വെസ്റ്റ് ഇൻഡീസിനെതിരായ അഞ്ചു ടി-20 മത്സരങ്ങളുടെ പരമ്പരയിലെ ആദ്യ മത്സരത്തിൽ ഓസ്‌ട്രേലിയക്ക് മൂന്ന് വിക്കറ്റിന്റെ ആവേശകരമായ വിജയം. സബീന പാർക്കിൽ നടന്ന മത്സരത്തിൽ ആദ്യം ബാറ്റ് ചെയ്ത 20 ഓവറിൽ എട്ട് വിക്കറ്റ് നഷ്ടത്തിൽ 189 റൺസാണ് നേടിയത്. വിജയലക്ഷ്യം പിന്തുടർന്നിറങ്ങിയ ഓസ്ട്രേലിയ 18.5 ഓവറിൽ ഏഴ് വിക്കറ്റ് നഷ്ടത്തിൽ ലക്ഷ്യം മറികടക്കുകയായിരുന്നു. 

കാമറൂൺ ഗ്രീനിന്റെയും അരങ്ങേറ്റ മത്സരം കളിക്കാനിറങ്ങിയ മൈക്കൽ ഓവന്റെ അർദ്ധ സെഞ്ച്വറി കരുത്തിലാണ് കങ്കാരുപ്പട വിജയം സ്വന്തമാക്കിയത്. 26 പന്തിൽ 51 റൺസ് നേടിയാണ് ഗ്രീൻ തിളങ്ങിയത്. രണ്ട് ഫോറുകളും അഞ്ചു സിക്സുകളും അടങ്ങുന്നതാണ് താരത്തിന്റെ ഇന്നിംഗ്സ്. മൈക്കൽ ഓവൻ 27 പന്തിൽ 50 റൺസും നേടി. ആറ് കൂറ്റൻ സിക്സുകളാണ് താരത്തിന്റെ ബാറ്റിൽ നിന്നും പിറന്നത്. ഇതോടെ അരങ്ങേറ്റ മത്സരത്തിൽ ഓസ്‌ട്രേലിയക്കായി 50+ റൺസ് നേടുന്ന മൂന്നാമത്തെ താരമായി മാറാനും ഓവന് സാധിച്ചു.

ഡേവിഡ് വാർണർ, റിക്കി പോണ്ടിങ് എന്നിവർക്ക് ശേഷമാണ് ഓവൻ ഈ നേട്ടം കൈവരിക്കുന്നത്. വാർണർ തന്റെ ആദ്യ മത്സരം 2009ലാണ് കളിക്കുന്നത്. സൗത്ത് ആഫ്രിക്കക്കെതിരെയുള്ള തന്റെ ആദ്യ മത്സരത്തിൽ 43 പന്തിൽ 89 റൺസാണ് വാർണർ നേടിയത്. റിക്കി പോണ്ടിങ് ഓസീസിനൊപ്പമുള്ള തന്റെ ആദ്യ ടി-20 മത്സരത്തിൽ 55 പന്തിൽ പുറത്താവാതെ 98 റൺസായിരുന്നു നേടിയിരുന്നത്. 2005ൽ ന്യൂസിലാൻഡിനെതിരെയായിരുന്നു പോണ്ടിങ് ടി-20യിൽ അരങ്ങേറ്റം കുറിച്ചത്. 

നിലവിൽ പരമ്പരയിൽ 1-0ത്തിനു മുന്നിലാണ് ഓസ്ട്രേലിയ. ജൂലൈ 23നാണ് പരമ്പരയിലെ രണ്ടാം മത്സരം നടക്കുന്നത്. 

Michael Owen made history on his debut in T20 cricket for Australia. He scored 50 runs off 27 balls against the West Indies. The star hit six huge sixes off his bat. With this, Owen also became the third player to score 50+ runs on debut for Australia, after David Warner and Ricky Ponting.