ഗൂഡല്ലൂര്‍: രാഷ്ട്രപതിയുടെ നീലഗിരി സന്ദര്‍ശനവുമായി ബന്ധപ്പെട്ട് കുന്നൂരില്‍ ഉന്നത ഉദ്യോഗസ്ഥര്‍  കൂടിയാലോചനാ യോഗം നടത്തി. ഈമാസം ഒമ്പതിനാണ് രാഷ്ട്രപതി പ്രണബ് മുഖര്‍ജി കുന്നൂര്‍ വെല്ലിങ്ടണ്‍ മദ്രാസ് റെജിമെന്റ് സെന്ററില്‍ നടക്കുന്ന പാസിങ് ഔട്ട് പരേഡില്‍ പങ്കെടുക്കുന്നത്. രാഷ്ട്രപതിയുടെ സുരക്ഷയുമായി ബന്ധപ്പെട്ട വിഷയങ്ങള്‍ ചര്‍ച്ച ചെയ്യുന്നതിന് വേണ്ടിയാണ് യോഗം വിളിച്ചു ചേര്‍ത്തത്.
കമാന്‍ഡര്‍ കട്ടിയോക്ക്, നീലഗിരി ജില്ലാ കലക്ടര്‍ പി ശങ്കര്‍, നീലഗിരി എസ്.പി മുരളിറംബ, കുന്നൂര്‍ ആര്‍.ഡി.ഒ ഗീതാപ്രിയ തുടങ്ങിയവര്‍ സംബന്ധിച്ചു. വാഹന പരിശോധന ശക്തമാക്കാന്‍ യോഗത്തില്‍ തീരുമാനിച്ചിട്ടുണ്ട്. 34 രാജ്യങ്ങളില്‍ നിന്നുള്ള 420 സൈനികര്‍ ഈ ക്യാംപില്‍ നിന്ന് പരിശീലനം പൂര്‍ത്തിയാക്കി ഇറങ്ങുന്നത്.