ന്യൂഡൽഹി: സംസ്ഥാനത്തിൻ്റെ പുതിയ പൊലിസ് മേധാവി സ്ഥാനത്തേക്കുള്ള മൂന്ന് പേരുടെ ചുരുക്കപ്പട്ടിക തയ്യാറായി. നിതിൻ അഗർവാൾ, റാവഡ ചന്ദ്രശേഖർ, യോഗേഷ് ഗുപ്ത എന്നിവരാണ് മൂന്ന് പേരുള്ള ചുരുക്കപ്പട്ടികയിൽ ഇടം പിടിച്ചത്. ഇന്ന് ചേർന്ന യുപിഎസ്‌സി യോഗത്തിലാണ് തീരുമാനം. ഈ മൂന്ന് പേരിൽ നിന്ന് ഒരാളെ മുഖ്യമന്ത്രി പിണറായി വിജയൻ ഡി.ജി.പി ആയി പ്രഖ്യാപിക്കും. 

സംസ്ഥാനം നൽകിയ ലിസ്റ്റിൽ ഉണ്ടായിരുന്ന എം.ആർ അജിത് കുമാർ ചുരുക്കപ്പട്ടികയിൽ ഇടം പിടിച്ചില്ലെന്നത് ശ്രദ്ധേയമാണ്. സംസ്ഥാനം നൽകിയത് ആറ് പേരുടെ പട്ടികയായിരുന്നു. ഇതിൽ നിന്നാണ് മൂന്ന് പേരെ യുപിഎസ്‌സി ചുരുക്കപ്പെട്ടികയിലേക്ക് മാറ്റിയത്. പട്ടികയിൽ നാലാമനായിരുന്ന മലയാളി മനോജ് എബ്രഹാമിൻ്റെ പേരും യുപിഎസ്‌സി പരിഗണിച്ചില്ല. ആദ്യ മൂന്ന് പേരുകാരെ പരിഗണിച്ചതോടെയാണ് മനോജ് എബ്രഹാമിനെ ഒഴിവാക്കിയത്.

ALSO READ: 'സിബിഐയിൽ നിന്നോ കസ്റ്റംസിൽ നിന്നോ...' ഇന്ന് മുതൽ ആ ഫോൺ സന്ദേശം കേൾക്കില്ല; ഓൺലൈൻ തട്ടിപ്പുകൾക്കെതിരായ കോളർ ട്യൂൺ പിൻവലിച്ചു

നിലവിൽ ചുരുക്കപ്പട്ടികയിലുള്ള ആദ്യ മൂന്നു പേരുകാർക്കും എതിരെ യാതൊരു പരാതികളും നിലവിലില്ല ഇവർക്ക് എന്നത് ഗുണമായി. സർക്കാരിന്റെ വിശ്വസ്തനായ എം.ആർ അജിത് കുമാറിനെ പരിഗണിക്കാതിരുന്നതിന് പിന്നിലെ കാരണവും ഇതാകാം. അതേസമയം സർക്കാർ അജിത് കുമാറിന് വേണ്ടി സമ്മർദ്ദം ചെലുത്തിയിരുന്നതായാണ് വിവരം.