ദോഹ: ഗസ്സയില്‍ ഫലസ്തീനികള്‍ക്കെതിരേ ഭക്ഷണവും പട്ടിണിയും യുദ്ധായുധമായി ഉപയോഗിക്കുന്ന ഇസ്‌റാഈല്‍ രീതി അംഗീകരിക്കാനാകില്ലെന്ന് ഖത്തര്‍. ഗസ്സ മുനമ്പിലേക്ക് അന്താരാഷ്ട്ര മാനുഷിക സംഘടനകള്‍ വിതരണം ചെയ്യുന്ന സുരക്ഷിതവും സുസ്ഥിരവും തടസ്സമില്ലാത്തതുമായ മാനുഷിക സഹായം അനുവദിക്കാന്‍ ഇസ്‌റാഈലിന് മേല്‍ അന്താരാഷ്ട്ര സമൂഹം സമ്മര്‍ദ്ദംചെലുത്തണമെന്നും ഭക്ഷ്യ ഉപയോഗത്തെയും സാധാരണക്കാരുടെ പട്ടിണിയെയും യുദ്ധായുധമായി ഉപയോഗിക്കുന്ന രീതിയെ നിരസിക്കുന്നതായും ഖത്തര്‍ വ്യക്തമാക്കി.

ന്യൂയോര്‍ക്കിലെ യുഎന്‍ ആസ്ഥാനത്ത് നടന്ന പശ്ചിമേഷ്യയിലെ സാഹചര്യം എന്ന വിഷയത്തില്‍ യുഎന്‍ രക്ഷാസമിതിയുടെ ത്രൈമാസ ചര്‍ച്ചയില്‍ പങ്കെടുക്കവെ ഐക്യരാഷ്ട്രസഭയിലെ ഖത്തര്‍ സ്ഥിരം പ്രതിനിധി ഷെയ്ഖ അലിയ അഹമ്മദ് ബിന്‍ സെയ്ഫ് അല്‍ഥാനിയാണ് രാജ്യത്തിന്റെ നിലപാട് പ്രഖ്യാപിച്ചത്.

വ്യാപകമായ ക്ഷാമം, അടിസ്ഥാന സൗകര്യങ്ങളുടെയും ആരോഗ്യസംരക്ഷണ സംവിധാനത്തിന്റെയും തകര്‍ച്ച, രോഗവ്യാപനം, 18,000 കുട്ടികള്‍ ഉള്‍പ്പെടെ 58,000ത്തിലധികം മരണങ്ങള്‍ എന്നിവയ്ക്കിടയില്‍ ഗസ്സയിലെ മാനുഷിക സാഹചര്യം വിവരിക്കാനാവാത്തതാണെന്ന് അവര്‍ ഓര്‍മിപ്പിച്ചു. ആശുപത്രികള്‍, സ്‌കൂളുകള്‍, പാര്‍പ്പിട മേഖലകള്‍ എന്നിവയുള്‍പ്പെടെ സിവിലിയന്‍ അടിസ്ഥാന സൗകര്യങ്ങള്‍ക്ക് നേരെ ഇസ്രായേല്‍ നടത്തുന്ന ആക്രമണങ്ങളെ ഖത്തര്‍ ശക്തമായി അപലപിക്കുന്നു. ഫലസ്തീനികളെ ഏതെങ്കിലും രൂപത്തില്‍ നിര്‍ബന്ധിതമായി കുടിയൊഴിപ്പിക്കുന്നത് അന്താരാഷ്ട്ര മാനുഷിക നിയമത്തിന്റെ നഗ്‌നമായ ലംഘനമാണെന്നും അവര്‍ പറഞ്ഞു.

ഈജിപ്തുമായും അമേരിക്കയുമായും ഏകോപിപ്പിച്ച് ഗസ്സയില്‍ സ്ഥിരമായ വെടിനിര്‍ത്തല്‍ ഏര്‍പ്പെടുത്താന്‍ ഖത്തര്‍ ആത്മാര്‍ത്ഥമായ ശ്രമങ്ങള്‍ നടത്തിയിട്ടുണ്ട്. മുമ്പ് ഉണ്ടാക്കിയ കരാറുകളിലൂടെ മുന്‍കാല നയതന്ത്ര ശ്രമങ്ങള്‍ വ്യക്തമായ ഫലങ്ങള്‍ നല്‍കിയിട്ടുണ്ടെന്നും കക്ഷികള്‍ തമ്മിലുള്ള വിടവ് നികത്തുന്നതിനും അടിയന്തിര കരാര്‍ നേടുന്നതിനും നിലവിലെ മധ്യസ്ഥ ശ്രമങ്ങള്‍ തുടരുകയാണെന്നും അവര്‍ അഭിപ്രായപ്പെട്ടു.

ALSO READ: ഫോര്‍ഡ് എഫ് 150 വാഹനം തിരിച്ചുവിളിച്ച് ഖത്തര്‍ | Qatar Recall Ford F-150

The State of Qatar has reiterated its rejection of the use of food and the starvation of civilians as a weapon of war, calling on the international community to compel Israel to allow the safe, sustained, and unobstructed entry of humanitarian aid into the Gaza Strip, to be distributed by international humanitarian organizations.