അബൂദബി: എമിറേറ്റില്‍ വാലെ പാര്‍ക്കിങ്ങിന് ( Valet Parking Services) ലൈസന്‍സ് നിര്‍ബന്ധമാക്കി. എല്ലാ വാലെ പാര്‍ക്കിംഗ് സേവന ദാതാക്കളും ലൈസന്‍സ് നേടണമെന്ന് ഇന്റഗ്രേറ്റഡ് ട്രാന്‍സ്‌പോര്‍ട്ട് സെന്റര്‍ (Integrated Transport Centre -ITC)  അറിയിച്ചു.
ലൈസന്‍സില്ലാതെ വാലെ പാര്‍ക്കിംഗ് സേവനങ്ങള്‍ നല്‍കുന്നതും നിലവിലുള്ളത് ദുരുപയോഗം ചെയ്യുന്നതും നിയമ ലംഘനമാണെന്ന് ഐ.ടി.സി അധികൃതര്‍ മുന്നറിയിപ്പ് നല്‍കി. വിവിധ വാലെ പാര്‍ക്കിംഗ് കേന്ദ്രങ്ങളില്‍ ഇത് സംബന്ധിച്ച പരിശോധന നടത്തുമെന്നും അധികൃതര്‍ വ്യക്തമാക്കി.

ഹോട്ടലുകള്‍, ഷോപ്പിംഗ് സെന്ററുകള്‍ തുടങ്ങിയ സ്ഥാപനങ്ങള്‍ അവയുടെ പെര്‍മിറ്റുകളുടെ സാധുത പരിശോധിക്കണമെന്നും ഐ.ടി.സി നിര്‍ദേശിച്ചു.

പൊതുജനങ്ങള്‍ തങ്ങളുടെ വാഹനങ്ങളുടെ സുരക്ഷ ഉറപ്പാക്കാന്‍ ലൈസന്‍സുള്ള വാലെ പാര്‍ക്കിംഗ് കേന്ദ്രങ്ങള്‍ തെരഞ്ഞെടുക്കേണ്ടതാണ്.

വാലെ പാര്‍ക്കിംഗ് സേവനങ്ങളുമായി ബന്ധപ്പെട്ട നിയമ വിരുദ്ധ പ്രവര്‍ത്തനങ്ങള്‍ ശ്രദ്ധയില്‍ പെട്ടാല്‍ അക്കാര്യം അറിയിക്കണമെന്നും ഐ.ടി.സി നിര്‍ദേശിച്ചു.

Abu Dhabi has made it official, all valet parking services must now operate with valid licences. The ITC’s latest rules aim to ensure safer, properly regulated valet services across hotels, malls, and entertainment venues.