തൃശൂർ: തലോർ സെന്ററിൽ ലോറികൾ കൂട്ടിയിടിച്ചുണ്ടായ അപകടത്തിൽ വഴിയാത്രക്കാരിയായ യുവതി മരിച്ചു, മകൾക്ക് പരുക്ക്. തലോർ സ്വദേശിനിയും, തൃശൂർ മെഡിക്കൽ കോളേജിൽ നഴസുമായിരുന്ന ടാലി തോമസാണ് (43) മരിച്ചത്. അപകടത്തിൽ പരുക്കേറ്റ ടാലിയുടെ മകൾ അന്നയെയും ലോറി ഡ്രൈവർമാരെയും സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചു. ഉച്ചയ്ക്ക് 12:30ഓടെ തൈക്കാട്ടുശ്ശേരി ഭാഗത്തു നിന്ന് സംസ്ഥാന പാതയിലേക്ക് തിരിഞ്ഞ ഒരു ലോറിയിൽ തൃശൂർ ഭാഗത്തു നിന്ന് വന്ന മറ്റൊരു ചരക്ക് ലോറി ഇടിക്കുകയായിരുന്നു.

ഇടിയുടെ ശക്തിയിൽ വഴിയാത്രക്കാരായ ടാലിയും മകളും തെറിച്ചു വീഴുകയായിരുന്നു. ഇവരെ ഉടൻ തന്നെ ആശുപത്രിയിൽ എത്തിച്ചെങ്കിലും ടാലിയുടെ ജീവൻ രക്ഷിക്കാനായില്ല. അപകടത്തിൽ ലോറിയിൽ കുടുങ്ങിയ ഡ്രൈവറെ കാബിൻ തകർത്താണ് പുറത്തെടുത്തത്. ഫയർഫോഴ്സും നാട്ടുകാരും ചേർന്ന് രക്ഷാപ്രവർത്തനം നടത്തി. പുതുക്കാട് പൊലിസ് സ്ഥലത്തെത്തി തുടർനടപടികൾ സ്വീകരിച്ചു.

A devastating accident occurred at Thalore Center in Thrissur, resulting in the death of a 43-year-old woman, Tali Thomas, a nurse at Thrissur Medical College. The incident happened when two lorries collided, and Thomas, who was passing by, got hit. Her daughter, Anna, sustained injuries in the accident. Both the lorry drivers and Anna were admitted to a nearby private hospital for treatment ¹.