വീട്ടിലെ അലമാരയിൽ പഴയ വസ്ത്രങ്ങൾ ഉപയോ​ഗശൂന്യമായി ഒട്ടുമിക്ക വീടുകളിലും കെട്ടികിടക്കുന്നുണ്ടാകും. അവധി ദിവസം നോക്കി കത്തിച്ച് കളയുകയോ അല്ലെങ്കിൽ സഹായം ചോദിച്ച് വരുന്നവർക്ക് നൽകുകയുമാണ് പതിവ് അല്ലേ. ഇത്തരത്തിലുള്ള പഴയ വസ്ത്രങ്ങൾ മൊബൈൽ ആപ്ലിക്കേഷൻ ഉപയോ​ഗിച്ച് നിങ്ങൾക്ക് തന്നെ വിൽക്കാൻ കഴിയുന്ന കാര്യം പലർക്കും അറിയില്ല. എന്നാൽ പഴയ വസ്ത്രങ്ങൾ വിറ്റ് പണമുണ്ടാക്കുന്ന മൊബൈൽ ആപ്ലിക്കേഷനെക്കുറിച്ച് പറഞ്ഞ് തരാം. പഴയ വസ്ത്രങ്ങൾ വിൽക്കാനും വാങ്ങാനും സഹായിക്കുന്ന ഇന്ത്യയിലെ ജനപ്രിയ ഓൺലൈൻ പ്ലാറ്റ്ഫോമാണ് FreeUp. രാജ്യത്തെ ഏറ്റവും വലിയ ഓൺലൈൻ ത്രിഫ്റ്റ് സ്റ്റോറും കൂടിയാണ് ഈ ആപ്പ്. ഉപയോഗിച്ച വസ്ത്രങ്ങൾ എളുപ്പത്തിൽ വിൽക്കാനും മറ്റുള്ളവരുടെ വസ്ത്രങ്ങൾ വാങ്ങാനും ഉപയോക്താക്കൾക്ക് ഇതിലൂടെ കഴിയുന്നു.

 

 

FreeUp-ന്റെ പ്രധാന സവിശേഷതകൾ

എളുപ്പമുള്ള ലിസ്റ്റിംഗ്: വസ്ത്രങ്ങളുടെ ചിത്രങ്ങൾ എടുത്ത്, ബ്രാൻഡ്, സൈസ്, കണ്ടീഷൻ തുടങ്ങിയ വിവരങ്ങൾ നൽകി എളുപ്പത്തിൽ ലിസ്റ്റ് ചെയ്യാം.

ഷിപ്പിംഗ്: വീട്ടിൽ നിന്ന് സാധനങ്ങൾ എടുക്കുന്നതിനും ഡെലിവറി ചെയ്യുന്നതിനും സൗകര്യമുണ്ട്.
നേരിട്ട് പണം സ്വീകരിക്കൽ: വിൽപ്പനയിലൂടെ ലഭിക്കുന്ന തുക ബാങ്ക് അക്കൗണ്ടിലേക്ക് നേരിട്ട് സ്വീകരിക്കാം
വാങ്ങുന്നവരുടെ സുരക്ഷ: വാങ്ങിയ സാധനം വിവരിച്ചതുപോലെ അല്ലെങ്കിൽ, തിരികെ നൽകാനുള്ള സൗകര്യം ഉറപ്പാക്കുന്നു.

FreeUp-ൽ വസ്ത്രങ്ങൾ വിൽക്കേണ്ട വിധം

FreeUp ആപ്പ് ഡൗൺലോഡ് ചെയ്ത് അക്കൗണ്ട് സൃഷ്ടിക്കുക.

വിൽപ്പനയ്ക്ക് വെക്കാനുദ്ദേശിക്കുന്ന വസ്ത്രങ്ങളുടെ ഗുണനിലവാരമുള്ള ചിത്രങ്ങൾ എടുത്ത്, അതിന്റെ വിശദാംശങ്ങൾ (ബ്രാൻഡ്, സൈസ്, അവസ്ഥ) ചേർത്ത് വില നിശ്ചയിക്കുക.
ആപ്പ് വഴി ഷിപ്പിംഗ് ക്രമീകരിക്കുക.
വിൽപ്പന തുക ബാങ്ക് അക്കൗണ്ടിലേക്ക് ലഭിക്കും.

 

 

വേഗത്തിൽ വിൽപ്പന നടത്താനുള്ള നുറുങ്ങുകൾ

ആകർഷകമായ ഒരു പ്രൊഫൈൽ തയ്യാറാക്കുക.
അഞ്ചിൽ കൂടുതൽ വസ്ത്രങ്ങൾ ലിസ്റ്റ് ചെയ്യുക.
യഥാർത്ഥ ചിത്രങ്ങൾ ഉപയോഗിക്കുകയും വസ്ത്രങ്ങളുടെ അവസ്ഥ കൃത്യമായി വിവരിക്കുകയും ചെയ്യുക.
ഉപഭോക്താക്കളുടെ ചോദ്യങ്ങൾക്ക് വേഗത്തിൽ മറുപടി നൽകുക.

ശ്രദ്ധിക്കേണ്ട കാര്യങ്ങൾ

Google Play Store-ലെ ചില ഉപയോക്താക്കൾ, FreeUp-ന്റെ കസ്റ്റമർ സപ്പോർട്ടിനെക്കുറിച്ചും പാർസൽ പിക്ക്-അപ്പ് സംബന്ധിച്ച പ്രശ്നങ്ങളെക്കുറിച്ചും പരാതികൾ ഉന്നയിച്ചിട്ടുണ്ട്. എന്നാൽ, FreeUp പിക്ക്-അപ്പിന് ചാർജ് ഈടാക്കുന്നില്ലെന്നും, ആപ്പ് വഴിയോ ഇമെയിൽ വഴിയോ പിന്തുണ വാഗ്ദാനം ചെയ്യുന്നുവെന്നും അവകാശപ്പെടുന്നു. ആയതിനാൽ വസ്ത്രങ്ങൾ വാങ്ങുന്നതിന്റെയും വിൽക്കുന്നതിന്റെയും ഉത്തരവാദിത്തം ഉപയോക്താക്കൾ ഉറപ്പ് വരുത്തണം.

FreeUp-ന് പകരമുള്ള ആപ്പുകൾ

Poshmark
eBay
CoutLoot
Facebook Marketplace
OLX

കൂടുതൽ വിവരങ്ങൾക്ക് ഔദ്യോ​ഗിക വെബ്സൈറ്റ് പരിശോധിക്കുക: https://www.freeup.app/

Turn your unused old clothes into cash with the FreeUp app! India’s largest online thrift store lets you easily list, sell, and ship preloved garments, with direct bank payments and buyer protection. Download now and start earning