ന്യൂഡൽഹി: ഇന്ത്യയിലെ കോളേജ് വിദ്യാർത്ഥികൾക്ക് അക്കാദമിക് പഠനത്തിന് സഹായകമാകുന്ന ഒരു പുതിയ ഓഫറുമായി ടെക് ഭീമൻ ഗൂഗിൾ. 18 വയസ്സിനു മുകളിലുള്ള യോഗ്യരായ വിദ്യാർത്ഥികൾക്ക് ഗൂഗിളിന്റെ ജെമിനി AI പ്രോ പ്ലാനിലേക്ക് ഒരു വർഷത്തെ സൗജന്യ സബ്‌സ്‌ക്രിപ്‌ഷൻ ലഭിക്കും. സങ്കീർണ്ണമായ വിഷയങ്ങൾ മനസ്സിലാക്കുന്നതിനും, ജോലി അഭിമുഖങ്ങൾക്ക് തയ്യാറെടുക്കുന്നതിനും, സർഗാത്മക ആശയങ്ങൾ വികസിപ്പിക്കുന്നതിനും ജെമിനി AI സഹായിക്കുമെന്ന് ഗൂഗിൾ അവകാശപ്പെടുന്നു.  ഇന്ത്യയിലെ കോളേജ് വിദ്യാർത്ഥികളെ എഐ മേഖലയിൽ പ്രാവീണ്യമുള്ളവരാക്കാനാണ് പദ്ധതിയുടെ ലക്ഷ്യമെന്നും ഗൂഗിൾ വ്യക്തമാക്കി.

ജെമിനി AI പ്രോ പ്ലാനിൽ, വിദ്യാർത്ഥികൾക്ക് പരിധിയില്ലാതെ പാഠങ്ങൾ എല്ലാം പഠിക്കാനുള്ള സഹായം, പരീക്ഷയ്ക്ക് വേണ്ടിയുള്ള തയ്യാറെടുപ്പുകൾ, വിദ്യാർഥികൾക്ക് എഴുത്തിലും സഹായം എന്നിവ ലഭിക്കും. ഗൂഗിളിന്റെ ഏറ്റവും നൂതനമായ AI മോഡലായ ജെമിനി 2.5 പ്രോ ആണ് പ്ലാനിൽ ഉൾപ്പെടുന്നത്. ഇതിനു പുറമേ, ഡീപ് റിസർച്ച്, NotebookLM-ൽ 5 മടങ്ങ് ഉയർന്ന പരിധികൾ, Veo 3 വീഡിയോ ജനറേഷൻ മോഡൽ ഉപയോഗിക്കാനുള്ള ജെമിനി ലൈവ്, ജെമിനി ഫ്ലോ എന്നിവയിലേക്കും പ്രവേശനം ലഭിക്കും. Gmail, Docs, Sheets, Photos, Drive തുടങ്ങിയ ഗൂഗിൾ സേവനങ്ങളിൽ ജെമിനി എഐ സഹായവും 2TB ക്ലൗഡ് സ്റ്റോറേജും ഈ പ്ലാൻ വാഗ്ദാനം ചെയ്യുന്നു.

ALSO READ: വീട്ടിൽ ഉപയോ​ഗിക്കാത്ത പഴയ ​വസ്ത്രങ്ങളുണ്ടോ? എന്നാൽ മൊബൈൽ ആപ്പ് ഉപയോ​ഗിച്ച് വിറ്റ് കാശുണ്ടാക്കാം

 

 

ഓഫർ എങ്ങനെ ലഭിക്കാം?

വിദ്യാർത്ഥികൾക്ക് ഈ ഓഫർ പ്രയോജനപ്പെടുത്താൻ, “gemini.google/students/?gl=IN” എന്ന വെബ്സൈറ്റ് സന്ദർശിച്ച് 'ഓഫർ നേടുക' ബട്ടണിൽ ക്ലിക്ക് ചെയ്യണം. തുടർന്ന് 'യോഗ്യത പരിശോധിക്കുക' ബട്ടണിൽ ക്ലിക്ക് ചെയ്ത്, സ്കൂൾ/കോളേജിന്റെ പേര്, ഇമെയിൽ വിലാസം തുടങ്ങിയ വിശദാംശങ്ങൾ നൽകണം. സ്വകാര്യ ജിമെയിൽ അക്കൗണ്ടും ഉപയോഗിക്കാം.

'വിദ്യാർത്ഥി നില പരിശോധിക്കുക' ബട്ടണിൽ ക്ലിക്ക് ചെയ്ത ശേഷം, സ്കൂൾ/കോളേജ് വെബ് പോർട്ടൽ വഴി ലോഗിൻ ചെയ്യേണ്ടതുണ്ട്. യോഗ്യത തെളിയിക്കുന്ന രേഖകൾ, സ്കൂൾ/കോളേജ് ഐഡി, ക്ലാസ് ഷെഡ്യൂൾ, ട്യൂഷൻ രസീത് തുടങ്ങിയ എൻറോൾമെന്റ് തെളിവുകൾ അപ്‌ലോഡ് ചെയ്യണം. രേഖകളുടെ ആധികാരികത പരിശോധനയ്ക്ക് ശേഷം, ഏകദേശം 30 മിനിറ്റിനുള്ളിൽ സബ്‌സ്‌ക്രിപ്‌ഷൻ ആക്ടിവേറ്റ് ചെയ്യപ്പെടും. രേഖകൾ അപ്‌ലോഡ് ചെയ്യാൻ താൽപ്പര്യമില്ലെങ്കിൽ, Google നൽകിയ വിലാസത്തിലേക്ക് അയക്കുന്ന ഇമെയിലിലെ ലിങ്ക് വഴി പിന്നീട് പ്രക്രിയ പൂർത്തിയാക്കാം.

ALSO READ: നീറ്റ് പരീക്ഷയിൽ തോറ്റു; സിവിൽ സർവീസും കൈവിട്ടു; 20 വയസ്സുകാരി എത്തി നിൽക്കുന്നത് റോൾസ് റോയ്‌സ് കമ്പനിയിലെ 72 ലക്ഷം ശമ്പളത്തോടെയുള്ള ജോലിയിൽ 

( കുറിപ്പ്: ഈ ഓഫർ 2025 സെപ്റ്റംബർ 15 വരെ മാത്രമാണ് ലഭ്യമായിരിക്കുക. അതിനാൽ, കാലാവധി തീരുന്നതിന് മുമ്പ് അപേക്ഷ പൂർത്തിയാക്കാൻ ശ്രദ്ധിക്കുക. )

Google is offering Indian college students a one-year free subscription to Gemini AI Pro, featuring advanced tools like Gemini 2.5 Pro, unlimited homework help, and 2TB cloud storage. Eligible students above 18 can apply by verifying their student status at “gemini.google/students/?gl=IN” before September 15, 2025