തൃശൂര്‍: കൊടകരയില്‍ കെട്ടിടം തകര്‍ന്ന് വീണ് അതിഥിതൊഴിലാളികള്‍ മരിച്ച സംഭവത്തില്‍ അന്വേഷണത്തിന് ഉത്തരവിട്ട് തൊഴില്‍മന്ത്രി വി.ശിവന്‍കുട്ടി. ലേബര്‍ കമ്മീഷണര്‍ക്കാണ് അന്വേഷണ ചുമതല. വിശദമായി അന്വേഷണം നടത്തി റിപ്പോര്‍ട്ട് നല്‍കാനാണ് മന്ത്രിയുടെ നിര്‍ദ്ദേശം. 

രാവിലെ ആറ് മണിയോടെയാണ് അപകടമുണ്ടായത്. ഇതര സംസ്ഥാന തൊഴിലാളികള്‍ താമസിച്ചിരുന്ന ഇരുനില കെട്ടിടമാണ് തകര്‍ന്നത്. കെട്ടിടത്തില്‍ പത്തിന് മുകളില്‍ ആളുകള്‍ ഉണ്ടായിരുന്നതായാണ് റിപ്പോര്‍ട്ട്. ഇവരില്‍ മൂന്നുപേര്‍ ഒഴികെ മറ്റുള്ളവര്‍ ഓടി രക്ഷപ്പെടുകയായിരുന്നു.  കെട്ടിടത്തിന് ഇരുപതോളം വര്‍ഷം പഴക്കമുണ്ട്. കഴിഞ്ഞ ദിവസമുണ്ടായ കനത്ത മഴയെ തുടര്‍ന്നാണ് കെട്ടിടം നിലംപൊത്തിയത്. തൊഴിലാളികള്‍ രാവിലെ ജോലിക്ക് പോവാന്‍ വേണ്ടി ഇറങ്ങുന്നതിനിടെയാണ് അപകടം.

ബംഗാളില്‍ നിന്നുള്ള രൂപേല്‍, രാഹുല്‍, അലീം എന്നിവരാണ് മരിച്ചത്. ഫയര്‍ ഫോഴ്‌സും, പൊലിസും സ്ഥലത്തെത്തി ജെസിബി ഉപയോ?ഗിച്ച് അവശിഷ്ടങ്ങള്‍ മാറ്റിയാണ് ആളുകളെ പുറത്തെടുത്തത്.