ദുബൈ: യു.എ.ഇ സുപ്രീം കൗണ്‍സില്‍ അംഗവും റാസല്‍ഖൈമ ഭരണാധികാരിയുമായ ശൈഖ് സഊദ് ബിന്‍ സഖര്‍ അല്‍ ഖാസിമി ചെയര്‍മാനായ അല്‍ മര്‍ജാന്‍ ദ്വീപില്‍ വന്‍ വികസന പദ്ധതികള്‍ നടപ്പാക്കുന്നു. പ്രമുഖ റിയല്‍ എസ്റ്റേറ്റ് ഡെവലപറായ ആര്‍ഡീയും ഫെയര്‍മോണ്ട് ഹോട്ടല്‍സ് ആന്‍ഡ് റിസോര്‍ട്‌സും സംയുക്തമായാണ് ദ്വീപില്‍ ആഡംബര വസതികള്‍ ഉള്‍പ്പെടുന്ന ഫെയര്‍മോണ്ട് റെസിഡന്‍സ് പദ്ധതി നടപ്പാക്കുന്നത്. ദുബൈ മദീനത് ജുമൈറയില്‍ നടന്ന ചടങ്ങില്‍ ഇതിന്റെ വില്‍പന ഔദ്യോഗികമായി പ്രഖ്യാപിച്ചു.

 

 

പദ്ധതിയില്‍ ഒന്ന് മുതല്‍ ആറു ബെഡ്‌റൂം വരെയുള്ള 523 ആഡംബര വസതികള്‍, ബീച്ച് ഫ്രണ്ട് അപാര്‍ട്‌മെന്റുകള്‍, ടൗണ്‍ ഹൗസുകള്‍, വില്ലകള്‍ എന്നിവ ഉള്‍പ്പെടുന്നു. 2.49 മില്യണ്‍ ദിര്‍ഹം മുതലാണ് വില.

പദ്ധതിയിലെ സീ വില്ലകളുടെ പ്രഖ്യാപനവും ഇതോടൊപ്പം നടന്നു. ഓരോ വില്ലയും ഏകദേശം 1,850 ചതുരശ്ര മീറ്റര്‍ വിസ്തീര്‍ണമുള്ളവയാണ്. വിശാലമായ ഫ്‌ലോര്‍ പ്ലാനുകള്‍, സ്വകാര്യ ബീച്ച് കബാനകള്‍, തടസ്സമില്ലാത്ത സമുദ്ര ദൃശ്യങ്ങള്‍, ബേസ്‌മെന്റ് പാര്‍ക്കിങ്, ആധുനിക സൗകര്യങ്ങള്‍ എന്നിവയോടെ നിര്‍മിച്ച വില്ലകള്‍ക്ക് 70 മില്യണ്‍ ദിര്‍ഹം മുതലാണ് വില.

 

 

റാസല്‍ഖൈമ ക്രിസ്റ്റീസ് ഇന്റര്‍നാഷണല്‍ റിയല്‍ എസ്റ്റേറ്റാണ് പദ്ധതിയുടെ വിപണനവും വില്‍പനയും കൈകാര്യം ചെയ്യുന്നത്. സമുദ്ര തീര ആഡംബര ജീവിത ശൈലി ലക്ഷ്യം വെച്ചുള്ള വില്ലകളില്‍ സ്വകാര്യ ബീച്ച്, ഫിറ്റ്‌നസ് സെന്റര്‍, കുട്ടികള്‍ക്കും കുടുംബങ്ങള്‍ക്കും വേണ്ടിയുള്ള പ്രത്യേക നീന്തല്‍ കുളങ്ങള്‍, ചില്‍ഡ്രന്‍സ് ക്ലബ് തുടങ്ങി നിരവധി സൗകര്യങ്ങളുണ്ട്.

എല്ലാ വസതികളും സമീപത്തെ ഫെയര്‍മോണ്ട് അല്‍ മര്‍ജാന്‍ ഐലന്‍ഡ് റിസോര്‍ട്ടുമായി നേരിട്ട് ബന്ധിപ്പിച്ചിട്ടുണ്ട്. ഇവിടെയുള്ള താമസക്കാര്‍ക്ക് അക്കോര്‍ ഓണര്‍ ബനിഫിറ്റ്‌സ് പ്രോഗ്രാമില്‍ അംഗത്വം എടുക്കാം. അംഗത്വമെടുക്കുന്നവര്‍ക്ക് നിരവധി ആനുകൂല്യങ്ങള്‍ ലഭിക്കുമെന്ന് അധികൃതര്‍ അറിയിച്ചു.

Zaha Hadid Architects are world-famous for their innovative designs that make buildings seem futuristic. And now, they have revealed the design for Oystra. Coming up on Al Marjan Island of Ras Al Khaimah, this is a new seafront development that warrants your attention. Here’s all you need to know about the development.