എക്കാലത്തും മൂല്യമേറിയ ഒരു വസ്തുവായാണ് സ്വർണത്തെ കണക്കാക്കി പോരുന്നത്. കഴിഞ്ഞ വളരെ കുറച്ച് വർഷങ്ങളായി സ്വർണ വില കുത്തനെ ഉയർന്നുകൊണ്ടിരിക്കുകയാണ്. ഇതിനാൽ ഒരു മികച്ച നിക്ഷേപമായി സ്വർണത്തെ കാണുന്ന രാജ്യങ്ങളുടെ എണ്ണവും വർധിച്ചു വരികയാണ്. സ്വർണ വില നാൾക്കുനാൾ വർധിക്കുന്ന സാഹചര്യത്തിൽ കൂടുതൽ സ്വർണം ഉത്പാദിപ്പിക്കാനുള്ള നീക്കത്തിലാണ് ഭരണകൂടം. ഇതിനിടെയാണ് രാജസ്ഥാൻ സ്വർണ ഹബ്ബായി മാറുന്നെന്ന തരത്തിൽ റിപ്പോർട്ടുകൾ പുറത്തുവരുന്നത്. രാജസ്ഥാനിലെ ബൻസ് വാരയിൽ കോടികളുടെ സ്വർണ നിക്ഷേപം കണ്ടെത്തിയെന്ന വാർത്തയെ തുടർന്ന് ഇന്ത്യയിലെ സ്വർണ നിക്ഷേപത്തെക്കുറിച്ചുള്ള തർച്ചകൾ വീണ്ടും സജീവമായിരിക്കുകയാണ്.

ALSO READ: വെളിപ്പെടുത്തലുകൾ വ്യാജമെന്ന് ആരോപണം; ധർമ്മസ്ഥല കേസിൽ പരാതിക്കാരനായ മുൻ ശുചീകരണ തൊഴിലാളി അറസ്റ്റിൽ 

രാജസ്ഥാനിലെ തെക്കൻ മേഖലയിലാണ് ബൻസ് വാര സ്ഥിതി ചെയ്യുന്നത്. ബൻസ് വാരയിലെ വിവിധ ഭാഗങ്ങളിൽ കഴിഞ്ഞ പതിറ്റാണ്ടുകളിൽ വലിയ തോതിലുള്ള സ്വർണ നിക്ഷേപം കണ്ടെത്തിയിരുന്നു. ബൻസ് വാരയിലെ ഘണ്ടോളിലെ ജഗ്പുര, ഭൂകിയ എന്നീ മേഖലകളിൽ സ്വർണ ശേഖരം കണ്ടെത്തിയിരുന്നു. ഇതിനു പിന്നാലെ കങ്കാരിയിൽ സ്വർണ ഖനനം തുടങ്ങുന്നതിനുള്ള ഒരുക്കങ്ങൾ നടക്കുന്നതായാണ് വിവരം. കങ്കാരിയിൽ മൂന്ന് ചതുരശ്ര കിലോമീറ്റർ മേഖലയിൽ സ്വർണ അയിര് വ്യാപിച്ചു കിടക്കുന്നു എന്ന സൂചനകളാണ് പുറത്തുവരുന്നത്.

1990കളുടെ തുടക്കത്തിലാണ് ബൻസ് വാര ജില്ലയിൽ സ്വർണ നിക്ഷേപം കണ്ടെത്തിയത്. മേഖലയിലെ സ്വർണ നിക്ഷേപത്തിന്റെ കണക്കുകൾ എടുത്ത സർക്കാർ നിലവിൽ ലൈസൻസുകൾ നൽകുന്നതിനുള്ള നടപടികളിലാണ്. മേഖലയിൽ നിന്നുള്ള ഒരോ ടൺ അയിരിലും 1.94 ഗ്രാം സ്വർണം അടങ്ങിയിട്ടുണ്ടെന്നാണ് റിപ്പോർട്ടുകൾ. റിപ്പോർട്ടുകൾ ശരിയാണെങ്കിൽ കോടിക്കണക്കിന് രൂപ സർക്കാർ ഖജനാവിൽ എത്തുമെന്നാണ് വിവരം. 

ALSO READ: ഉത്തരാഖണ്ഡിൽ വീണ്ടും മേഘവിസ്‌ഫോടനം; നിരവധിപ്പേരെ കാണാനില്ല, വീടുകളും കെട്ടിടങ്ങളും ഒലിച്ചുപോയി, രക്ഷാപ്രവർത്തനം തുടരുന്നു 

ബില്യൺ വർഷങ്ങളോളം പഴക്കമുള്ള പാറകളാണ് ബൻസ് വാരയിൽ ഉള്ളത്. കർണാടകയിലെ കോളാറിന് സമാനമായ വോൾക്കാനിക് പാറകളാണ് ഇവിടെയും ഉള്ളത്. വലിയ തോതിലുള്ള സ്വർണ ശേഖരം ഖനനം ചെയ്ത് എടുക്കുന്നതിലൂടെ സർക്കാർ ഖജനാവിലേക്ക് പണം എത്തുന്നതിനൊപ്പം ധാരാളം തൊഴിലവസരങ്ങൾ സൃഷ്ടിക്കപ്പെടുമെന്നുമാണ് വിദഗ്ധർ കണക്കുകൂട്ടുന്നത്.

Discover the potential goldmine in Banswara, Rajasthan, worth crores! Will this discovery boost India's economy? Get the latest updates on the gold deposits and their impact on the country's financial growth.