മസ്‌കത്ത്: മസ്‌കത്തില്‍നിന്ന് മുംബൈയിലേക്കുള്ള യാത്രക്കിടെ ആകാശത്തുവച്ച് എയര്‍ ഇന്ത്യ എക്‌സ്പ്രസ് വിമാനത്തില്‍ തായ് യുവതിക്ക് സുഖ പ്രസവം. മുംബൈയിലെ ഛത്രപതി ശിവാജി മഹാരാജ് അന്താരാഷ്ട്ര വിമാനത്താവളത്തിലേക്കുള്ള യാത്രാമധ്യേ എയര്‍ ഇന്ത്യ എക്‌സ്പ്രസിന്റെ IX 442ല്‍ വിമാനത്തില്‍വച്ചാണ് തായ് യുവതി കുഞ്ഞിന് ജന്മംനല്‍കിയത്.

യുവതിക്ക് യാത്രക്കിടെ അപ്രതീക്ഷിതമായി പ്രസവവേദന അനുഭവപ്പെട്ടതോടെ എയര്‍ലൈനിന്റെ പരിശീലനം ലഭിച്ച ക്യാബിന്‍ ക്രൂവും യാത്രക്കാരുടെ കൂട്ടത്തിലുണ്ടായിരുന്ന നഴ്‌സും അവരെ സഹായിക്കുകയായിരുന്നു. പൈലറ്റുമാര്‍ ഉടന്‍ തന്നെ എയര്‍ ടാക്‌സി കണ്‍ട്രോളിനെ വിവരം അറിയിച്ചു. അഭ്യര്‍ഥനയെത്തുടര്‍ന്ന് മുംബൈയില്‍ മുന്‍ഗണനാ ലാന്‍ഡിങ്ങും വിമാനത്തിന് ലഭിച്ചു. വിമാനം ഇറങ്ങുമ്പോഴേക്കും അടിയന്തര മെഡിക്കല്‍ സംഘങ്ങളെയും ആംബുലന്‍നിനെയും സജ്ജമാക്കി നിര്‍ത്തിയിരുന്നു. വിമാനം ലാന്‍ഡ് ചെയ്ത ഉടന്‍ അമ്മയെയും കുഞ്ഞിനെയും അടുത്തുള്ള ആശുപത്രിയിലേക്ക് മാറ്റി. കൂടുതല്‍ പിന്തുണ നല്‍കാന്‍ ഒരു എയര്‍ ഇന്ത്യ എക്‌സ്പ്രസ് സ്റ്റാഫ് അംഗവും അവരെ അനുഗമിച്ചു. അമ്മയുടെയും കുഞ്ഞിന്റെയും പേരുകള്‍ അവരുടെ സ്വകാര്യത സംരക്ഷിക്കുന്നതിനായി വെളിപ്പെടുത്തിയിട്ടില്ലെങ്കിലും, ഇരുവരുടെയും നില തൃപ്തികരമാണെന്ന് എയര്‍ലൈന്‍ സ്ഥിരീകരിച്ചു. രണ്ടുപേരെയും നാട്ടിലേക്ക് എത്തിക്കാന്‍ മുംബൈയിലെ തായ് കോണ്‍സുലേറ്റ് ജനറലുമായി ബന്ധപ്പെട്ടിട്ടുണ്ടെന്നും എയര്‍ ഇന്ത്യ എക്‌സ്പ്രസ് പ്രസ്താവനയില്‍ അറിയിച്ചു.

ALSO READ: ഒമാനിലെ 90 ശതമാനം പേര്‍ക്കും രാത്രി ഒറ്റയ്ക്ക് നടക്കാന്‍ പേടിയില്ല; പുതിയ റിപ്പോര്‍ട്ട് പുറത്ത്

In a remarkable turn of events on board Flight IX 442, a passenger went into unexpected labour while en route to Chhatrapati Shivaji Maharaj International Airport. The delivery was expertly handled by the airline’s cabin crew, with the assistance of a nurse travelling as a passenger.