ദുബൈ: യു.എ.ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂം ഇന്നലെ തിരക്കേറിയ ദേര മാര്‍ക്കറ്റില്‍ സന്ദര്‍ശനം നടത്തി. ജനങ്ങളുമായുള്ള അദ്ദേഹത്തിന്റെ നേരിട്ടുള്ള ഇടപെടല്‍ സൂചിപ്പിക്കുന്നതായിരുന്നു ഈ സന്ദര്‍ശനം. അല്‍ ഹംരിയ തുറമുഖത്തേക്ക് ഷെയ്ഖ് മുഹമ്മദ് സഞ്ചരിക്കുമ്പോള്‍, അദ്ദേഹത്തെ കാണാന്‍ പലരും കടകളില്‍ നിന്ന് ഇറങ്ങി നടപ്പാതകളില്‍ കാത്തുനിന്നു.

UAE VP, PM, Ruler of Dubai HH Sheikh Mohammed bin Rashid in public in Deira Souk market (old Dubai)

No guards

No road closures

No entourages or protocols

This is Dubai 🇦🇪✨🙏🏼pic.twitter.com/rgecuaRFeD

— حسن سجواني 🇦🇪 Hassan Sajwani (@HSajwanization) July 22, 2025

മീന അല്‍ ഹംരിയയിലെ ഡി.പി വേള്‍ഡ് കാര്യാലയവും അദ്ദേഹം സന്ദര്‍ശിച്ചു. അവിടത്തെ പ്രധാന വികസന പദ്ധതിക്ക് അംഗീകാരം നല്‍കിയ വേളയിലെ ഈ സന്ദര്‍ശനം ശ്രദ്ധേയമായി. 700 മീറ്റര്‍ വലുപ്പമുള്ള തുറമുഖ നിര്‍മാണമാണ് നടക്കുന്നത്. വലിയ കപ്പലുകളെ ഉള്‍ക്കൊള്ളാനും ചരക്ക് കൈകാര്യം ചെയ്യാനുള്ള ശേഷി വികസിപ്പിക്കാനും രൂപകല്‍പന ചെയ്തതാണിത്. 1,150 മീറ്റര്‍ കടല്‍ഭിത്തി കൂട്ടിച്ചേര്‍ക്കുകയും ബെര്‍ത്തിങ് ശേഷി ഗണ്യമായി വര്‍ധിപ്പിക്കുകയും ചെയ്ത തുറമുഖത്തിന്റെ 2024ലെ വിപുലീകരണത്തെ അടിസ്ഥാനമാക്കിയാണ് പുതിയ നിര്‍മാണം.

മാള്‍ ഓഫ് ദി എമിറേറ്റ്‌സിലും ശൈഖ് മുഹമ്മദ് സന്ദര്‍ശനം നടത്തി. അതേദിവസം തന്നെയായിരുന്നു കുതിച്ചുയരുന്ന താപനിലയില്‍ അസ്വസ്ഥനാകാതെ തിരക്കേറിയ ദേര മാര്‍ക്കറ്റിലും അദ്ദേഹമെത്തിയത്. ദുബൈ മെട്രോയില്‍ സഞ്ചരിച്ചായിരുന്നു അവിടെ എത്തിയത്. മെട്രോ സ്റ്റേഷനില്‍ നിന്നിറങ്ങി അദ്ദേഹം മാളിലേക്ക് നടന്നു. ശൈഖ് മുഹമ്മദിനെ കാണാനും വിഡിയോകള്‍ റെക്കോര്‍ഡ് ചെയ്യാനും ജനം ചുറ്റും കൂടി.

കുട്ടികളോടൊപ്പം സ്‌നേഹത്തോടെ അദ്ദേഹം ഫോട്ടോകള്‍ എടുക്കുകയും കാരുണ്യപൂര്‍വം അവരുടെ ശിരസ്സുകളില്‍ സൗമ്യമായി തലോടുകയും ചെയ്തു. ലോക നേതാക്കളില്‍ ഭൂരിഭാഗവും കനത്ത സുരക്ഷാ സംഘമില്ലാതെ പുറത്തിറങ്ങുന്നത് അപൂര്‍വമാണെങ്കിലും യു.എ.ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന്‍ റാഷിദ് അല്‍ മക്തൂം ജനങ്ങള്‍ക്കിടയില്‍ സ്വതന്ത്രമായി നടക്കുന്നത് ജനമനസില്‍ അദ്ദേഹത്തിനുള്ള സ്ഥാനവും സ്‌നേഹ ബഹുമാനങ്ങളും തന്നെയാണെന്ന കാര്യത്തില്‍ സംശയമില്ല.

In a city known for its towering skylines and global ambition, it's the quiet humility of its leader that often leaves the deepest impression. Sheikh Mohammed bin Rashid Al Maktoum, Vice-President and Prime Minister of the UAE and Ruler of Dubai, is known not just for his visionary leadership, but for his genuine connection with people.