ഇംഗ്ലണ്ടിനെതിരായ അണ്ടർ 19 ടെസ്റ്റ് ക്രിക്കറ്റിലും ചരിത്രം സൃഷ്ടിച്ച് യുവതാരം വൈഭവ് സൂര്യവംശി. ഇത്തവണ ബാറ്റ് കൊണ്ടല്ല ബൗളിങ്ങിലാണ് വൈഭവ് റെക്കോർഡിട്ടത്. ഇംഗ്ലണ്ടിനെതിരെ രണ്ട് വിക്കറ്റുകൾ നേടിയാണ് വൈഭവ് തിളങ്ങിയത്. ഇംഗ്ലണ്ട് ക്യാപ്റ്റൻ ഹംസ ഷെയ്ഖ്, തോമസ് റ്യു എന്നിവരെയാണ് വൈഭവ് പുറത്താക്കിയത്.

ഇതോടെ യൂത്ത് ടെസ്റ്റിൽ വിക്കറ്റ് നേടുന്ന ഏറ്റവും പ്രായം കുറഞ്ഞ ഇന്ത്യൻ താരം എന്ന റെക്കോർഡ് ആണ് വൈഭവ് സ്വന്തം പേരിൽ കുറിച്ചത്. 14 വർഷവും 107 ദിവസവും പ്രായമുള്ളപ്പോഴാണ് വൈഭവ് ഈ നേട്ടം സ്വന്തമാക്കിയിരിക്കുന്നത്. ഇതിനുമുമ്പ് ഈ നേട്ടം മനീഷിയുടെ പേരിലായിരുന്നു ഉണ്ടായിരുന്നത്. 2019ൽ തിരുവനന്തപുരത്ത് വെച്ച് നടന്ന സൗത്ത് ആഫ്രിക്കയ്ക്കെതിരെയുള്ള യൂത്ത് ടെസ്റ്റിൽ ആയിരുന്നു മനീഷി ഈ നേട്ടം സ്വന്തമാക്കിയിരുന്നത്. 

ഇംഗ്ലണ്ടിനെതിരായ അണ്ടർ 19 ഏകദിന പരമ്പരയിൽ മിന്നും പ്രകടനമാണ് വൈഭവ് സൂര്യവംശി നടത്തിയത്. അഞ്ചു മത്സരങ്ങളുടെ പരമ്പരയിൽ 355 റൺസാണ് വൈഭവ് നേടിയത്. ഒരു സെഞ്ച്വറിയും അർദ്ധ സെഞ്ച്വറിയും ആണ് താരം പരമ്പരയിൽ നേടിയത്. 71 എന്ന മികച്ച ആവറേജിലും 174.01 സ്ട്രൈക്ക് റേറ്റിലും ആണ് വൈഭവ് സൂര്യവംശി ബാറ്റ് വീശിയത്.

ഇംഗ്ലണ്ടിനെതിരെ 73 പന്തിൽ 143 റൺസ് നേടിയാണ് വൈഭവ് തിളങ്ങിയത്. 13 കൂറ്റൻ സിക്സുകളും 10 ഫോറുകളും ആണ് താരം അടിച്ചെടുത്തത്. 52 പന്തിൽ നിന്നുമാണ് താരം സെഞ്ച്വറി പൂർത്തിയാക്കിയത്. ഇതോടെ അണ്ടർ 19 ഏകദിനത്തിൽ സെഞ്ച്വറി നേടുന്ന ഏറ്റവും പ്രായം കുറഞ്ഞ താരമായി മാറാനും വൈഭവിന് സാധിച്ചു.

2025 ഐപിഎല്ലിൽ  രാജസ്ഥാൻ റോയൽസിനായി നടത്തിയ മിന്നും പ്രകടനങ്ങൾക്ക് പിന്നാലെയാണ് വൈഭവ് എന്ന പേര് ക്രിക്കറ്റ് ലോകത്തിൽ ചർച്ചയായത്. 2025 ഐപിഎല്ലിലെ സൂപ്പർ സ്ട്രൈക്കർ അവാർഡ് സ്വന്തമാക്കിയത് വൈഭവ് സൂര്യവംശിയായിരുന്നു. രാജസ്ഥനായി ഏഴ് മത്സരങ്ങളിൽ നിന്നും ഒരു സെഞ്ച്വറിയും ഒരു അർദ്ധ സെഞ്ച്വറിയും ഉൾപ്പെടെ 252 റൺസാണ് നേടിയത്.

അതേസമയം മത്സരത്തിന്റെ ആദ്യ ഇന്നിംഗ്സിൽ ബാറ്റ് ചെയ്ത ഇന്ത്യ 540 റൺസ് ആണ് നേടിയത്. രണ്ടാം ഇന്നിങ്സിൽ ഇംഗ്ലണ്ട് 439 റൺസിന് പുറത്താവുകയായിരുന്നു. നിലവിൽ ഇന്ത്യ രണ്ടാം ഇന്നിങ്സിൽ 128 റൺസിന് മൂന്ന് വിക്കറ്റുകൾ എന്ന നിലയിലാണ് ഉള്ളത്. വൈഭവ് സൂര്യവംശി രണ്ടാം ഇന്നിങ്സിൽ അർദ്ധ സെഞ്ച്വറി നേടി തിളങ്ങിയിരുന്നു. 44 പന്തിൽ ഒമ്പത് ഫോറുകളും ഒരു സിക്‌സും ഉൾപ്പടെ 56 റൺസായിരുന്നു സൂര്യവംശിയുടെ ബാറ്റിൽ നിന്നും പിറന്നത്.

നേരത്തെ ഇന്ത്യയ്ക്കുവേണ്ടി ആദ്യ ഇന്നിങ്സിൽ സെഞ്ച്വറി നേടി തിളങ്ങിയിരുന്നു.  ആയുഷ് മാത്രേ സെഞ്ച്വറി നേടി തിളങ്ങിയിരുന്നു 115 പന്തിൽ 102 റൺസ് ആണ് ആയുഷ് സ്വന്തമാക്കിയത്. 14 ഫോറുകളും രണ്ട് സിക്സുകളും അടങ്ങുന്നതാണ്  താരത്തിന്റെ പ്രകടനം.

Youngster Vaibhav Suryavanshi also created history in Under-19 Test cricket against England. Vaibhav shone by taking two wickets against England. Vaibhav holds the record for being the youngest Indian to take a wicket in a Youth Test. Vaibhav achieved this feat at the age of 14 years and 107 days.