മാഞ്ചസ്റ്റര്‍: ഇന്ത്യൻ വിക്കറ്റ് കീപ്പര്‍ റിഷഭ് പന്ത് ഇംഗ്ലണ്ട് മണ്ണിൽ പുതു ചരിത്രം കുറിച്ചിരിക്കുന്നു. ഇംഗ്ലണ്ടില്‍ മാത്രം 1000 റണ്‍സ് പൂര്‍ത്തിയാക്കിയ ആദ്യ വിദേശ വിക്കറ്റ് കീപ്പര്‍ ബാറ്റര്‍ എന്ന നേട്ടമാണ് ഇപ്പോൾ പന്തിന് മാത്രം സ്വന്തമായത്. മാഞ്ചസ്റ്ററില്‍ നടന്ന ടെസ്റ്റിന്റെ ആദ്യ ഇന്നിംഗ്‌സില്‍ 26 റണ്‍സ് നേടിയപ്പോഴാണ് ഈ റെക്കോർഡ് പന്തിന് സ്വന്തമായത്. ഇതിന് 24 ഇന്നിംഗ്‌സുകള്‍ മാത്രമാണ് അദ്ദേഹം ഉപയോഗിച്ചത്.എന്നാൽ 48 പന്തിൽ 37 റൺസ് എടുത്തു നിൽക്കുമ്പോൾ വോക്സിൻ്റേ ഓവറിൽ റിവേഴ്സ് സ്വീപ്പിന് ശ്രമിച്ച ബോൾ കോണ്ട് പന്തിൻ്റേ വലതു കാൽ പാദത്തിന്  പരിക്ക് പറ്റിയതിനെ തുടർന്ന് പന്ത് റിട്ടേർട്ട് ഹർട്ടായി പവലിയനിലേക്ക് മടങ്ങിയത് ഇന്ത്യൻ ഡ​ഗൗട്ടിൽ വലിയ ആശങ്ക സൃഷ്ടിച്ചിരിക്കുകയാണ്.

ഇംഗ്ലണ്ടില്‍ 1000 റണ്‍സ് നേടുന്ന ആറാമത്തെ ഇന്ത്യന്‍ താരവുമാണ് പന്ത്. ഇന്നു ത ന്നെയാണ് കെ.എല്‍ രാഹുലും ഈ നേട്ടം സ്വന്തമാക്കിയത്. രാഹുലിന് ഇത് നേടാൻ ആവശ്യമായത് 25 ഇന്നിംഗ്‌സാണ്.

ഇംഗ്ലണ്ടില്‍ ഏറ്റവും കൂടുതല്‍ റണ്‍സ് നേടിയ ഇന്ത്യൻ താരം സച്ചിന്‍ ടെന്‍ഡുല്‍ക്കറാണ് – 30 ഇന്നിംഗ്സിൽ 1575 റണ്‍സ്. രാഹുല്‍ ദ്രാവിഡ് (23 ഇന്നിംഗ്സിൽ 1367), സുനില്‍ ഗവാസ്‌കര്‍ (28 ഇന്നിംഗ്സിൽ 1152), വിരാട് കോലി (33 ഇന്നിംഗ്സിൽ 1096) എന്നീ താരങ്ങൾക്കാണ് പന്ത് പിന്നാലെ എത്തുന്നത്. രവീന്ദ്ര ജഡേജയ്ക്ക് നിലവിൽ 969 റണ്‍സാണ് ഇംഗ്ലണ്ടിൽ ഉള്ളത് – അടുത്ത മത്സരത്തിൽ ജഡേജയും ഈ 1000 ക്ലബ്ബിൽ എത്താൻ സാധ്യതയുണ്ട്.

മാറ്റങ്ങളോടെ ഇരു ടീമുകളും നാലാം ടെസ്റ്റിൽ:

ലോർഡ്സിൽ നടന്ന മൂന്നാം ടെസ്റ്റിനുശേഷം, നാലാം ടെസ്റ്റിൽ ഇംഗ്ലണ്ട് ഒരു മാറ്റം വരുത്തി. പരിക്കേറ്റ ഷോയിബ് ബഷീറിന് പകരം ലിയാം ഡോസൺ ടീമിൽ എത്തിയപ്പോള്‍, ഇന്ത്യയിൽ മൂന്ന് മാറ്റങ്ങളാണ്. കരുണ്‍ നായരിന് പകരം സായ് സുദര്‍ശന്‍, നിതീഷ് കുമാര്‍ റെഡ്ഡിക്ക് പകരം ഷാര്‍ദ്ദുല്‍ താക്കൂര്‍, ആകാശ് ദീപിന് പകരം അന്‍ഷുല്‍ കാംബോജ് എന്നിവരാണ് ഇന്ത്യയുടെ പ്ലേയിംഗ് ഇലവനിലെത്തിയത്.

Rishabh Pant's new adventure on English soil took a worrying turn as the Indian wicketkeeper-batter, who recently created history by scoring 1000+ runs in England, suffered an injury during the fourth Test. The incident caused concern in the Indian dugout, although initial reports suggest the injury is not serious. Pant is currently being monitored by the medical team.