തിരുവനന്തപുരം: കെഎസ്ആർടിസിയിൽ ബസ് ഷെഡ്യൂളിങ് കാര്യക്ഷമമാക്കാൻ ആർട്ടിഫിഷ്യൽ ഇന്റലിജൻസ് (എഐ) അധിഷ്ഠിത സോഫ്റ്റ്‌വെയർ അവതരിപ്പിക്കുമെന്ന് ഗതാഗതമന്ത്രി കെ.ബി. ഗണേഷ് കുമാർ പ്രഖ്യാപിച്ചു. ബസിന്റെ സമയക്രമവും സീറ്റ് ലഭ്യതയും യാത്രക്കാർക്ക് എളുപ്പത്തിൽ അറിയാൻ ചലോ ആപ്പ് നവീകരിക്കും.

ഡ്രൈവർമാരും കണ്ടക്ടർമാരും ബസ് ഡ്യൂട്ടി ശരിയായി നിർവഹിക്കണമെന്നും ഓഫീസ് ജോലികളിൽ ഏർപ്പെടരുതെന്നും മന്ത്രി നിർദേശിച്ചു. അടുത്ത 20 ദിവസത്തിനുള്ളിൽ വിദ്യാർഥികൾക്കുള്ള പുതുക്കിയ കൺസെഷൻ കാർഡ് വിതരണം പൂർത്തിയാക്കുമെന്നും അദ്ദേഹം അറിയിച്ചു.

സ്റ്റേഷൻ മാസ്റ്റർമാർക്കുള്ള മൊബൈൽ ഫോണുകളുടെ വിതരണോദ്ഘാടന വേളയിലാണ് മന്ത്രി ഈ പ്രഖ്യാപനങ്ങൾ നടത്തിയത്.

Kerala Transport Minister K.B. Ganesh Kumar announced that KSRTC will implement AI software for bus scheduling. The Chalo app will be upgraded to provide real-time bus timings and seat availability. Drivers and conductors must focus on bus duties, not office work. Revised student concession cards will be distributed within 20 days.