സ്പാനിഷ് യുവതാരം ലാമിൻ യമാലിനെ അർജന്റീന ഇതിഹാസം ലയണൽ മെസ്സിയുമായി താരതമ്യം ചെയ്യുന്നതിനെക്കുറിച്ച് സംസാരിക്കുകയാണ് മുൻ ബാഴ്സലോണ താരം മാർക്ക് വാൻ ബൊമ്മൽ. യമാൽ ഗോളുകളുടെ എണ്ണത്തിൽ മെസ്സിക്കൊപ്പം എത്തണമെങ്കിൽ ഇനിയും 500 ഗോളുകൾ കൂടി നേടണമെന്നാണ് മുൻ ബാഴ്സ താരം അഭിപ്രായപ്പെട്ടത്. 

"ഗോളുകളുടെ കാര്യത്തിൽ മെസിക്കൊപ്പം എത്തണമെങ്കിൽ യമാൽ ഇനിയും 500 ഗോളുകൾ കൂടി നേടണം. അതായത് ഓരോ സീസണിലും ഏകദേശം 30 ഗോളുകൾ നേടണം. യമൻ നിലവിൽ അവന്റെ പാതയിലൂടെ കൃത്യമായി മുന്നേറുന്നുണ്ട്. മറ്റുള്ള താരങ്ങളിൽ നിന്നും വേറിട്ട് നിൽക്കുന്ന ഒരു കളിക്കാരനും നിലവിൽ ഫുട്ബോളിൽ ഉണ്ടെന്ന് ഞാൻ കരുതുന്നില്ല. കാരണം ഇപ്പോൾ ഒരുപാട് നല്ല താരങ്ങൾ ഫുട്ബോളിൽ ഉണ്ട്" വാൻ ബൊമ്മൽ വോയറ്റ്ബാൽസോണിന് നൽകിയ അഭിമുഖത്തിൽ പറഞ്ഞു. 

ബാഴ്സലോണക്ക് വേണ്ടി ഇതിനോടകം തന്നെ തകർപ്പൻ പ്രകടനമാണ് യമാൽ പുറത്തെടുത്തുകൊണ്ടിരിക്കുന്നത്. ബാഴ്സയ്ക്ക് വേണ്ടി ഇതുവരെ 106 മത്സരങ്ങളിൽ നിന്നും 25 ഗോളുകളും 34 അസിസ്റ്റുകളും ആണ് നേടിയിട്ടുള്ളത്. 2023ൽ തന്റെ പതിനഞ്ചാം വയസ്സിലായിരുന്നു കറ്റാലൻമാർക്ക് വേണ്ടി യമാൽ ആദ്യമായി ബൂട്ട് കെട്ടിയത്. രാജ്യാന്തര തലത്തിൽ സ്പാനിഷ് ടീമിന് വേണ്ടിയും ശ്രദ്ധേയമായ പ്രകടനങ്ങൾ പുറത്തെടുക്കാൻ യമാലിന് സാധിച്ചിട്ടുണ്ട്. സ്പാനിഷ് ടീമിനൊപ്പം 2024 യൂറോ കപ്പ് സ്വന്തമാക്കാനും ലാമിന് സാധിച്ചിട്ടുണ്ട്. 

Former Barcelona star Mark van Bommel has spoken out about comparing young Spanish star Lamine Yamal to Argentine legend Lionel Messi