അബൂദബി: ഡിസംബർ മാസത്തെ ഇന്ധനവില പ്രഖ്യാപിച്ച് യുഎഇ ഫ്യുവൽ പ്രൈസ് കമ്മിറ്റി. നവംബറിലെ വിലകളുമായി താരതമ്യം ചെയ്യുമ്പോൾ പെട്രോൾ - ഡീസൽ വിലയിൽ ചെറിയ വർധനവുണ്ടായിട്ടുണ്ട്. 

ഡിസംബറിലെ ഇന്ധന വിലകൾ (ഒരു ലിറ്ററിന്)

• സൂപ്പർ 98 പെട്രോൾ: 2.70 ദിർഹം (നവംബറിൽ ഇത് 2.63 ദിർഹം ആയിരുന്നു).
• സ്പെഷ്യൽ 95 പെട്രോൾ: 2.58 ദിർഹം (കഴിഞ്ഞ മാസം ഇത് 2.51 ദിർഹം ആയിരുന്നു).
• ഇ-പ്ലസ് പെട്രോൾ: 2.51 ദിർഹം (നവംബറിൽ ഇത് 2.44 ദിർഹം ആയിരുന്നു).
• ഡീസൽ: 2.85 ദിർഹം (കഴിഞ്ഞ മാസം ഇത് 2.67 ദിർഹം ആയിരുന്നു).

ALSO READ: അബൂദബിയിലെ രണ്ട് റോഡുകളിൽ ട്രക്കുകൾക്ക് വിലക്ക്; തീരുമാനം നാളെ മുതൽ പ്രാബല്യത്തിൽ; ബദൽ റൂട്ടുകൾ പ്രഖ്യാപിച്ചു

അതേസമയം, നവംബറിൽ യുഎഇയിലെ പെട്രോൾ വില കുറഞ്ഞിരുന്നു. ഇതുപ്രകാരം, നവംബറിലെ ഇന്ധന വില ഇങ്ങനെയായിരുന്നു.

• സൂപ്പർ 98 പെട്രോളിന്റെ വില ലിറ്ററിന് 2.63 ദിർഹമായി കുറഞ്ഞു.
• സ്പെഷ്യൽ 95 ന് 2.51 ദിർഹം.
• ഇ-പ്ലസ് 91 ന് 2.44 ദിർഹം.
• ഡീസൽ വില 2.67 ദിർഹം.

2015-ൽ രാജ്യത്ത് ഇന്ധനവില നിയന്ത്രണം എടുത്തുമാറ്റിയ ശേഷം, പ്രതിമാസ വില ക്രമീകരണങ്ങൾ ആഗോള എണ്ണ പ്രവണതകളെ ആശ്രയിച്ചാണ് നടക്കുന്നത്. ക്രൂഡ് ഓയിലിന് വില കൂടുമ്പോൾ ഇന്ധനവില ഉയരുകയും, ക്രൂഡ് ഓയിൽ വില കുറയുമ്പോൾ ഇന്ധനവില കുറയുകയും ചെയ്യും.