അല്‍ ഐന്‍: ചൂടില്‍ നിന്ന് ആശ്വാസം നല്‍കി യു.എ.ഇയില്‍ ഇന്നലെ വൈകുന്നേരം ആലിപ്പഴ വര്‍ഷത്തോടെ മഴ. അല്‍ ഐനിന്റെ ചില ഭാഗങ്ങളില്‍ മിതമായ മഴ പെയ്തപ്പോള്‍, മറ്റു ഛില സ്ഥലങ്ങളില്‍ കനത്ത മഴയാണ് ലഭിച്ചത്. ഖതം അല്‍ ശിക്ല, മലഖിത് തുടങ്ങി ഭാഗങ്ങളില്‍ശക്തമായ മഴ പെയ്തതായി യു.എ.ഇയുടെ ദേശീയ കാലാവസ്ഥാ കേന്ദ്രം (NCM) അറിയിച്ചു. ശനി വൈകുന്നേരം അല്‍ നബ, ഉം ഗഫ, അല്‍ ദാഹിര്‍ എന്നിവിടങ്ങളില്‍ നേരിയ മഴ ലഭിച്ചു.

ALSO READ: വരുന്നത് തിരക്കേറിയ വേനല്‍ സീസണ്‍, വരവേല്‍ക്കാനൊരുങ്ങി ഷാര്‍ജ വിമാനത്താവളം; ചൊവ്വാഴ്ച മുതലുള്ള രണ്ടാഴ്ച എത്തുക എട്ടുലക്ഷം യാത്രക്കാര്‍

അല്‍ ഐനിന്റെ ചില ഭാഗങ്ങളില്‍ എന്‍സിഎം ഓറഞ്ച്, മഞ്ഞ അലേര്‍ട്ടുകള്‍ ഇന്നലെ പുറപ്പെടുവിച്ചിരുന്നു. അപകടകരമായ കാലാവസ്ഥ പ്രതീക്ഷിക്കുന്നതിനാല്‍ പുറത്തിറങ്ങുകയാണെങ്കില്‍ താമസക്കാര്‍ ജാഗ്രത പാലിക്കണമെന്ന് മുന്നറിയിപ്പ് നല്‍കി.

 

 

 

 

 

View this post on Instagram

 

 

 

 

 

 

 

 

 

 

 

A post shared by مركز العاصفة لمراقبة الطقس والتغير المناخي المؤسس omar alnauimi (@storm_ae)

കാലാവസ്ഥാ നിരീക്ഷകരുടെ അഭിപ്രായത്തില്‍, വേനല്‍ക്കാലത്ത് ആലിപ്പഴം വാര്‍ഷിക്കുന്നത് ഉപരിതല താപനില ചൂടുള്ളതായിരിക്കുമ്പോഴാണെന്ന് അധികൃതരെ ഉദ്ധരിച്ചുള്ള റിപ്പോര്‍ട്ടില്‍ പറഞ്ഞു. അന്തരീക്ഷം ഇപ്പോഴും മഞ്ഞുവീഴ്ചയെ പിന്തുണയ്ക്കാന്‍ തക്ക തണുപ്പാണെന്നതും ഇതില്‍ നിന്ന് മനസ്സിലാക്കാം.
കൂടിച്ചേരുന്ന മേഘങ്ങളില്‍ മുകളിലേക്കുള്ള ശക്തമായ വായുപ്രവാഹം കാരണം വേനല്‍ക്കാലത്ത് ആലിപ്പഴം ഉണ്ടാകാം. ഉയരുന്ന ചൂടുള്ള വായുവില്‍ നിന്ന് ഉണ്ടാകുന്ന വായുപ്രവാഹങ്ങള്‍ ജലത്തുള്ളികളെയും ഐസ് കണികകളെയും അന്തരീക്ഷത്തിലേക്ക് ഉയര്‍ന്ന നിലയിലേക്ക് കൊണ്ടുപോകുന്നു. അവിടെ അവ മരവിച്ച് ആലിപ്പഴമായി മാറുന്നു.

ALSO READ: സഊദിയിലെ വാറ്റ് പിഴ ഒഴിവാക്കല്‍: ഇളവ് ആറുമാസത്തേക്ക് കൂടി നീട്ടി | Saudi Arabia VAT Penalty

അതേസമയം, കഴിഞ്ഞ ആഴ്ച യു.എ.ഇ വേനല്‍ക്കാലത്തെ ഇതു വരെയുള്ള ഏറ്റവും ഉയര്‍ന്ന താപനിലയാണ് രേഖപ്പെടുത്തിയത്. ജൂണ്‍ 21 ന് മസൈറയില്‍ (അല്‍ ദഫ്ര മേഖല) 49.9° സെല്‍ഷ്യസ് താപനിലയാണുണ്ടായത്. ശരാശരി താപനില അവസാനമായി 45° സെല്‍ഷ്യസില്‍ കൂടുതലായി തുടരുന്നു. കഴിഞ്ഞ മാസം യു.എ.ഇയില്‍ 20 വര്‍ഷത്തിനിടയിലെ ഏറ്റവും ചൂടേറിയ മെയ് മാസമായിരുന്നു. താപനില 51.6° ആണ് രേഖപ്പെടുത്തിയത്.

Hailstones fell on the Al Ain region on Saturday afternoon, as the national weather centre warned of unsettled conditions. An orange and yellow alert was issued over parts of the Garden City region, and heavy rain was reported over the villages of Khatm Al Shiklah and Malaqit