ന്ന് ആദ്യം ലാത്തികൊണ്ടും, പിന്നീട് പട്ടിക കൊണ്ടും മര്‍ദ്ദിച്ചെന്നാണ് യുവാവ് മൊഴി നല്‍കിയത്.

പൊലിസ് പറയുന്നത് ഇങ്ങനെ

അനന്തുവിന്റെ കൈവശം കഞ്ചാവ് ബീഡി കണ്ടെത്തിയെന്നും, തുടര്‍ന്ന് നടത്തിയ ചോദ്യം ചെയ്യലില്‍ എസ് ഐയുമായി കയ്യാങ്കളി നടന്നെന്നുമാണ് പൊലിസ് പറയുന്നു. കഞ്ചാവ് ബീഡി കൈവശം വെച്ചതിന് യുവാവിനെതിരെ 27ബി വകുപ്പ് പ്രകാരം കേസ് എടുത്തതായും ബേപ്പൂര്‍ പൊലിസ് പറഞ്ഞു. മുന്‍പും സമാനമായ രണ്ട് കേസുകള്‍ അനന്തുവിനെതിരെ രജിസ്റ്റര്‍ ചെയ്തിട്ടുണ്ടെന്നും പൊലസ് പറഞ്ഞു.

probationary Sub-Inspector (SI) has been transferred following an allegation of brutal assault on a young man during a vehicle inspection.