അങ്ങാടിപ്പുറം: വൈലോങ്ങര ആണിക്കല്ലില്‍ റോഡില്‍  വഴിയരികില്‍ പാമ്പിന്റെ രണ്ടു ഡസനോളം മുട്ടകള്‍ കണ്ടെത്തി. ഇന്നലെ രാവിലെയോടെ വഴിയരികിലൂടെ നടന്നു പോകുന്നതിനിടെ പൊന്തക്കാടില്‍ മാളം രൂപപ്പെട്ടത് ശ്രദ്ധയില്‍പ്പെട്ട മദ്‌റസാ വിദ്യാര്‍ഥികളാണ് സമീപവാസിയെ അറിയിച്ചത്. സംഭവത്തെ തുടര്‍ന്ന് സ്ത്രീകളും കുട്ടികളുമടക്കം മാളത്തിലെ മുട്ട കാണാനെത്തി. വിവരമറിയിച്ചതിനെത്തുടര്‍ന്ന് പരിസ്ഥിതി പ്രവര്‍ത്തകന്‍ ഉപ്പുടന്‍ റഹ്മാനും സംഘവും  സ്ഥലത്തെത്തി. തുടര്‍ന്ന് മാളത്തില്‍ കൈയിട്ട് 24 മുട്ടകള്‍ പുറത്തെടുത്തതോടെയാണ് സമീപവാസികള്‍ക്ക് ആശ്വാസമായത്. മാളത്തിന്റെ സമീപങ്ങളിലെല്ലാം പാമ്പിനെ തെരഞ്ഞെങ്കിലും കണ്ടെത്താനായില്ല. സന്ധ്യാ സമയങ്ങളില്‍ മുട്ട തേടി പാമ്പു വരുമോ എന്ന ആശങ്കയിലാണ് സമീപവാസികള്‍