മലയാളികള്‍ പൊതുവേ പപ്പട പ്രിയരാണ്. പുട്ടും-പപ്പടവും കഞ്ഞിയും-പപ്പടവും ബിരിയാണിയും-പപ്പടവും ചോറും-പപ്പടവും അങ്ങനെ പല തരത്തില്‍ പപ്പടം കഴിക്കുന്ന ശീലമുള്ളവരാണ് നമ്മള്‍. ചിലര്‍ക്ക് വല്ലപോഴുമൊക്കെ മതിയാവും പപ്പടം. പപ്പടം എണ്ണയില്‍ കാച്ചിയും അടുപ്പില്‍ വച്ച് ചുട്ടും അങ്ങനെ പലവിധത്തില്‍ ഭക്ഷണമാക്കി കഴിക്കുന്നവരുമുണ്ട്. ഉഴുന്നു പരിപ്പും അപ്പക്കാരവും പെരുങ്കായവും ഉപ്പുമാണ് പപ്പടത്തിന്റെ സാധാരണ ചേരുവ. 

മായം ചേര്‍ക്കാത്ത മാവും ഉഴുന്നും കുഴച്ച് മായം ഒന്നുമില്ലാതെ തന്നെ പപ്പടം ലഭിച്ചിരുന്ന ഒരു കാലമുണ്ടായിരുന്നു. 

എന്നാല്‍ ഇന്ന് സ്ഥിതി അതല്ല. വിവിധ നിറത്തിലും പലതരം മാവ് ഉപയോഗിച്ചും വൃത്തിഹീനമായും മായങ്ങള്‍ കലര്‍ത്തിയുമാണ് പല പപ്പടങ്ങളുടെയും നിര്‍മാണം. 
അതുകൊണ്ടു  തന്നെ പപ്പടം പെട്ടെന്നു കേടുവരുന്നുവെന്നത് പലരും അഭുമുഖീകരിക്കുന്ന ഒരുപ്രശ്‌നമാണ്. 

എന്താണ് പ്രതിവിധി

പപ്പടം പെട്ടെന്ന് പൂപ്പല്‍ വരുന്നത് തടയാന്‍ ഒരു പ്രതിവിധിയുണ്ട്. പപ്പടം കേടുകൂടാതിരിക്കാന്‍ അവ സൂക്ഷിക്കുന്ന ടിന്നില്‍ അല്‍പം ഉലുവ ഇട്ടുവയ്ക്കുക. പിന്നെ പപ്പടം കേടുവരുകയില്ല. 

ALSO READ: കുഞ്ഞിച്ചേനകള്‍ നമുക്ക് വീട്ടില്‍ തന്നെ നടാം- എട്ടു മാസം കൊണ്ട് വിളെവെടുക്കാം

ഇങ്ങനെ ചെയ്താല്‍ പപ്പടം ദിവസങ്ങളോളം കേടുവരാതെ ഇരിക്കുന്നതാണ്. അതുപോലെ പാക്കറ്റ് പൊട്ടിക്കാത്ത പപ്പടമാണെങ്കില്‍ 
 അങ്ങനെ തന്നെ ഫ്രിഡ്ജില്‍ വയ്ക്കാവുന്നതാണ്. ഇനി പൊട്ടിച്ചു രണ്ടു ദിവസം കഴിഞ്ഞതാണെങ്കില്‍ എയര്‍ടൈറ്റായ പാത്രത്തില്‍ വയ്ക്കാവുന്നതാണ്.

വറുത്ത പപ്പടമാണെങ്കില്‍ പ്ലാസ്റ്റിക്ക് കവറില്‍ കെട്ടി വയ്ക്കുകയോ ചെയ്യാം. വായു കയറാന്‍ പാടില്ല. ഇങ്ങനെ ചെയ്താല്‍ ഒരാഴ്ച വരെ പപ്പടം കേടുവരാതെ കിട്ടുന്നതാണ്. 

പൊട്ടിച്ച പാക്കറ്റാണെങ്കില്‍ പ്ലാസ്റ്റിക് കവറില്‍ ആക്കി സൂക്ഷിക്കാവുന്നതാണ്. ഫ്രിഡ്ജില്‍ വയ്ക്കുന്ന പപ്പടമാണെങ്കില്‍ പൊരിക്കുന്നതിന് അരമണിക്കൂര്‍ മുമ്പ് ഫ്രിഡ്ജില്‍ നിന്ന് പുറത്തെടുത്ത് വയ്ക്കണം. തണുപ്പ് പോയതിനു ശേഷം മാത്രമേ പൊരിക്കാവു.

 പുറമേ നിന്നു വാങ്ങുന്ന പപ്പടങ്ങളില്‍ കൃത്രിമ ചേരുവകള്‍ ഉണ്ടാവാറുണ്ട്. ഇവ ദഹനത്തെ ബാധിക്കുകയും അസിഡിറ്റി ഉണ്ടാക്കുകയും ചെയ്യുന്നതാണ്. അതുകൊണ്ട് കഴിയുന്നതും വീട്ടില്‍ തന്നെ തയാറാക്കുന്നതാണ് നല്ലത്. 

പപ്പടം കേടുവരാതെ ഇരിക്കാന്‍ ചെയ്യേണ്ടത്

പപ്പടം ഈര്‍പ്പമില്ലാതെ നന്നായി സൂക്ഷിച്ചാല്‍ തന്നെ ഏറെ കാലം പുതിയതു പോലെ നിലനിര്‍ത്താന്‍ കഴിയും. 
പ്ലാസ്റ്റിക് അല്ലെങ്കില്‍ ഗ്ലാസ് എയര്‍ടൈറ്റ് അടപ്പുള്ള പോട്ടുകളില്‍ പപ്പടം സൂക്ഷിക്കുന്നത് നല്ലതാണ്.  സിലിക്കാ ജെല്‍ പാക്കറ്റ് ഉപയോഗിക്കുക.

ചെറിയ ഈര്‍പ്പനാശിനി പാക്കറ്റുകള്‍ കണ്ടെയ്‌നറിന്റെ ഉള്ളിലിട്ട് ഈര്‍പ്പം കുറയ്ക്കാവുന്നതാണ്. പഴയ പപ്പടവും പുതിയ പപ്പടവും ഒരുമിച്ചു വയ്ക്കരുത, ഇത് രണ്ടും തമ്മില്‍ കലര്‍ന്നാല്‍ മുഴുവന്‍ പപ്പടവും വൃത്തികേടാവാന്‍ ഇടയാകും. 

ഒഴിവാക്കേണ്ടത്

നനഞ്ഞ കൈകൊണ്ട് പപ്പടം കൈകാര്യം ചെയ്യരുത.് ഫ്രിഡ്ജില്‍ കഴിയുന്നതും സൂക്ഷിക്കാതിരിക്കുക.