കുസാറ്റിൽ ഒഴിവ്

കൊച്ചി: കൊച്ചി ശാസ്ത്ര സാങ്കേതിക സർവകലാശാലയിൽ (കുസാറ്റ്) സ്റ്റാറ്റിസ്റ്റിക്സ് വിഭാഗത്തിൽ കരാർ അടിസ്ഥാനത്തിൽ അസിസ്റ്റന്റ് പ്രൊഫസ്സർ തസ്തികയിലേക്ക് അപേക്ഷകൾ ക്ഷണിക്കുന്നു. നെറ്റ്/സി.എസ്.ഐ.ആറോടുകൂടി സ്റ്റാറ്റിസ്റ്റിക്‌സിൽ ബിരുദാനന്തര ബിരുദമാണ് യോഗ്യത. പിഎച്ച്.ഡി, സ്റ്റാറ്റിസ്റ്റിക്കൽ സോഫ്റ്റ്വെയർ ഉപയോഗിച്ചുള്ള കംപ്യൂട്ടർ പ്രോഗ്രാമിങ് പരിജ്ഞാനം അഭികാമ്യം. താൽപര്യമുള്ള ഉദ്യോഗാർഥികൾ ജൂലൈ 15ന് മുൻപായി recruit.cusat.ac.in എന്ന വെബ്സൈറ്റിൽ ഓൺലൈനായി അപേക്ഷിക്കാം. 

കംപ്യൂട്ടർ ആപ്‌ളിക്കേഷൻസ് വകുപ്പിൽ കരാർ അടിസ്ഥാനത്തിൽ ടെക്‌നിക്കൽ അസിസ്റ്റന്റ് ഗ്രേഡ് 3 തസ്തികയിലേക്ക് അപേക്ഷകൾ ക്ഷണിച്ചു. കംപ്യൂട്ടർ സയൻസ്/കംപ്യൂട്ടർ ആപ്‌ളിക്കേഷൻസ്/ഇൻഫർമേഷൻ ടെക്‌നോളജിയിൽ ബിരുദാനന്തര ബിരുദവും പ്രോഗ്രാമിങിൽ രണ്ട് വർഷത്തെ പ്രവർത്തിപരിചയവുമാണ് യോഗ്യത. താൽപര്യമുള്ള ഉദ്യോഗാർഥികൾ ജൂലൈ 25നു മുൻപായി recruit.cusat.ac.in  എന്ന വെബ്സൈറ്റിൽ ഓൺലൈനായി അപേക്ഷിക്കാം.

കിക്മ

സഹകരണ വകുപ്പിനു കീഴിലുള്ള സംസ്ഥാന സഹകരണ യൂനിയന്റെ തിരുവനന്തപുരത്തെ   കേരള ഇൻസ്റ്റിറ്റ്യൂട്ട് ഓഫ് കോ-ഓപറേറ്റീവ് മാനേജ്മെന്റിൽ (കിക്മ എം.ബി.എ (ഫുൾടൈം) 2025-27 ബാച്ചിലേയ്ക്ക് ഒഴിവുള്ള ഏതാനും സീറ്റുകളിലേക്ക് സ്പോട്ട് അഡ്മിഷൻ ജൂലൈ 27ന് രാവിലെ 10 മുതൽ കിക്മ കോളജ് കാംപസിൽ നടത്തും.

ALSO READ: കേരള ടെക്‌നോളജിക്കൽ യൂനിവേഴ്‌സിറ്റി സ്‌കൂളിൽ എം.ടെക്; അപേക്ഷ വിവരങ്ങളറിയാം 

കേരള സർവകലാശാലയുടെയും എ.ഐ.സി.ടിയുടെയും അംഗീകാരത്തോടെ  നടത്തുന്ന ദ്വിവൽസര കോഴ്സിൽ ലോജിസ്റ്റിക്സ്, ബിസിനസ് അനലിറ്റിക്സ്, ഫിനാൻസ്, മാർക്കറ്റിംഗ്, ഹ്യൂമൻ റിസോഴ്സ്, എന്നിവയിൽ സ്പെഷലൈസേഷന് അവസരമുണ്ട്. 
സഹകരണ മേഖലയിൽ പ്രവർത്തിക്കുന്നവരുടെ ആശ്രിതർക്കും എസ്.സി./എസ്.ടി/ഫിഷറീസ്  വിഭാഗത്തിനായി സംവരണം ചെയ്തതിൽ ഒഴിവുള്ള സീറ്റിലേക്കും ഇതോടൊപ്പം അഡ്മിഷൻ നടത്തും. 50 ശതമാനം മാർക്കിൽ  കുറയാതെയുളള ബിരുദവും പ്രവേശന പരീക്ഷാ സ്‌കോറുമാണ് അടിസ്ഥാന യോഗ്യത. കൂടുതൽ വിവരങ്ങൾക്ക്: 9496366741/ 8547618290, www.kicma.ac.in.

എം.സി.എ, ബി.ഡെസ് പ്രവേശനം: ന്യൂനത പരിഹരിക്കാം

സർക്കാർ/ സ്വാശ്രയ കോളജുകളിലേക്ക് 2025-26 അധ്യയന വർഷത്തെ മാസ്റ്റർ ഓഫ് കംപ്യൂട്ടർ ആപ്ലിക്കേഷൻ റഗുലർ (MCA Regular), ബാച്ചിലർ ഓഫ് ഡിസൈൻ (B.Des) അപേക്ഷകളിൽ തിരുത്തലുകൾ നടത്താനുള്ള സമയപരിധി 28 വരെ നീട്ടി. www.lbscentre.kerala.gov.in  വെബ്‌സൈറ്റിലെ അപ്ലിക്കേഷൻ പോർട്ടൽ മുഖേന തിരുത്തലുകൾ നടത്താം. അപേക്ഷാർഥിയുടെ ലോഗിൻ പോർട്ടലിൽ ലഭ്യമായ റിമാർക്സ് പ്രകാരം ആവശ്യമായ തിരുത്തലുകൾ വരുത്തിയവർ ഇനി അതു ചെയ്യേണ്ടതില്ല. കൂടുതൽ വിവരങ്ങൾക്ക്: 0471-2324396, 2560361, 2560327.

കൂടുതല്‍ education വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക