അലാസ്ക: മെക്സിക്കോയിലേക്ക് ചരക്കുകളുമായി പോയ ‘മോർണിംഗ് മിഡാസ്’ എന്ന കപ്പൽ തീപിടിച്ച ശേഷം മുങ്ങി. വടക്കൻ പസഫിക് സമുദ്രത്തിലാണ് കപ്പൽ മുങ്ങിയത്. കപ്പലിൽ 800 ഇലക്ട്രിക് വാഹനങ്ങളും 680 ഹൈബ്രിഡ് വാഹനങ്ങളും ഉൾപ്പെടെ 3,000 പുതിയ വാഹനങ്ങൾ ഉണ്ടായിരുന്നു. തീപിടുത്തം കാരണം ജീവനക്കാർ കപ്പൽ ഉപേക്ഷിച്ചെങ്കിലും തീ അണയ്ക്കാൻ കഴിഞ്ഞില്ല. മോശം കാലാവസ്ഥയും വെള്ളം കയറിയതും തീപിടുത്തത്തിന്റെ നാശനഷ്ടങ്ങളും ചേർന്ന് കപ്പൽ അലാസ്കയിലെ അലൂഷ്യൻ ദ്വീപുകൾക്ക് സമീപം 415 മൈൽ അകലെ, 16,404 അടി ആഴത്തിൽ മുങ്ങി.

ലണ്ടൻ ആസ്ഥാനമായ സോഡിയാക് മാരിടൈം കമ്പനിയാണ് കപ്പലിന്റെ മാനേജ്മെന്റ്. തിങ്കളാഴ്ച അന്താരാഷ്ട്ര ജലാശയത്തിലാണ് കപ്പൽ മുങ്ങിയതെന്ന് കമ്പനി അറിയിച്ചു. “നിലവിൽ മലിനീകരണം ഒന്നും കണ്ടെത്തിയിട്ടില്ല,” യുഎസ് കോസ്റ്റ് ഗാർഡ് വക്താവ് കാമറൂൺ സ്നെൽ പറഞ്ഞു. മലിനീകരണം തടയാൻ രണ്ട് സാൽവേജ് ടഗ്ഗുകളും ഒരു പ്രത്യേക മലിനീകരണ നിയന്ത്രണ കപ്പലും സ്ഥലത്ത് നിരീക്ഷണം തുടരുകയാണ്.

ജൂൺ 3-ന് അലാസ്കൻ തീരത്ത് നിന്ന് 300 മൈൽ അകലെ കപ്പലിൽ തീപിടുത്തമുണ്ടായി. 22 ജീവനക്കാരെ ലൈഫ് ബോട്ടിൽ രക്ഷപ്പെടുത്തി, സമീപത്തുണ്ടായിരുന്ന ഒരു മർച്ചന്റ് മറൈൻ കപ്പൽ അവരെ സുരക്ഷിതമായി കരയിലെത്തിച്ചു. ആർക്കും പരുക്കില്ല.

2006-ൽ നിർമിച്ച ഈ കപ്പൽ ലൈബീരിയൻ പതാകയിൽ സഞ്ചരിച്ചിരുന്നു. മെയ് 26-ന് ചൈനയിലെ യാന്റായിയിൽ നിന്ന് മെക്സിക്കോയിലെ ലസാരോ കാർഡെനാസ് തുറമുഖത്തേക്ക് പുറപ്പെട്ടതായിരുന്നു കപ്പൽ. തീപിടുത്തത്തിന്റെ കാരണം വ്യക്തമല്ല. മുങ്ങുന്നതിന് മുമ്പ് വാഹനങ്ങൾ നീക്കം ചെയ്തോ എന്നതിനെക്കുറിച്ചും വിവരമില്ല. മലിനീകരണം ഉണ്ടായാൽ നേരിടാൻ യുഎസ് കോസ്റ്റ് ഗാർഡ് തയ്യാറാണെന്നും, സ്ഥലത്ത് തുടർനിരീക്ഷണം നടക്കുന്നുണ്ടെന്നും അധികൃതർ അറിയിച്ചു.

A cargo ship, Morning Midas, carrying 3,000 vehicles, including 800 electric cars, caught fire and sank in the North Pacific Ocean, 415 miles off Alaska's Aleutian Islands. The crew abandoned the ship after the blaze, which could not be extinguished. Harsh weather and water ingress worsened the damage, causing the vessel to sink at a depth of 16,404 feet. No pollution has been detected, and the US Coast Guard is monitoring the site.