കാസര്‍കോട്: മദര്‍ തെരേസയെ വിശുദ്ധയായി പ്രഖ്യാപിക്കുന്നതിനോട്  അനുബന്ധിച്ചുള്ള പ്രാര്‍ഥനകളും  സന്ദേശങ്ങളും  കൊല്‍ക്കത്തയിലുള്ള മദര്‍ ഹൗസിലേക്ക്  അയക്കാന്‍  തപാല്‍ വകുപ്പ്  അവസരമൊരുക്കുന്നു. ജില്ലയിലെ എല്ലാ തപാല്‍ ഓഫിസുകളിലും ഇതിനുള്ള അവസരമുണ്ടാകും. സന്ദേശങ്ങള്‍  ഇ പോസ്റ്റ്  ആയി എത്തിക്കാന്‍ പത്തു രൂപയാണു ചെലവ്.
സന്ദേശത്തിനൊപ്പം അയക്കുന്ന ആളുടെ പേരും  മേല്‍വിലാസവും എഴുതി അടുത്ത പോസ്റ്റ് ഓഫിസില്‍ നല്‍കണം.  
പൊതുജനങ്ങള്‍ നല്‍കുന്ന സന്ദേശം  പ്രത്യേക  രീതിയില്‍ സ്‌കാന്‍ ചെയ്താകും അയക്കുക. സന്ദേശം കൊല്‍ക്കത്തയിലെ പാര്‍ക്ക് സ്ട്രീറ്റ് പോസ്റ്റ് ഓഫിസ് വഴിയാണ് മദര്‍ ഹൗസില്‍ എത്തിക്കുക.
കാസര്‍കോട് ജില്ലയിലെ എല്ലാ പോസ്റ്റ് ഓഫിസിലും ഈ സൗകര്യം ഏര്‍പ്പെടുത്തിയിട്ടുണ്ടെന്ന് ജില്ലാ പോസ്റ്റല്‍ സൂപ്രണ്ട് അറിയിച്ചു.