മനാമ: ലഹരിക്കടിമയായ രോഗിക്ക് മയക്കുമരുന്ന് നല്‍കിയ യുവതിക്ക് തടവുശിക്ഷ വിധിച്ച് ബഹ്‌റൈന്‍ കോടതി. സ്വകാര്യ ആശുപത്രിയിലെ പുരുഷ സൈക്യാട്രിക് നഴ്‌സിനാണ് കോടതി 3 വര്‍ഷത്തെ തടവ് വിധിച്ചത്. ഇതിനു പുറമേ ഇയാള്‍ 1,000 ദിര്‍ഹം പിഴ അടയ്ക്കുകയും ചെയ്യണം. 

ALSO READ: സോഷ്യല്‍ മീഡിയയിലൂടെ മറ്റൊരു സ്ത്രീയെ അപമാനിച്ചു; യുവതിക്ക് 30,000 ദിര്‍ഹം പിഴ ചുമത്തി കോടതി

39കാരനായ നഴ്‌സ് ആശുപത്രിയില്‍ വെച്ച് രോഗിക്ക് മയക്കുമരുന്ന് നല്‍കിയിരുന്നു. രോഗി ആശുപത്രി വിട്ടപ്പോള്‍ ഇയാളുടെ വീട്ടിലെത്തിയും നഴ്‌സ് ലഹരി കൈമാറുകയായിരുന്നു. 

രോഗിയുടെ വീട്ടിലെ കാറില്‍ നിന്ന് പുകയും അസഹനീയമായ മണവും ഉയര്‍ന്നതോടെ മകന് സംശയം തോന്നിയതിനെ തുടര്‍ന്നാണ് സംഭവം പുറത്തുവന്നത്. തുടര്‍ന്ന്, പ്രതി വീട്ടിലെത്തി ലഹരി കൈമാറുന്നത് മകന്‍ നേരിട്ട് കണ്ടെത്തി. ഇതിനെ തുടര്‍ന്ന് മകന്‍ ആശുപത്രിയില്‍ പരാതി നല്‍കുകയായിരുന്നു.

ആശുപത്രി അധികൃതര്‍ വിവരം പൊലിസിനെ അറിയിച്ചു. പൊലിസിന്റെ ചോദ്യം ചെയ്യലില്‍ പ്രതി കുറ്റം സമ്മതിച്ചു. ലഹരി ആസക്തിയുള്ള രോഗികളെ കണ്ടെത്തി ഉയര്‍ന്ന വിലയ്ക്ക് മയക്കുമരുന്ന് വിതരണം ചെയ്യുന്നത് പ്രതിയുടെ സ്ഥിരം രീതിയാണെന്ന് അന്വേഷണത്തില്‍ വ്യക്തമായി.

ALSO READ: കാര്‍ഡോ മൊബൈലോ വേണ്ട, കൈ സ്‌കാന്‍ ചെയ്തും പെയ്‌മെന്റ് ചെയ്യാം; ബഹ്‌റൈനില്‍ വരുന്നത് ചൈനയില്‍ വിജയിച്ച'പാം സ്‌കാന്‍ പെയ്‌മെന്റ്' സംവിധാനം

നേരത്തെ സ്വന്തം ഉപയോഗത്തിനായി മയക്കുമരുന്ന് കൈവശം വച്ചതിന് പ്രതിക്കെതിരെ കേസ് രജിസ്റ്റര്‍ ചെയ്തിരുന്നു. രോഗിയുടെ ആരോഗ്യം പരിഗണിക്കാതെ ലഹരി ഉപയോഗത്തിന് പ്രേരിപ്പിച്ചതടക്കം കണക്കിലെടുത്താണ് കോടതി തടവുശിക്ഷ വിധിച്ചത്.

A court in Bahrain has sentenced a nurse to prison for illegally selling medication to a drug-addicted patient at high prices. The case sheds light on growing concerns over drug abuse and medical ethics violations.