ദമാം: സമസ്ത കേരള ജം ഇയ്യത്തുൽ ഉലമ മുശാവറ അംഗവും ആത്മീയ മേഖലയിൽ നിരവധി ആളുകൾക്ക് സാന്ത്വനവുമായിരുന്ന മർഹൂം മാണിയൂർ ഉസ്താദ് അനുസ്മരണവും പ്രാർത്ഥനാ സദസ്സും ദമാമിൽ സംഘടിപ്പിച്ചു. സമസ്ത ഇസ്‌ലാമിക് സെന്റർ ദമാം സെൻട്രൽ കമ്മിറ്റി ദമാം ഹോളിഡേയ് ഹോട്ടൽ ഹാളിൽ സംഘടിപ്പിച്ച ചടങ്ങ് എസ്‌ഐസി ചെയർമാൻ അബ്ദു റഹ്മാൻ പുനൂർ ഉദ്ഘാടനം ചെയ്തു.

സെൻട്രൽ കമ്മിറ്റി പ്രസിഡന്റ് ഇബ്രാഹീം ഓമശേരി അധ്യക്ഷത വഹിച്ചു. മജീദ് മാസ്റ്റർ വാണിയമ്പലം, മാഹിൻ വിഴിഞ്ഞം, ഉമ്മർ വളപ്പിൽ എന്നിവർ അനുസ്മരണ പ്രഭാഷണവും മജീദ് ഹുദവി പ്രാർത്ഥനക്കും മയ്യിത്ത് നിസ്കാരത്തിനു നേതൃത്വവും നൽകി. അബു യാസീൻ കൈപ്പമംഗലം സ്വാഗതവും നൗഷാദ് ദാരിമി നന്ദിയും പ്രകാശിപ്പിച്ചു.