ബാർബഡോസ്: വംശനാശം സംഭവിച്ചതായി കരുതിയ ലോകത്തിലെ ഏറ്റവും ചെറിയ പാമ്പായ ബാർബഡോസ് ത്രെഡ്‌സ്നേക്കിനെ (Barbados Threadsnake) 20 വർഷത്തിന് ശേഷം വീണ്ടും കണ്ടെത്തി. പൂർണ വളർച്ചയെത്തുമ്പോൾ വെറും 10 സെന്റിമീറ്റർ നീളവും, ഒരു നൂഡിൽസ് ഇഴയോളം വണ്ണവും മാത്രമുള്ള ഈ കുഞ്ഞൻ പാമ്പിനെ മാർച്ചിൽ ബാർബഡോസ് പരിസ്ഥിതി മന്ത്രാലയവും റിവൈൽഡും ചേർന്ന് നടത്തിയ പാരിസ്ഥിതിക സർവേയിലാണ് മധ്യ ബാർബഡോസിലെ ഒരു പാറക്കടിയിൽ നിന്ന് കണ്ടെത്തിയത്.

വംശനാശ ഭീഷണിയിൽ നിന്നുള്ള തിരിച്ചുവരവ്

2000-ന് ശേഷം ഈ പാമ്പിനെ കണ്ടെത്താൻ ഗവേഷകർക്ക് കഴിഞ്ഞിരുന്നില്ല, ഇതിനാൽ 4,800-ലധികം വംശനാശ ഭീഷണിയിലുള്ള ജീവിവർഗങ്ങളുടെ പട്ടികയിൽ ഇതിനെ ഉൾപ്പെടുത്തിയിരുന്നു. ബാർബഡോസ് പരിസ്ഥിതി മന്ത്രാലയത്തിലെ പ്രോജക്ട് ഓഫീസർ കോണർ ബ്ലേഡ്‌സും, റിവൈൽഡിന്റെ കരീബിയൻ പ്രോഗ്രാം ഓഫീസർ ജസ്റ്റിൻ സ്പ്രിംഗറും ഏകദേശം ഒരു വർഷത്തോളം ഈ അപൂർവ ഉരഗത്തിനായുള്ള അന്വേഷണത്തിലായിരുന്നു. രണ്ട് പതിറ്റാണ്ടുകൾക്ക് ശേഷം ഈ കണ്ടെത്തൽ ജന്തുശാസ്ത്ര ലോകത്തെ അത്ഭുതപ്പെടുത്തിയിരിക്കുകയാണ്.

ബാർബഡോസ് ത്രെഡ്‌സ്നേക്കിന്റെ പ്രത്യേകതകൾ

1889-ൽ ആദ്യമായി രേഖപ്പെടുത്തിയ ബാർബഡോസ് ത്രെഡ്‌സ്നേക്ക് അപൂർവമായ പുനരുൽപ്പാദന ശേഷിയുള്ള ജീവിയാണ്. ഇവയ്ക്ക് ഇണചേരാതെ തന്നെ പുതിയ തലമുറയെ സൃഷ്ടിക്കാൻ കഴിയും, എന്നാൽ പെൺ പാമ്പുകൾ ഒരു സമയം ഒരു മുട്ട മാത്രമാണ് ഇടുന്നത്. 500 വർഷങ്ങൾക്ക് മുൻപ് ബാർബഡോസിൽ സുലഭമായിരുന്ന ഈ ജീവി, കോളനിവൽക്കരണവും കാർഷിക വികസനവും ശക്തമായതോടെ അപ്രത്യക്ഷമായി. രാസവളങ്ങളുടെ ഉപയോഗവും, ബാർബഡോസിന്റെ 98% തദ്ദേശീയ വനങ്ങളുടെ നാശവും ഈ ചെറുജീവിയുടെ ആവാസവ്യവസ്ഥയെ തകർത്തു.

ഈ കണ്ടെത്തൽ ബാർബഡോസ് ത്രെഡ്‌സ്നേക്കിന്റെ സംരക്ഷണത്തിന് പുതിയ പ്രതീക്ഷ നൽകുന്നു. പരിസ്ഥിതി മന്ത്രാലയവും റിവൈൽഡും ചേർന്ന് നടത്തുന്ന സർവേകൾ, ബാർബഡോസിലെ അപൂർവ ജീവജാലങ്ങളെ സംരക്ഷിക്കുന്നതിനുള്ള ശ്രമങ്ങളെ ശക്തിപ്പെടുത്തിയിട്ടുണ്ട്. ഈ കുഞ്ഞൻ പാമ്പിന്റെ തിരിച്ചുവരവ്, ആവാസവ്യവസ്ഥകളുടെ സംരക്ഷണത്തിന്റെ പ്രാധാന്യത്തെ ഓർമിപ്പിക്കുന്നു.

The Barbados Threadsnake, the world's smallest snake at just 10 cm long, was rediscovered after 20 years during an environmental survey in March. Thought extinct, the snake was found under a rock in central Barbados by researchers from the Barbados Environment Ministry and Rewild. Last seen in 2000, the species suffered from habitat loss due to colonization and agriculture. This find sparks hope for its conservation.