അബൂദബി: സോഷ്യല്‍ മീഡിയയിലൂടെ മറ്റൊരു സ്ത്രീയെ അപമാനിച്ച കേസില്‍ പ്രതിയായ യുവതിക്ക് അബൂദബി ഫാമിലി, സിവില്‍, അഡ്മിനിസ്‌ട്രേറ്റീവ് ക്ലെയിംസ് കോടതി 30,000 ദിര്‍ഹം പിഴ ചുമത്തി. നഷ്ടപരിഹാരത്തിനു പുറമേ പരാതിക്കാരിയുടെ എല്ലാ നിയമച്ചെലവുകളും വഹിക്കാനും കോടതി ഉത്തരവിട്ടു. എമറാത്ത് അല്‍ യൂം റിപ്പോര്‍ട്ട് പ്രകാരം, സോഷ്യല്‍ മീഡിയയിലെ പ്രതിയുടെ പ്രവൃത്തികള്‍ വൈകാരികവും മാനസികവുമായ ആഘാതം ഉണ്ടാക്കിയതായി കോടതി വിലയിരുത്തി.

ALSO READ: നിമിഷപ്രിയ മാത്രമല്ല, കഴുമരംകാത്ത് വിദേശജയിലുകളില്‍ കഴിയുന്നത് 49 ഇന്ത്യക്കാര്‍; കൂടുതലും യുഎഇയില്‍

പ്രതിയായ യുവതി തന്റെ ഫോട്ടോകളില്‍ അധിക്ഷേപകരമായ അഭിപ്രായങ്ങള്‍ പോസ്റ്റ് ചെയ്യുകയും സോഷ്യല്‍ നെറ്റ്‌വര്‍ക്കിംഗ് ആപ്പ് വഴി സ്വകാര്യ സന്ദേശങ്ങളിലൂടെ അപമാനിക്കുകയും ചെയ്തുവെന്ന് ആരോപിച്ച് പരാതിക്കാരി സിവില്‍ കേസ് ഫയല്‍ ചെയ്തതോടെയാണ് കേസ് ആരംഭിച്ചത്. സംഭവത്തെ തുടര്‍ന്ന് പ്രതിക്കെതിരെ ഒരു ക്രിമിനല്‍ കേസ് രജിസ്റ്റര്‍ ചെയ്തിരുന്നു. 

പ്രതിയുടെ പ്രവൃത്തികള്‍ തനിക്ക് വൈകാരികവും മാനസികവുമായ ക്ലേശം ഉണ്ടാക്കിയതായി പരാതിക്കാരി വാദിച്ചു. ഇക്കാരണത്താല്‍, ധാര്‍മികവും ഭൗതികവുമായ നഷ്ടങ്ങള്‍ക്കായി 150,000 ദിര്‍ഹം നഷ്ടപരിഹാരവും കോടതി ചെലവുകളും അഭിഭാഷക ഫീസും നല്‍കണമെന്ന് അവര്‍ ആവശ്യപ്പെട്ടു.

വിധിന്യായത്തില്‍, തെളിവുകള്‍ വിലയിരുത്തി തെറ്റായ പ്രവൃത്തി നടന്നതായി കോടതി സ്ഥിരീകരിച്ചു. പ്രതി ഇലക്ട്രോണിക് ആശയവിനിമയത്തിനിടെ മോശം ഭാഷ ഉപയോഗിച്ചന്നെ് തെളിഞ്ഞതായി എമറാത്ത് അല്‍ യൂം റിപ്പോര്‍ട്ട് ചെയ്തു. 

ALSO READ: തിരക്കേറിയ ദുബൈ ഹെല്‍ത് കെയര്‍ സിറ്റിയിലെ നവീകരണം: ഗതാഗത കുരുക്ക് പകുതി കുറയും

പരാതിക്കാരിയുടെ വൈകാരിക ക്ലേശം കണക്കിലെടുത്ത്, കോടതി 30,000 ദിര്‍ഹം  നഷ്ടപരിഹാരമായി വിധിച്ചു. എന്നാല്‍, സാമ്പത്തിക നഷ്ടത്തിന് മതിയായ തെളിവുകള്‍ ഹാജരാക്കുന്നതില്‍ പരാതിക്കാരി പരാജയപ്പെട്ടതിനാല്‍ ഭൗതിക നഷ്ടപരിഹാരത്തിനുള്ള അവകാശവാദം കോടതി തള്ളുകയായിരുന്നു.

A woman in the UAE has been fined Dh30,000 for using offensive language and insulting another woman on social media. The case highlights the country’s strict cybercrime and defamation laws.