കണ്ണൂര്‍: യുഎഇ വിസ നല്‍കാമെന്ന് പറഞ്ഞ് പണം തട്ടിയ യുവാവ് പൊലിസ് പിടിയില്‍. യുഎഇ വിസ വാഗ്ദാനം ചെയ്ത് കേരളത്തിന്റെ വിവിധ ഭാഗങ്ങളില്‍ നിന്നായി ഒന്നരക്കോടിയോളം രൂപ തട്ടിയ വണ്ടൂര്‍ സ്വദേശിയാണ് പൊലിസ് പിടിയിലായത്. വണ്ടൂര്‍ ചെണ്ടമന്‍കുളത്തില്‍ റമീസിനെയാണ് ബെംഗളുരുവില്‍ വെച്ച് ആറളം എസ്‌ഐ ഷുഹൈബ് കെയുടെ നേതൃത്വത്തിലുള്ള സംഘം അറസ്റ്റു ചെയ്തത്. നൂറിലധികം പേരില്‍ നിന്നാണ് ഒന്നരക്കോടി രൂപ തട്ടിയതെന്ന് യുവാവ് പൊലിസിനോട് പറഞ്ഞു.

ALSO READ: യുഎഇയില്‍ അധ്യയനാരംഭം മറ്റന്നാള്‍; ബാക്ക് ടു സ്‌കൂള്‍ ബോധവല്‍ക്കരണ പദ്ധതി പ്രഖ്യാപിച്ച് ദുബൈ പൊലിസ് 

വിസ വാഗ്ദാനം ചെയ്ത് കീഴ്പ്പള്ളി പുതിയങ്ങാടി സ്വദേശി മുഹമ്മദ് അജ്‌സലി ല്‍ നിന്നും അനീസ് 1.4 ലക്ഷം രൂപ തട്ടിയെടുത്തിരുന്നു. ഇത് ചൂണ്ടിക്കാട്ടി അജ്‌സല്‍ ഒരു വര്‍ഷം മുമ്പ് പൊലിസില്‍ പരാതി നല്‍കിയിരുന്നു. അക്കൗണ്ടന്റ് വിസയാണ് യുവാവിന് അനീസ് വാഗ്ദാനം ചെയ്തിരുന്നത്. 

മെഡിക്കല്‍ ചെക്കപ്പ് അടക്കമുള്ള പരിശോധനകള്‍ പൂര്‍ത്തിയാക്കി തിരുവനന്തപുരത്തെ യുഎഇ കോണ്‍സുലേറ്റില്‍ എത്താന്‍ യുവാവിനോട് പ്രതി ആവശ്യപ്പെട്ടു. അനീസിന്റെ അക്കൗണ്ടിലേക്ക് പണം അയച്ച ശേഷം തലസ്ഥാനത്തെ യുഎഇ കോണ്‍സുലേറ്റില്‍ എത്തിയ അജ്‌സല്‍ പ്രതിയെ വിളിച്ചു. എന്നാല്‍ പ്രതിയെ ഫോണില്‍ കിട്ടാതായതോടെ വഞ്ചിക്കപ്പെട്ടു എന്ന് മനസ്സിലാക്കിയ യുവാവ് പൊലിസില്‍ പരാതി നല്‍കുകയായിരുന്നു. വാട്‌സാപ്പില്‍ യുഎഇയിലേക്ക് ആവശ്യമുണ്ടെന്ന പരസ്യം കണ്ടാണ് അജ്‌സല്‍ അനീസിനെ ബന്ധപ്പെടുന്നത്. ഇവര്‍ തമ്മില്‍ നേരിട്ട് കാണുകയോ മുന്‍ പരിചയമോ ഉണ്ടായിരുന്നില്ല. 

ALSO READ: ഇത്തിഹാദ് റെയിൽ നിർമ്മാണ പ്രവൃത്തികൾ പുരോഗമിക്കുന്നു; എമിറേറ്റ്‌സ് റോഡിലെ അൽ ബാദിയ പാലം താൽക്കാലികമായി അടച്ചിടും 

പരാതി കിട്ടിയ സമയത്ത് തന്നെ വണ്ടൂര്‍ സ്വദേശിയാണ് തട്ടിപ്പിന് പിന്നിലെന്ന് പൊലിസിന് മനസ്സിലായിരുന്നു. എന്നാല്‍ പൊലിസ് വണ്ടൂര്‍ എത്തിയപ്പോഴേക്കും ഇയാള്‍ മുങ്ങിയിരുന്നു. സൈബര്‍ സെല്ലിന്റെ സഹായത്തോടെ നടത്തിയ തിരച്ചിലില്‍ ഇയാള്‍ ബെംഗളുരുവില്‍ എത്തിയതായി കണ്ടെത്തി. ഫോണ്‍ നമ്പര്‍ പല തവണ മാറ്റിയതാണ് പ്രതിയെ കണ്ടെത്തുന്നതില്‍ കാലതാമസുണ്ടാക്കിയത്.

തട്ടിയെടുത്ത ഒന്നരക്കോടി രൂപയുമായി പഞ്ചാബിലെ ജലന്ധറില്‍ ആഡംബര ജീവിതം നയിക്കാനായിരുന്നു പ്രതിയുടെ പദ്ധതി. എന്നാല്‍ ജലന്ധറിലേക്ക് കടക്കാന്‍ ശ്രമിക്കവേ പ്രതിയെ പൊലിസ് പിടികൂടുകയായിരുന്നു.

Bengaluru police arrest a youth for duping a man of Rs. 1.5 crore by promising a UAE visa. The accused, a Malappuram native, was caught in Bengaluru for cheating multiple people with fake visa promises.