തിരുവനന്തപുരം: കേരള സർവകലാശാല നാലാം സെമസ്റ്റർ എംബിഎ പരീക്ഷയുടെ നടത്തിപ്പിനെതിരെ പരാതിയുമായി വിദ്യാർത്ഥികൾ രംഗത്ത്. നാലാം സെമസ്റ്റർ ക്ലാസുകൾ തുടങ്ങും മുമ്പായി പരീക്ഷകൾ നടത്താനുള്ള സർവകലാശാലയുടെ ഈ തീരുമാനത്തിനെതിരെ വിദ്യാർത്ഥികൾ പരീക്ഷ കൺട്രോളർക്ക് പരാതി നൽകി. ഒറ്റ ക്ലാസ് പോലും നടത്താതെയാണ് സർവ്വകലാശാല പരീക്ഷ ടൈം ടേബിൾ പുറത്തുവിട്ടതെന്ന് പരാതി പറയുന്നു. എംബിഎ പരീക്ഷക്കുള്ള നോട്ടിഫിക്കേഷൻ മാത്രമാണ് ഇറക്കിയത് എന്നാണ് സർവ്വകലാശാലയുടെ വിശകലനം.