തിരുവനന്തപുരം: സംസ്ഥാനത്ത് ഭിന്നശേഷി കുട്ടികളുടെ അധ്യാപനത്തിനായുള്ള റിസോഴ്സ് അധ്യാപകരുടെ സ്ഥിരനിയമനം ഇഴയുന്നു. കാൽനൂറ്റാണ്ടായി സ്‌പെഷൽ എഡ്യൂക്കേഷൻ ടീച്ചർമാർ വിദ്യാലയങ്ങളിൽ പ്രവർത്തിച്ചുവരുന്നുണ്ട്. അടുത്തകാലത്ത് സുപ്രിം കോടതിയിൽ നിന്നുണ്ടായ ഒരു ഉത്തരവിൽ സ്‌പെഷൽ എഡ്യൂക്കേഷൻ ടീച്ചർമാർ സ്‌കൂളുകളിൽ നിർബന്ധമാണെന്ന് അഭിപ്രായപ്പെട്ടിരുന്നു.

സംസ്ഥാനത്ത് 9955 റിസോഴ്‌സ് ടീച്ചർമാരാണ് ആവശ്യമുള്ളത്. എന്നാൽ, നിലവിൽ 2726 അധ്യാപകർ മാത്രമാണ് ഭിന്നശേഷി കുട്ടികൾക്ക് വിദ്യാഭ്യാസം പകരാൻ രംഗത്തുള്ളത്. ഇവർക്ക് താൽക്കാലിക നിയമനം മാത്രമാണ് നൽകിയിട്ടുള്ളത്. സ്ഥിരനിയമനം ആവശ്യപ്പെട്ട് നിരവധി തവണ പ്രതിഷേധമുയർത്തിയിട്ടും അത് നടപ്പാക്കാൻ സർക്കാർ തയാറായിട്ടില്ല.
മൂന്നുമാസം മുമ്പ് ഡിസബിലിറ്റി കമ്മിഷണർ ഉൾപ്പെടെയുള്ളവരുടെ സ്‌ക്രീനിങ് കമ്മിറ്റി രൂപീകരിക്കുകയല്ലാതെ മറ്റ് നടപടികൾ ഉണ്ടായിട്ടില്ല. സ്‌ക്രീനിങ് കമ്മിറ്റി ഇനി റിപ്പോർട്ട് കൊടുക്കുകയും അതിൽ അന്വേഷണം നടത്തി വിവിധ തലങ്ങളിൽ അംഗീകാരത്തിനെത്തിക്കുകയും മന്ത്രിസഭ തീരുമാനമെടുക്കുകയും ചെയ്യേണ്ടതുണ്ട്. അതിനാൽ ഇത് നീണ്ടുപോകുമെന്നത് റിസോഴ്‌സ് അധ്യാപകരുടെ ആശങ്ക വർധിപ്പിക്കുന്നു.

താൽക്കാലിക അധ്യാപകരായി കണക്കാക്കുന്നതിനാൽ ഇവർക്ക് ആനുകൂല്യങ്ങൾ പോയിട്ട് ശമ്പളം പോലും യഥാസമയം ലഭിക്കുന്നില്ലെന്ന് പരാതിയുണ്ട്. സമഗ്ര ശിക്ഷ കേരളയിൽ ഇവരുൾപ്പെടെ വിവിധ മേഖലകളിലായി ഏഴായിരത്തോളം പേർ വേതന പ്രശ്‌നം നേരിടുന്നുണ്ട്. 

ALSO READ: വിശേഷ ദിനങ്ങള്‍ക്കനുസരിച്ച് പ്രഖ്യാപിത അവധികളിൽ വേണം ക്രമീകരണം

അതേസമയം, പി.എം ശ്രീ പദ്ധതിയിൽ കേരളം ചേരാത്തതിനാൽ ഫണ്ട് ലഭിക്കാത്ത വിഷയവും ഒരുവശത്തുണ്ട്. ഭിന്നശേഷി വിദ്യാർഥികളുടെ സ്‌കോളർഷിപ്പുകൾ, ഉപകരണ വിതരണം, ജീവനക്കാരുടെ വേതനം തുടങ്ങിയവ തടസപ്പെടാൻ ഇത് ഇടയാക്കുന്നു എന്നും ആരോപണമുയർന്നിട്ടുണ്ട്. 

2018ൽ കേന്ദ്ര-,- കേരള സർക്കാരുകൾ ധാരണയിലെത്തിയതുപ്രകാരം നടപ്പിലാക്കിയതാണ് സമഗ്ര ശിക്ഷാ കേരള പദ്ധതി. അതുകൊണ്ടുതന്നെ പി.എം ശ്രീയിൽ ഒപ്പിട്ടില്ലെന്ന പേരിൽ ഈ പദ്ധതിക്കുവേണ്ട വിഹിതം തടഞ്ഞുവയ്ക്കുന്നത് എന്തുകൊണ്ടെന്ന ചോദ്യവും ഉയരുന്നുണ്ട്. 1300 കോടിയോളം രൂപ സമഗ്ര ശിക്ഷ കേരള പദ്ധതിക്ക് കുടിശ്ശിക ലഭിക്കാനുണ്ടെന്നാണ് വിവരം.

ഭിന്നശേഷി സൗഹൃദ കേരളമെന്ന് അവകാശപ്പെടുന്ന സർക്കാർ, പ്രത്യേക പരിഗണന വേണ്ട കുട്ടികൾക്ക് സ്‌കൂളുകളിൽ വേണ്ട സൗകര്യമൊരുക്കുകയും സ്‌കൂളിൽ പോകാൻ സാധിക്കാത്ത കുട്ടികളെ അവരുടെ വീടുകളിലെത്തി വിദ്യാഭ്യാസം നൽകാനുള്ള പദ്ധതികൾ ഒരുക്കുകയും ചെയ്തിട്ടുണ്ട്. 

എന്നാൽ, പദ്ധതികൾ നടപ്പാക്കുന്നതല്ലാതെ ജീവനക്കാർക്ക് വേതനവും മറ്റു അവശ്യ കാര്യങ്ങളുമൊരുക്കാൻ  സർക്കാരിന് കഴിഞ്ഞിട്ടില്ല. ഇതുമൂലം ഒരു വർഷമായി ഈ പദ്ധതികളെല്ലാം തന്നെ രോഗശയ്യയിലാണ്.

The permanent appointment of special education teachers, also known as Resource Teachers, for children with disabilities in Kerala is facing delays. Despite special education teachers working in schools for over 25 years, the Supreme Court has recently emphasized their importance in schools. The state government is yet to finalize the appointment process, leaving many special educators in uncertainty ¹.