ദുബൈ: യുഎഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂം സര്‍ക്കാര്‍ ജീവനക്കാരായ യുഎഇ പൗരന്മാര്‍ക്കുള്ള വിവാഹ അവധി സംബന്ധിച്ച് ഉത്തരവിട്ടു. ദുബൈയിലെ സര്‍ക്കാര്‍ ജീവനക്കാര്‍ക്ക് ശമ്പളത്തോടു കൂടി പത്തു ദിവസത്തെ അവധിക്ക് അര്‍ഹതയുണ്ടാകും.

ALSO READ: യുഎഇയിൽ ജോലി ചെയ്യുകയാണോ? നിങ്ങൾക്ക് നിയമപരമായി അർഹതയുള്ള ഒമ്പത് ശമ്പളത്തോടുകൂടിയ അവധികളെക്കുറിച്ച് അറിയാം

ഉത്തരവ് പ്രകാരം ദുബൈ സര്‍ക്കാര്‍ സ്ഥാപനങ്ങളിലെ ഇമാറാത്തി ജീവനക്കാര്‍ക്കും ദുബൈ ഇന്റര്‍നാഷണല്‍ ഫിനാന്‍ഷ്യല്‍ സെന്റര്‍ ഉള്‍പ്പെടെയുള്ള പ്രത്യേക വികസന മേഖലകളിലും ഫ്രീ സോണുകളിലും പ്രവര്‍ത്തിക്കുന്ന സ്ഥാപനങ്ങളിലെ ജീവനക്കാര്‍ക്കും അവധിക്ക് അര്‍ഹതയുണ്ടാകും. കേഡറ്റുകള്‍ ഒഴികെ, ഇമാറാത്തി ജുഡീഷ്യല്‍ അതോറിറ്റി അംഗങ്ങളും ഇമാറാത്തി സൈനിക ഉദ്യോഗസ്ഥരും ഇതില്‍ ഉള്‍പ്പെടും. മാനവ വിഭവശേഷി നിയമപ്രകാരം അര്‍ഹമായ മറ്റ് അവധികളുമായി ഈ അവധി സംയോജിപ്പിക്കാം.

യോഗ്യതാ മാനദണ്ഡങ്ങള്‍:

• ജീവനക്കാരുടെ ജീവിതപങ്കാളി ഇമാറാത്തി പൗരനായിരിക്കണം.
• ജീവനക്കാരന്‍ പ്രൊബേഷനറി കാലയളവ് വിജയകരമായി പൂര്‍ത്തിയാക്കിയിരിക്കണം.

ആനുകൂല്യങ്ങള്‍ 
വിവാഹ അവധി കാലയളവില്‍, ജീവനക്കാര്‍ക്ക് മുഴുവന്‍ ശമ്പളവും അലവന്‍സുകളും ഉള്‍പ്പെടെയുള്ള എല്ലാ സാമ്പത്തിക ആനുകൂല്യങ്ങളും ലഭിക്കും. വിവാഹ കരാര്‍ തീയതി മുതല്‍ ഒരു വര്‍ഷത്തിനുള്ളില്‍ തുടര്‍ച്ചയായോ ഇടവിട്ടോ അവധി ഉപയോഗിക്കാം.

ALSO READ: ദുബൈ സമ്മർ സർപ്രൈസസ് കാമ്പെയിൻ: ജൂലൈ 20 ന് ഫെസ്റ്റിവൽ സിറ്റി മാളിൽ 3,000 സൗജന്യ ഐസ്ക്രീമുകൾ വിതരണം ചെയ്യും

ഗുരുതര കാരണങ്ങള്‍ നിരത്തി സൂപ്പര്‍വൈസറുടെ അനുമതിയോടെ അവധി അടുത്ത വര്‍ഷത്തേക്ക് മാറ്റിവയ്ക്കാം. സൈനിക ഉദ്യോഗസ്ഥര്‍ ഒഴികെ, വിവാഹ അവധി സമയത്ത് ജീവനക്കാരെ തിരിച്ചുവിളിക്കാനാവില്ല. തിരിച്ചുവിളിക്കപ്പെട്ടാല്‍, ബാക്കിയുള്ള അവധി പിന്നീട് ലഭിക്കും.

Dubai’s ruler announces 10-day fully paid leave for all government employees to promote work-life balance and family time. The initiative reflects a strong commitment to employee welfare in the public sector.