തൊടുപുഴ: മുൻ വൈദ്യുതി മന്ത്രി എം.എം മണിയുടെ പഴ്‌സണൽ സ്റ്റാഫ് കെ.എസ്.ഇ.ബി ഐ.ബിയിൽ വർഷങ്ങളോളം അനധികൃതമായി താമസിച്ചതുമായി ബന്ധപ്പെട്ട് ഓഡിറ്റ് ഓഫിസർ നിർദേശിച്ച പിഴത്തുക വെട്ടിക്കുറച്ച് ബോർഡ്. സി.ഐ.ടി.യു സംഘടനയായ കെ.എസ്.ഇ.ബി വർക്കേഴ്‌സ് അസോസിയേഷന്റെ സമ്മർദത്താലാണ് പിഴത്തുക 95,840 രൂപയായി വെട്ടിക്കുറച്ചത്. 

അനധികൃത താമസം കണ്ടെത്തിയ കെ.എസ്.ഇ.ബി വിജിലൻസിന്റെ റിപ്പോർട്ട് പ്രകാരം കൺകറന്റ് ഓഡിറ്റർ പരിശോധന നടത്തി.  ഈ റിപ്പോർട്ടിന്റെ അിസ്ഥാനത്തിൽ പലിശയടക്കം 3,96,510 രൂപ തിരിച്ചുപിടിക്കാനാണ് വൈദ്യുതി ബോർഡ് ചീഫ് ഇന്റേണൽ ഓഡിറ്റർ ശുപാർശ ചെയ്തത്. വൈദ്യുതി ബോർഡിന് ലഭിക്കേണ്ട മൂന്നുലക്ഷത്തിലധികം പിഴത്തുക ഇളവ് ചെയ്തത് ചട്ടലംഘനമെന്നാണ് വിലയിരുത്തൽ. 

ALSO READ: എല്ലാം കയ്യടക്കുന്നെന്ന് പ്രചാരണം; കേരളത്തിൽ മുസ്‌ലിംകൾ സർവമേഖലകളിലും മറ്റുള്ളവരെക്കാൾ പിന്നിൽ, ഞെട്ടിക്കുന്ന കണക്കുകൾ പുറത്തുവിട്ട് പുതിയ സർവേ

ചിത്തിരപുരം കെ.എസ്.ഇ.ബി ഇൻസ്‌പെക്ഷൻ ബംഗ്ലാവിലെ മൂന്നാം നമ്പർ മുറി വാടക അടയ്ക്കാതെ എം.എം മണിയുടെ മുൻ പഴ്‌സണൽ സ്റ്റാഫ് അംഗവും ഗൺമാനും താമസിച്ചത് 2,435 ദിവസമാണ്. എം.എം മണി മന്ത്രിയായിരുന്ന കാലത്തെ 1,237 ദിവസവും എം.എൽ.എ ആയിരുന്ന 1,198 ദിവസവുമാണ് അനധികൃതമായി താമസിച്ചത്. 

തിരുവനന്തപുരം വൈദുതി ഭവനത്തിലെ ഐ.ബി ബുക്കിങ് സെക്ഷനിൽ നിന്നുള്ള വാക്കാൽ / ടെലിഫോൺ നിർദേശപ്രകാരം ചിത്തിരപുരം ഐ.ബിയുടെ കെയർ ടേക്കർ, 26.11.2016 മുതൽ 25.12.2017 വരെ റൂം നമ്പർ 3 അനുവദിച്ചിരുന്നു. ഇക്കാലയളവിലെ വാടക ഓരോദിവസത്തേക്കും 30 രൂപ നിരക്കിൽ ഈടാക്കി ബോർഡ് അക്കൗണ്ടിൽ അടച്ചിട്ടുണ്ട്. 

തുടർന്നുള്ള ആറര വർഷക്കാലമാണ് അനധികൃത താമസം. മന്ത്രിയുടെ സ്റ്റാഫെന്ന പരിഗണന നൽകി 30 രൂപ വീതം ആദ്യത്തെ 1,237 ദിവസത്തെ വാടകയായി 37,110 രൂപ, എം.എൽ.എയായ കാലഘട്ടത്തിൽ 1,198 ദിവസം 300 രൂപ നിരക്കിൽ 3,59,400 രൂപ, ഇതിന്റെ പലിശ എന്നിവ  ഈടാക്കാനായിരുന്നു ശുപാർശ. ഇതാണ് സി.ഐ.ടി.യു സമ്മർദത്താൽ വെട്ടിക്കുറച്ചത്.

The Kerala State Electricity Board (KSEB) has reduced the penalty amount recommended by the audit officer in connection with the illegal stay of former Electricity Minister M.M. Mani’s personal staff in KSEB’s Inspection Bungalow (IB) for several years. The penalty was reportedly reduced to ₹95,840 under pressure from the CITU-affiliated KSEB Workers Association.