ആളുകളെ വാക്കുകൾകൊണ്ട് അധിക്ഷേപിക്കുന്നതും അശ്ലീല പദങ്ങൾ ഉപയോഗിച്ച് ചീത്ത വിളിക്കുന്നതുമൊക്കെ ഇന്നത്തെ കാലത്ത് വളരെ സാധാരണമായ ഒരു പ്രവണതയായി മാറിയിരിക്കുന്നു. പലർക്കും അതിൽ ഒരു പ്രശ്നവുമില്ല എന്ന ഭാവമാണ്. രസത്തിനും,വിവിധ സാഹചര്യങ്ങളിലും ഇവ ഉപയോഗിക്കുന്നത് ചിലർക്ക് ഒരു അഭിമാനവുമാണ്.

ഇത്തരം ഭാഷാ ഉപയോഗത്തിൽ ഇന്ത്യയിൽ ഏറ്റവും മുൻപന്തിയിൽ നിൽക്കുന്ന നഗരമായി ഡൽഹിയെയാണ് പുതിയൊരു സർവേ തിരഞ്ഞെടുത്തിരിക്കുന്നത്. 'ഗാലി ബന്ദ് ഘർ അഭിയാൻ' എന്ന പേരിലുള്ള ക്യാമ്പയിനിന്റെ ഭാഗമായി സാമൂഹ്യ പ്രവർത്തകനും പ്രൊഫസറുമായ സുനിൽ ജഗ്‌ലാൻ നേതൃത്വം നൽകിയ പഠനത്തിലാണ് ഈ കണ്ടെത്തൽ.

പഠനത്തിൽ പറയുന്നതുപോലെ, ഡൽഹിയിലാണ് ഏറ്റവും കൂടുതൽ ആളുകൾ തെറി വിളിക്കുന്നതും വാക്കുകളിലൂടെ മറ്റുള്ളവരെ അധിക്ഷേപിക്കുന്നതും. ഓട്ടോ തൊഴിലാളികൾ മുതൽ വിദ്യാർത്ഥികൾ വരെ, പ്രായമായ സ്ത്രീകൾ മുതൽ ശുചീകരണ ജോലിക്കാർ വരെ — ഗ്രാമ-നഗരങ്ങളിലായി 70,000-ത്തിലധികം പേർ പങ്കെടുത്ത സർവേയിലൂടെയാണ് ഈ വിവരങ്ങൾ പുറത്തുവന്നത്.

കുടുംബങ്ങളിലടക്കം ഏതൊക്കെ തലത്തിൽ അശ്ലീലവും അധിക്ഷേപജനകവുമായ വാക്കുകൾ ഉപയോഗിക്കപ്പെടുന്നു എന്നതിലേക്കാണ് ഈ പഠനം വെളിച്ചം വീശുന്നത്.

പഠനം ഇങ്ങനെയാണ് പറയുന്നത്:

ഡൽഹി – 80%

പഞ്ചാബ് – 78%

ഉത്തർ പ്രദേശ് – 74%

ബിഹാർ – 74%

രാജസ്ഥാൻ – 68%

ഹരിയാന – 62%

മഹാരാഷ്ട്ര – 58%

ഗുജറാത്ത് – 55%

മധ്യപ്രദേശ് – 48%

ഉത്തരാഖണ്ഡ് – 45%

പുരുഷന്മാർ മാത്രമല്ല, സ്ത്രീകളും ഈ അധിക്ഷേപഭാഷയുടെ പങ്കാളികളാണ്. പഠനത്തിലെ കണ്ടെത്തൽ പ്രകാരം 30% സ്ത്രീകൾ പതിവായി തെറിയും അശ്ലീല പദങ്ങളും ഉപയോഗിക്കുന്നു.

അതേസമയം, Gen Z എന്ന പുതുതലമുറയുടെ 20% പേര്‌ ഇത്തരം ഭാഷാ ഉപയോഗത്തിനായി OTT പ്ലാറ്റ്ഫോമുകൾ, വീഡിയോ ഗെയിമുകൾ, സോഷ്യൽ മീഡിയ തുടങ്ങിയവയെ പ്രഭാധാന കാരണമായി കുറ്റപ്പെടുത്തുന്നു.

അശ്ലീല പദങ്ങൾ ഒരു കായിക മത്സരം ആണെങ്കിൽ ഡൽഹി സ്വർണമെഡൽ നേടുമെന്നത് ഒരു വലിയ സത്യമാണ് ഈ സർവേ പറയുന്നത്. ഭാഷയുടെ ഗൗരവം കണക്കാക്കാതെ അതിനെ അപമാനത്തിന്റെ ആയുധമാക്കി മാറ്റുന്ന ഈ പ്രവണത സമൂഹത്തിന്റെ വളർച്ചയ്‌ക്കു തന്നെ വെല്ലുവിളിയാകുന്നു.

A recent survey conducted under the “Gaali Bandh Ghar Abhiyan” campaign has revealed that Delhi tops the list of cities in India where people most frequently use obscene and abusive language. Led by activist and professor Sunil Jaglan, the study surveyed over 70,000 people across urban and rural areas. Shockingly, 80% of respondents from Delhi admitted to frequently using abusive words, followed by Punjab (78%), Uttar Pradesh and Bihar (74%). The study also highlighted that 30% of women and 20% of Gen Z youth regularly use offensive language, often influenced by OTT content, video games, and social media.