ചെന്നൈ: മദ്രാസ് ഐഐടിയിൽ 20 വയസ്സുള്ള യുവതിക്ക് നേരെ ലൈംഗികാതിക്രമം നടന്നതായി റിപ്പോർട്ട്. കഴിഞ്ഞ ദിവസം രാത്രി ഏകദേശം ഏഴരയോടെയാണ് സംഭവമുണ്ടായത്. ക്യാംപസിലൂടെ തനിച്ചായി നടന്ന് പോവുകയായിരുന്ന യുവതിയെ റോഡിൽ തടഞ്ഞുനിർത്തിയ പ്രതി, മുടിയിൽ പിടിച്ച് നിലത്ത് തള്ളി വച്ച് ലൈംഗികമായി ഉപദ്രവിക്കാൻ ശ്രമിച്ചു.

യുവതി പ്രതിയെ തടയാൻ ശ്രമിക്കുകയും വലിയ ശബ്ദത്തിൽ സഹായം വിളിച്ചുചോദിക്കുകയും ചെയ്തതോടെ, ക്യാംപസിലെ സുരക്ഷാ ജീവനക്കാർ ഉടൻ സ്ഥലത്തെത്തി ഇയാളെ പിടികൂടി പൊലീസിനെ ഏൽപ്പിച്ചു.

മുംബൈ സ്വദേശിയായ റോഷൻ കുമാർ എന്ന ഇയാൾ ഐഐടിയിലെ ക്യാൻ്റീൻ ജീവനക്കാരനായിരുന്നു. പൊലിസ് പിന്നീട് ഇയാളെ അറസ്റ്റ് ചെയ്ത് കോടതിയിൽ ഹാജരാക്കി, തുടർന്ന് റിമാൻഡിലാക്കി.

സംഭവത്തെക്കുറിച്ച് മദ്രാസ് ഐഐടി പ്രസ്താവന പുറപ്പെടുവിച്ചിട്ടുണ്ട്. സംഭവത്തിൽ അവർ ആഴമായ ദു:ഖം പ്രകടിപ്പിച്ചും പെൺകുട്ടിക്ക് ആവശ്യമായ എല്ലാ മാനസിക, നിയമ സഹായങ്ങളും നൽകുന്നുണ്ടെന്നും അറിയിച്ചു.

ക്യാംപസിന്റെ സുരക്ഷയും സ്ത്രീകൾക്ക് സുരക്ഷിതമായ അന്തരീക്ഷം ഉറപ്പാക്കലും മുൻഗണനയാണെന്ന് ഐഐടി അധികൃതർ അറിയിച്ചു.

A 20-year-old woman was sexually assaulted inside the IIT Madras campus. The accused, Roshan Kumar, a canteen employee from Mumbai, allegedly attacked the woman while she was walking alone at night. He pulled her by the hair and attempted to assault her. Security personnel intervened after the woman raised an alarm. The accused was handed over to the police and has been remanded. IIT Madras assured legal and psychological support to the victim.