പാം ഓയില്‍ അധികവീടുകളിലെയും അടുക്കളയിലെ സ്ഥിരസാന്നിധ്യമാണ്. എന്നാല്‍ ഇത് വിഷമുള്ളതല്ല, കാരണം ഈ പാചക എണ്ണ ആഫ്രിക്കന്‍, ഇന്ത്യന്‍, തെക്കുകിഴക്കന്‍ ഏഷ്യക്കാര്‍ ഉപയോഗിച്ചുവരുന്നതാണ്. പാം ഓയില്‍ പോലുള്ള എണ്ണകളേ വില്ലന്മാരാക്കി ചിത്രീകരിക്കുന്നതും കാണാം. പാം ഓയില്‍ ആരോഗ്യത്തിന് ഹാനികരമാണോ എന്ന ചോദിച്ചാല്‍, മിതമായ അളവില്‍ കഴിക്കുമ്പോള്‍ ദോഷകരമല്ലെന്നും എന്നാല്‍ അമിതമായി കഴിക്കുമ്പോള്‍ ദോഷകരമാണെന്നും പൊതുവെ പറയാം.

 ഇതില്‍ പൂരിത കൊഴുപ്പ് കൂടുതലായി അടങ്ങിയിട്ടുള്ളതിനാല്‍ ഇത് ഹൃദ്രോഗ സാധ്യത വര്‍ധിപ്പിക്കുമെന്നും പറയുന്നു. എന്നാല്‍, പാം ഓയിലില്‍ വിറ്റാമിന്‍ എ, ഇ തുടങ്ങിയ പോഷകങ്ങള്‍ അടങ്ങിയിട്ടുണ്ട്. അത് ശരീരത്തിന് ഗുണം ചെയ്യുന്നവയാണ്. ചില കാര്യങ്ങള്‍ ശ്രദ്ധിച്ചാല്‍ പാം ഓയില്‍ ഉപയോഗിക്കുന്നത് ദോഷകരമല്ലാത്ത രീതിയില്‍ ക്രമീകരിക്കാവുന്നതാണ്. 

 

മിതമായ ഉപയോഗം

പാം ഓയിലിന്റെ ഉപയോഗം നിയന്ത്രിക്കുക. ആരോഗ്യകരമായ മറ്റ് എണ്ണകളും ഉപയോഗിക്കുക. 
ഒലിവ് ഓയില്‍, സൂര്യകാന്തി എണ്ണ എന്നിവയും ഭക്ഷണത്തില്‍ ഉള്‍പ്പെടുത്തുക.

പാം ഓയില്‍ ലഭിക്കുന്നത് എണ്ണപ്പനകളുടെ ഫലങ്ങളില്‍ നിന്നാണ്. ചുവപ്പ് കലര്‍ന്ന ഓറഞ്ച് നിറത്തിലുള്ള ഇതിനെ ചിലപ്പോള്‍ ചുവന്ന പാം ഓയില്‍ എന്നും വിളിക്കാറുണ്ട്. ലോകത്ത് ഏറ്റവും വിലകുറഞ്ഞതും വ്യാപകമായി ഉപയോഗിക്കുന്നതുമായ എണ്ണകളില്‍ ഒന്നാണ് പാം ഓയില്‍. രുചികരമായ ഈ ജനപ്രിയ എണ്ണ സാധാരണയായി പാചകത്തിനും  റെഡി ടു ഈറ്റ് ഭക്ഷണങ്ങള്‍ക്കും ഉപയോഗിക്കുന്നുണ്ട്.

എന്നാലിതില്‍ പൂരിത കൊഴുപ്പിന്റെ സാന്നിധ്യം ഉള്ളതു കാരണം മുന്‍കാലങ്ങളില്‍ ഇത് വിമര്‍ശനത്തിന് വിധേയമായിരുന്നു. പാം ഓയില്‍ ഹൃദയത്തിന് നല്ലതല്ലെന്ന് പലരും വിശ്വസിക്കുന്നു. പാം ഓയിലും ഹൃദയാരോഗ്യവും തമ്മില്‍ വ്യക്തമായ ബന്ധമില്ല. ഭക്ഷണത്തില്‍ പാം ഓയില്‍ ഉപയോഗിക്കുന്നത് നിങ്ങളുടെ ഹൃദയാരോഗ്യം ഉള്‍പ്പെടെ ശരീരത്തിന് അവിശ്വസനീയമായ ഗുണങ്ങള്‍ നല്‍കുന്നു. 

 

ഹൃദയത്തിന് പാം ഓയില്‍ ഇത് നല്ലതോ ചീത്തയോ?

പാം ഓയിലിലെ പൂരിത കൊഴുപ്പ് ഹൃദയാരോഗ്യത്തിന് നല്ലതാണോ ചീത്തയാണോ എന്നതിനെക്കുറിച്ച് വളരെക്കാലമായി ചര്‍ച്ചകള്‍ നടക്കുന്നുണ്ട്. എന്നാല്‍ പാം ഓയിലും ഹൃദയവും എന്ന വിഷയത്തില്‍ വേള്‍ഡ് ജേണല്‍ ഓഫ് കാര്‍ഡിയോളജിയില്‍ പ്രസിദ്ധീകരിച്ച ഒരു പഠനത്തില്‍ പറയുന്നത്, ഭക്ഷണത്തിലെ കൊഴുപ്പുകളും മൊത്തം കൊളസ്‌ട്രോളിലും എല്‍ഡിഎല്‍ 'മോശം' കൊളസ്‌ട്രോളിലും അതിന്റെ സ്വാധീനവും ഹൃദയാരോഗ്യത്തെ പ്രധാനമായും ബാധിച്ചതായി കണ്ടെത്തിയെന്നാണ്. പൂരിത കൊഴുപ്പുകളും ഹൃദയ സംബന്ധമായ അസുഖങ്ങളും തമ്മില്‍ ഇതുവരെ നേരിട്ടുള്ള ബന്ധം സ്ഥാപിക്കപ്പെട്ടിട്ടില്ലെന്നും പഠനം പറയുന്നു.

പൂരിത ഫാറ്റി ആസിഡുകളുടെ കാര്യത്തില്‍, നെയ്യ് അല്ലെങ്കില്‍ ശുദ്ധീകരിച്ച വെണ്ണയില്‍ ഉയര്‍ന്ന പൂരിത കൊഴുപ്പ് അടങ്ങിയിരിക്കുന്നതായി പറയുന്നു. ഏകദേശം 48.7 ശതമാനം. എന്നാല്‍, ആയുര്‍വേദത്തില്‍ നെയ്യിന് പ്രത്യേക പ്രാധാന്യമുണ്ട്. നല്ല ഹൃദയാരോഗ്യത്തിന് നേരിയതോ മിതമായതോ ആയ അളവില്‍ നെയ്യ് കഴിക്കണമെന്ന് വാദിക്കുന്ന പഠനങ്ങളും നടന്നിട്ടുണ്ട്.

അമേരിക്കന്‍ ജേണല്‍ ഓഫ് ക്ലിനിക്കല്‍ ന്യൂട്രീഷനില്‍ പ്രസിദ്ധീകരിച്ച മറ്റൊരു പഠനത്തില്‍ പൂരിത കൊഴുപ്പ് ഉപഭോഗവും ഹൃദയ സംബന്ധമായ അസുഖങ്ങളും തമ്മില്‍ ബന്ധമില്ലെന്ന് കണ്ടെത്തിയിരുന്നു. മറുവശത്ത്, പാം ഓയില്‍ പൂരിതവും അപൂരിതവുമായ ഫാറ്റി ആസിഡുകളുടെ ആരോഗ്യകരമായ മിശ്രിതം ചേര്‍ന്നതാണ്. 

ഭക്ഷണത്തില്‍ ട്രാന്‍സ്ഫാറ്റിന് പകരം പാം ഓയില്‍ ഉപയോഗിക്കുമ്പോള്‍, ശരീരത്തിലെ എല്‍ഡിഎല്‍ 'മോശം' കൊളസ്‌ട്രോളിന്റെ അളവില്‍ നേരിയ കുറവ് കാണിക്കുന്നുണ്ടെന്നും ഇത് ഹൃദ്രോഗ സാധ്യത കുറയ്ക്കാന്‍ സഹായിക്കുമെന്നും ഒരു മെറ്റാ അനാലിസിസ് നിഗമനം ചെയ്തിട്ടുണ്ട്.

 

ബീറ്റാ കരോട്ടിന്‍ 

പഴത്തിന്റെ മാംസളമായ മെസോകാര്‍പ്പ് ആണ് പാം ഓയിലിന്റെ ഉറവിടം. അതിന്റെ വിത്താണ് കേര്‍ണല്‍ പാം ഓയിലിന്റെ ഉറവിടവും. ബീറ്റാ കരോട്ടിന്‍ അടങ്ങിയിരിക്കുന്നതിനാല്‍ മെസോകാര്‍പ്പ് ചുവപ്പാണ്. ബീറ്റാ കരോട്ടിന്‍ വിറ്റാമിന്‍ എയുടെ മുന്‍ഗാമിയാണ്. ഇത് ഒരു ആന്റിഓക്‌സിഡന്റാണ്.

ഫ്രോണ്ടിയേഴ്‌സ് ഇന്‍ ന്യൂട്രീഷനിലും അമേരിക്കന്‍ ജേണല്‍ ഓഫ് ക്ലിനിക്കല്‍ ന്യൂട്രീഷനിലും പ്രസിദ്ധീകരിച്ച സമീപകാല പഠനങ്ങള്‍  വിശകലനം ചെയ്യുകയും നിഗമനത്തിലെത്തുകയും ചെയ്തത് ബീറ്റാ കരോട്ടിന്‍ ഉള്‍പ്പെടെയുള്ള കരോട്ടിനോയിഡുകള്‍ അടങ്ങിയ ഭക്ഷണക്രമത്തിന് ഹൃദയ സംബന്ധമായ അസുഖങ്ങളുടെ വ്യാപനവുമായി നെഗറ്റീവ് ബന്ധമുണ്ടെന്ന് സൂചിപ്പിക്കുന്നതാണ്. ഇത് നേരിയതോ മിതമായതോ ആയ അളവില്‍ കഴിക്കുമ്പോള്‍ ഹൃദയാരോഗ്യം നിലനിര്‍ത്താന്‍ സഹായിക്കുമെന്നും സൂചിപ്പിക്കുന്നു.

 

ആന്റിഓക്‌സിഡന്റുകളുടെ സാന്നിധ്യം

പാം ഓയിലില്‍ ടോകോട്രിയനോള്‍സ് എന്നറിയപ്പെടുന്ന വിറ്റാമിന്‍ ഇ അടങ്ങിയിട്ടുണ്ട്. ഇവ ശരീരത്തിലെ വീക്കം, ന്യൂറോണല്‍ ഡീജനറേഷന്‍ എന്നിവ തടയുന്ന ആന്റിഓക്‌സിഡന്റുകളാണ്. കോംപ്ലിമെന്ററി തെറപ്പീസ് ഇന്‍ മെഡിസിനില്‍ പ്രസിദ്ധീകരിച്ച മറ്റൊരു പഠനം പറയുന്നത്,

ഭക്ഷണത്തില്‍ ടോകോട്രിയനോള്‍ വര്‍ധിപ്പിക്കുമ്പോഴോ സപ്ലിമെന്റുകളായി നല്‍കുമ്പോഴോ ട്രൈഗ്ലിസറൈഡുകളുടെ മൊത്തത്തിലുള്ള അളവ് കുറയുകയും നല്ല കൊളസ്‌ട്രോള്‍ വര്‍ധിക്കുകയും ചെയ്യുന്നുവെന്നാണ്.

പാം ഓയില്‍ ഉയര്‍ന്ന താപനിലയില്‍ പാചകം ചെയ്യാന്‍ അനുയോജ്യമായ എണ്ണകളില്‍ ഒന്നാണ്. മറ്റ് എണ്ണകളുമായി താരതമ്യപ്പെടുത്തുമ്പോള്‍ പാം ഓയിലിന്റെ കലോറിഫിക് മൂല്യം ഓരോ ഗ്രാമിനും ഏകദേശം 9 കിലോ കലോറി ഊര്‍ജം നല്‍കുന്നു. 

 

പാം ഓയിലിന്റെ ഗുണങ്ങള്‍

മിതമായ അളവില്‍ പാം ഓയില്‍ ഉപയോഗിക്കുക. പാം ഓയില്‍, നെയ്യ് അല്ലെങ്കില്‍ മറ്റേതെങ്കിലും ഭക്ഷ്യ എണ്ണ എന്നിങ്ങനെയുള്ള ഏതെങ്കിലും എണ്ണയുടെ അമിത ഉപഭോഗം ഹൃദയത്തിന് ഹാനികരമാണെന്ന് അഭിപ്രായമുണ്ട്. ഇതില്‍ ട്രൈഗ്ലിസറൈഡിന്റെയും കൊളസ്‌ട്രോളിന്റെയും അളവ് കൂടുതലാണ്. എന്നാല്‍ ഇത് അമിതമായി ഉപയോഗിക്കരുത്.

പൂരിത, അപൂരിത ഫാറ്റി ആസിഡുകള്‍ അടങ്ങിയ എണ്ണകള്‍ ഉള്‍പ്പെടെ ഏത് എണ്ണയും മിതമായ തോതില്‍ ഉപയോഗിക്കുമ്പോള്‍ ഗുണങ്ങള്‍ നല്‍കുന്നു. പാം ഓയില്‍ ഉള്‍പ്പെടെയുള്ള ഈ എണ്ണകള്‍ ഉള്‍പ്പെടുത്തുന്നത് നിങ്ങളുടെ ഹൃദയാരോഗ്യത്തിന് ഊര്‍ജം നല്‍കുകയും ചെയ്യുന്നു.

 

 

Palm oil is a common ingredient in many households, especially in African, Indian, and Southeast Asian cuisines. Though often portrayed negatively, palm oil is not inherently harmful. It contains beneficial nutrients like vitamins A and E, but also has high levels of saturated fat, which may increase the risk of heart disease if consumed excessively.