അജ്മാന്‍: പൊലിസായി ആള്‍മാറാട്ടം നടത്തി 400,000 ദിര്‍ഹത്തിലധികം (93 ലക്ഷം രൂപ) തട്ടിയെടുത്ത കേസില്‍ ഒമ്പത് പേര്‍ക്ക് അജ്മാന്‍ ഫെഡറല്‍ കോടതി ഓഫ് ഫസ്റ്റ് ഇന്‍സ്റ്റന്‍സ് മൂന്ന് വര്‍ഷം തടവ് ശിക്ഷ വിധിച്ചു. മോഷ്ടിച്ച തുകയ്ക്ക് തുല്യമായ പിഴ അടയ്ക്കാനും ശിക്ഷാ കാലാവധി പൂര്‍ത്തിയാകുന്നതിന് ശേഷം ഏഴ് പ്രതികളെ നാടുകടത്താനും കോടതി ഉത്തരവിട്ടു.

ALSO READ: 200,000 വര്‍ഷങ്ങള്‍ക്ക് മുമ്പ് തന്നെ ആദിമമനുഷ്യ വാസം; ഷാര്‍ജയിലെ അല്‍ ഫായക്ക് യുനെസ്‌കോ അംഗീകാരം: അഭിമാന നേട്ടത്തെ അഭിനന്ദിച്ച് സാലം ഉമര്‍

ഒരു വ്യക്തി 400,000 ദിര്‍ഹത്തിന് പകരമായി യുഎസ് ഡോളര്‍ കൈമാറ്റം ചെയ്യാന്‍ ധാരണയിലെത്തി. ഇടപാട് നടക്കുന്ന ദിവസം, അറബ് വംശജരായ മൂന്ന് പേര്‍ സിഐഡി ഉദ്യോഗസ്ഥരാണെന്ന് അവകാശപ്പെട്ട് ഇരയെ സമീപിച്ചു. അവര്‍ ഇരയെയും മൂന്ന് കൂട്ടാളികളെയും വാഹനത്തില്‍ നിന്ന് ഇറക്കി തടഞ്ഞുവച്ചു. പ്രതികളിലൊരാള്‍ ഇരയുടെയും സംഘത്തിന്റെയും തിരിച്ചറിയല്‍ കാര്‍ഡുകളും ഫോണുകളും ശേഖരിച്ചു. ഈ സമയം, മൂന്നാമതൊരാള്‍ വാഹനം തുറന്ന് പണം അടങ്ങിയ ബാഗ് മോഷ്ടിച്ച ശേഷം എല്ലാ പ്രതികളും സംഭവസ്ഥലത്ത് നിന്ന് രക്ഷപ്പെടുകയായിരുന്നു.

അജ്മാന്‍ പോലിസ് നടത്തിയ അന്വേഷണത്തില്‍ പ്രതികളെ പിടികൂടുകയും മോഷ്ടിച്ച പണത്തിന്റെ ഭൂരിഭാഗവും വീണ്ടെടുക്കുകയും ചെയ്തു. 

പ്രതികളില്‍ ഒരാള്‍ ഗൂഢാലോചനയിലെ തന്റെ പങ്ക് വിശദമായി സമ്മതിച്ചതായും മറ്റുള്ളവര്‍ മോഷണത്തില്‍ പങ്കാളികളായതായും കോടതി രേഖകള്‍ വ്യക്തമാക്കുന്നു. എന്നാല്‍, ചില പ്രതികള്‍ കുറ്റം നിഷേധിക്കുകയും അറസ്റ്റിന്റെയും തിരച്ചിലിന്റെയും നിയമസാധുതയെ ചോദ്യം ചെയ്യുകയും ചെയ്തു. എന്നാല്‍ ഇവരുടെ വാദങ്ങള്‍ കോടതി തള്ളുകയായിരുന്നു.

കുറ്റസമ്മത മൊഴികള്‍, ദൃക്‌സാക്ഷി വിവരണങ്ങള്‍, ഇരയുടെ തിരിച്ചറിയല്‍ എന്നിവ ഉള്‍പ്പെടെയുള്ള തെളിവുകള്‍ കുറ്റകൃത്യം മനഃപൂര്‍വവും ഗൂഢാലോചന നടത്തിയ ശേഷമാണ് നടത്തിയതെന്ന് തെളിയിക്കുന്നതായും കോടതി വിധിന്യായത്തില്‍ പറഞ്ഞു.

ALSO READ: അപകട രഹിത വേനല്‍ കാംപയിന്‍: ബോധവല്‍ക്കരണ വ്യത്യസ്ത അപകട വിഡിയോകള്‍ പങ്കിട്ട് അബൂദബി പൊലിസ്

നിയമപാലകരായി ആള്‍മാറാട്ടം, വഞ്ചനയിലൂടെയും ഗൂഢാലോചനയിലൂടെയും മോഷണം എന്നിവ ഉള്‍പ്പെടെ നിരവധി കുറ്റങ്ങള്‍ പ്രതികള്‍ക്കെതിരെ ചുമത്തി. ഒമ്പത് പേര്‍ക്കും മൂന്ന് വര്‍ഷം തടവും, മോഷ്ടിച്ച തുകയ്ക്ക് തുല്യമായ പിഴയും വിധിച്ച കോടതി, മൂന്ന് മുതല്‍ ഒമ്പത് വരെയുള്ള പ്രതികളെ ശിക്ഷയ്ക്ക് ശേഷം നാടുകടത്താനും ഉത്തരവിട്ടു.

Nine individuals have been sentenced to three years in prison for impersonating police officers and extorting ₹90 lakh. The court found them guilty of fraud, impersonation, and criminal conspiracy in a high-profile case.