പുത്തന്‍ചിറ: വെള്ളാങ്കല്ലൂര്‍ പ്രാഥമികാരോഗ്യ കേന്ദ്രത്തിലെ ഓണാഘോഷം സി.പി.എം പ്രവര്‍ത്തകരുടേയും രോഗികളുടേയും പ്രതിഷേധത്തെ തുടര്‍ന്ന് നിര്‍ത്തിവച്ചു. ഇന്ന് രാവിലെയാണ് ആരോഗ്യ കേന്ദ്രത്തിലെ ജീവനക്കാരും ആശാവര്‍ക്കര്‍മാരും ചേര്‍ന്ന് ഓണാഘോഷം സംഘടിപ്പിച്ചത്. ഓണാഘോഷത്തിന് വേണ്ടി പാലിയേറ്റീവ് കെയര്‍ രോഗികളുടെ സന്ദര്‍ശനം അടക്കമുള്ളവ മാറ്റിവച്ചിരുന്നു. ഇതേ തുടര്‍ന്ന് ആശുപത്രിയിലെത്തിയ രോഗികള്‍ ദുരിതത്തിലായി. പ്രതിഷേധത്തെ തുടര്‍ന്ന് ഓണാഘോഷം നിര്‍ത്തിവക്കുകയായിരുന്നു. പ്രവൃത്തി സമയത്ത് ഓണാഘോഷം സംഘടിപ്പിച്ചത് സംബന്ധിച്ച് എം.എല്‍.എക്ക് പരാതി നല്‍കുമെന്ന് സി.പി.ഐ ലോക്കല്‍ സെക്രട്ടറി സുരേഷ് പണിക്കശേരി പറഞ്ഞു. രഞ്ജിത്ത് വല്ലത്ത്, എ.എ ഷിഹാബുദ്ദീന്‍, പ്രൊഫ.മുരളീധരന്‍ തുടങ്ങിയവര്‍ പ്രതിഷേധത്തിന് നേതൃത്വം നല്‍കി.